مساعدة

مشكلتي · 2016-01-05, 20:20

السلام عليكم و رحمة الله تعالى
أنا عندي مشكلة تتعبني فعلاا
لا تقولولي أنت صغيرة أخرجي من هذا القسم
لأنه لولا مشكلتي التي حطمتني ما أتيت هنا
حاولوا تفهمي أرجوكم
أنا عمري 14 سنة جد ممتازة دراسيا الحمد لله
كل ظروفي جيدة و الحمد لله كثيــــــــرآآ
و لكن شكلي أكبر من سني بكثييير
طولي 171 سم و وزني 60 كج
و الله تعقددت من هذا الأمر
كلما نذهب لمحل لا أجد مقاصي ضمن ذوي سني بل أجده في رف النساء
و بصعووبة
مع العلم أنني لست سمينة و لا نحيفة لكن نوعا ما عريضة
لدرجة أنه في العطلة ذهبنا لإيطاليا عند ركوب الطائرة المضيفة ترحب فتقول
Bonjour mademoiselle .. Bonjour madame ... Bonjour monsieur
كل حسب سنه
و فوجئت بها تقول لي مرحبا سيدتي و حتى المضيف عند توزيع الأكل قال لي تفظلي سيدتي
كدت أبكي و الله
و حتى أمي لا تكف عن الكلام فهي دائما تقولي لي ( وعلاش راكي قد هكا ؟ مين كنت قدك كنت عود .. راكي تباني مرأة ..
شكلك مراهش تع طفله .. إلخ )
و الله صرت محطمة من كل هذااا
صرت أستحي من نفسي و من شكلي
حتى وجهي كانت به بثور لكن الحمد لله إستعطت التخلص منها لم يبق إلا القليل

بماذذا تنصحونني أرجووكم ؟

blanche rose · 2016-01-05, 22:38

عزيزتي عادي
هناك من تتمنين أن تكن مثلك
والله عز وجل خلقك هكذا هل ستنكرين هذه النعمة؟؟
هناك الكثيرات مثلك
انا شخصيا أتمنى أن تكبر ابنتي بسرعة وأراها امرأة مكتملة
لا تعقدي نفسك صغيرتي
فأنت في نعمة كبييييييرة
أما حكاييية مادام..الخ تصرا لأي وحدة تبان راكزة وما تديرش تصرفات صبيانية...

هذا أمر نورمالمن يفرحك..

ربي يوفقك حبيبتي

ZINEDINE_kaka8 · 2016-01-05, 22:48

والله راكي في نعمة كي تكبري تعرفي النعمة هد ي كاينة درم اي تتمنة في لاطاي

نور لاتراه · 2016-01-06, 08:01

السلام عليكم
عليك بالرياضة يوميا وإتباع نظام غذائي متوازن

rose de sable s · 2016-01-06, 08:18

عادي لا تشغلي بالك و توسوسي روحك
كل واحد وجسمه انت عندك غدة درقية تفرز كثيرا كان اولي علي والدتك معالتك من قبل وان تقف معك مش تزيد عليك
انظري لمن هم قصار قامة ستشكرين الله علي طولك والمرضي و سمان ووووومعاقين و فاقدي بصر مادا ستقولي
حاولي ان تعيش حسب عمرك و لا تكبري موضوع

محمد جديدي التبسي · 2016-01-06, 10:31

أنصحك بلبس الجلباب فهو أفضل من التردد المستمر على محلات الملابس اما في البيت فعادي..
هذا خلق الله فعززي ثقتك بنفسك واحمدي الله على النعم ستشعرين بفائدة شكلك في المستقبل فنحن نرى هدا الجيل اغلبه قصير القامة صغير الحجم حتى الواحد منا يعجز عن ايجاد فتاة تملأ العين..استعيني بالله وأكثري من الذكر والدعاء. ربي يفتح عليك

toulay · 2016-01-06, 11:40

سلام عليكم
اختي عادي وعلاش قاعدة تقلق في روحك على حساب واش قلتي la taille تاعك مليحة واش خصها واذا حابة تنقص دير sport ou bien régime
نقص من les pâtes تاني من le sucre
وفي youtube كاين معمر les vidéos كون par exemple متحبش تسجل في une salle de sport تقدر دير فالدار تبع برك واش يديروا
خليك دايرة ثقة في نفسك وماتخلي حتى هدرة تاثر عليك
بالتوفيق

