الخذلان

[مشكلتي]

السلام عليكم ورحمة الله
قبل 4سنوات خطبني شخص مكنتش نعرفو درنا الفاتحة و حبيتو بزاف بقيت معاه عامين
خانني و خلاني قبل العرس على جال اخرى ولدرك ينكر لكنني متأكدة
بعد ما فسخنا كلشي رجعلي وانا كي نحبو سامحتو و بديت معاه من الصفر
درك عرسنا بقالو شهر و نفس الامور اللي صراتلي قبل قاعد تتعاود تبدل عليا حاسة الزمن رجع للوراء
شحال رفضت على جالو خطاب ما يترفضوش مركز و دين كنت نصلي الاستخارة و كي نجي ندعي نقول يا ربي وادا كان فيه شر و مقدرش نكمل نبقى نبكي
مع العلم فايتني ب 15 سنة معندو والو و مشرطش عليه والو
انا درك ف25

[دنيا الامل 18]

لمادا عدت اليه بعد الخيانة انت المخطئة

[rose de sable s]

انت تقولي (مع العلم فايتني ب 15 سنة معندو والو و مشرطش عليه والو
انا درك ف25)
ثم تقولي (شحال رفضت على جالو خطاب ما يترفضوش مركز و دين) لمادا
انت متردده
لكن لما قبلت به رغم فارق السن ايضا ولفت به واحببته لكن كاين امور تفسد حب هدا وهل تستطيع صبر معه
ثم كيف لاهلك ان يقبل به بعد ان فسخ من الاول
ربي يفرج عليك

[ع.عيسى]

امرك محير ؟؟؟ ترفضين من هو احسن منه وتقبلين به رغم خيانته ؟؟؟؟

[خالد عنابي2]

ديجا السيد فايتك ب15 سنة وانتي في عز شبابك وهو وصل سن الكهولة
وزيد ماشرطتو عليه والو
وزيد خانك وخذلك وقبلتي بيه من جديد
وزاد عملك نفس الحركات

باختصار يا مدام راكي درتي روحك لعبة في يد هذا السيد وصار يشوف فيك اداة تافهة للتسلية يرميها وقت ما حب

وتستاهلي على رايك الخايب
المؤمن لا يلذغ من الحجر مرتين

[إسلام الفاروق]

خدعتني مرة عار عليك خدعتني مرتين عار علي

حتى لو تم الزواج ستبقى اللحظة التي خانكي فيها تنخر في عقلك طول فترة الزواج و تجعلكي تعيشين خائفة من تكرارها

[صبرا13]

السلام عليكم و رحمة الله و بركاته
لا حول و لا قوة الا بالله.
سأقف عند كلمة "" و حبيتو بزاف"" قبل ان تحبي زيدا او عمر احبي نفسك اولا، حبا سويا لا حبا مرضيا، يعني "رجل " هكذا ماذا تنتظرين منه؟ لا زلتم في مرحلة عادة يكون الخاطب فيها أشد شوقا لمن ستكون زوجته، فإذا أنتم بعتبة الباب هكذا، ماذا بعد عندما تنشغلين عنه بتربية و السهر على الأولاد سيكون له باقة من الجواري يلف من هاته لتلك ؟
قال تعالى (( و لعبد مؤمن خير من مشرك ولو أعجبكم أولئك يدعون الى النار و الله يدعو الى الجنة و المغفرة باذنه و يُبين اياته للناس لعلهم يتذكرون))
انا اعلم انه و الان بقي شهر للعرس يشق على النفس التراجع و لكن بعض أشباه الرجال من تسري الخيانة في دمه يكون افتك من الأفعى، فتجده كل يوم يذكر زوجته كيف هي ليست لها مقومات الأنثى اللتي يبحث عنها، او كيف انها لا تحسن الكلام كالنساء و لهاذا هو يخونها، و لو كانت غير ذلك لاستقام حاله، هذا النوع منهم يدمر زوجته بمعول الخيانة و التحقير، فينتهي بهن المطاف في سرير في غرفة في الاستعجالات او الانعاش، بعد محاولة انتحار، امرأة محطمة الروح و الجسد، لانها كانت تظن الأفعى حملا وديع. و لو يرجع بهن الزمن الى الوراء
لكان انه عندما قال لها احبك لاصابتها نوبة قيء و اشمئزاز.
المفيد انت لا زلت في العتبة، لا اولاد و لا شيء يجبرك على الصبر عليه به غير اوهام عاطفة قد تعضين أصابعك ندما عليها، فمثل هذا لا يُستثمر فيه و لو كان وزيرا.

[mrmilano1984]

سبحان الله حبيتي واحد هو مايحبكش اصلا وماداركش في قلبو لو جا واحد يحب وحدة اصلا وصح مايعملش هاك ومايخونش زوجتو ومرتو هدا خائن لايستهل قلبك للاسف

[الفاتحة]

من خانك مرة سيخونك الف مرة انت أخطأت وعليك ان تتحملي نتائج خطئك

[حياتي نبع امل]

انتوما مخطوبين وخدعك امالا وجدي روحك كي تتزوجي خاصة كي راه يعاود في نفس السيناريو .مافهمتش علاش تحبو طيحو على راسكم

[أنور]

لا يلدغ المؤمن من جحره مرتين ، استردي كرامتك وافسخي انت هذه المرة ، حتى لا تندمي بعد فوات الأوان

[mrmilano1984]

يااختي بالعقل والمنطق نحير فيك تحبي راجل وشخص يخون فيك اي قلب تملكين هل قلبك سهل لهاته الدرجة وتنخدعين بسهولة كبيرة اكي قلتي خدعك قبل الزواج واكيد نوع كا هادا في دمو الخيانة تسري وماتقوليش راح يتوب الخ صعيب بزاف يرجع نفسو هكدا عاملة حتي يوعدك ويقسملك الخ ماتامنيهش نوع هدا سواء رجال او نساء لاياتمنون ابدا والراجل او المراة لي عمرها ماخانت والله ماتخافيها ابدا

[nidabaize]

شوفي يا بنت الناس نصيحه من اختك ندى روحى رقى روحك عند راقي متخصص و معروف بالدين الاسلامي ماشي مشعودين و قولي ليماك او احد من العائله يصلي فى مكانك صلاه الاستخاره
انا شفت الردود عندهم الحق و الله اعلم لكن فى كل تاخيرة فيها خير

[nihal159]

هو خانك وشاف ردة فعلك الباردة من أول إشارة رجعتيلو تجري؛ ديري في بالك بلي رايح يزيد يخونك مش مرة ومش زوج ببساطة لأنو علابالو ماعندك ماديري لأنك هابلة عليه و ثانيا لأنو هذا هو طبعو خائن؛ وأديها نصيحة من أختك لكبيرة؛ أي حشيشة في الراجل ممكن تداوى إلا حشيشة النساء ماتداواش ويكون حتى عمره 70 سنة يبقى يتبع النساء وكل يوم مع واحدة.

[نادين !]

اذا استمريتي معه راح تتعبين أكثر واصلن الثقه معدومه فيه
اشتري راحتك واتركيه وربنا يعوضك ب اللي احسن منه