عائشة قدوتي · 2016-01-06, 13:13

لاباس عليك راكي طبيعية جدا المهم اللباس الساتر اللي يرضي الله
أنتي شابة و لستي طفلة بعد سنوات قليلة ستختفي المشكلة تماما

AMINA.Z · 2016-01-06, 14:18

ليس بشيء يمكنك تغييره
فهكذا خلقك الله
الحمد لله راكي كاملة و صحيحة ...قولي الحمد لله
راقبي وزنك فقط و حافظي على رشاقتك

houssem-bigbos · 2016-01-06, 14:45

الحمد لله علي كل حال اختي

ام امير1 · 2016-01-06, 15:38

بلاك 14 و 15و 16 يكونو سنين صعاب لكن كي تولي فتاة رايحة تحمدي ربي على النعمة عندي قريبتي كانت عندها نفس المشكل لكن كي لحقت 22 اصبحت احسن وحدة فينا و كي زوجت وتاتها التصديرة و دركا محافضة على رشاقتها انتي الهاي بدراستك و حافضي على وزنك ماتسمانيش و حمدي ربي على النعمة راها نعمة ماشي نقمة

زبدة ذايبة · 2016-01-06, 15:52

المشكلة في مشكلتك أنك صدقتي نفسك

وصدقتي الشكل الذي ترين نفسك فيه

ثم

النتيجة

أصبحت تلتقطين كل كلمة تسمعينها لها علاقة بشكلك تؤكد لك قناعاتك

فهمتيني بنتي

بالدارجة

انتي آمنت بلي عندك شكل تاع سيدة وإمرأة متزوجة

وبديتي تشوفي في روحك على هذاك الشكل

مع طولك ووزنك قلتي خلاص راني وليت إمرأة -لكن من الناحية السلبية-

وكي اقتنعت انت مليح مليح أقنعتي يماك وخاوتك وداركم وووووو بلي راكي ضخمة الجثة !!!!!!!!!!!

ولاو يعاودو في كلامك وقناعاتك

ماراهم يديرو والو غير يعاودو واش راكي تهدري انت على روحك

إذا انت صدقتي هذا . هوما كيفاش مايصدقوش ؟؟؟؟؟

رب العالمين خلقنا في أحسن تقويم

مستحيل تقنعيني بهذالفكرة تاع تباني Madame la demoiselle خالوطة

ماتدخلش في الراس بنتي !!!!!!!!!!!!

دخلت في راسك انت لكن عن نفسي مارانيش مقتنعة

يعني ماتقوليليش عمرك 14 سنة وتباني 41 سنة !!!!!!!!!!!!

واحد من القدام ماشي كيما واحد اللي يجي من الوراء

ماشي كيفيكف !!!!!!!!!!

4 معاه واحد =14
1 معاه 4=41

نفس الأرقام لكن ماشي نفس الرقم

فهمتي ولانزيد نشرح

واضح مشكلتك وين راهي

وإذا كنتي صح حقيقة تباني 41 سنة يدوك داركم للطبيب تاع الهرمونات يشوف واش بيك

وتريحي

هذ المشكلة كامل اللي عندك من صنع خيالك والتي استوحيتيها من حجمك الظاهر (طول وعرض)

كاين اللي يتمنى يكون طويل رجال ونساء.

التهاي في قرايتك وماتخليش هذ الوساوس تحطمك وانت ماشي جايبة خبر.

أم رامي أحمد · 2016-01-06, 16:10

السلام عليكم عادي يا اختي بعد سنوات قليلة رح جسمك يعدل نفسه وترجعي كما اقرانك اللي قدك باين عليك رح تكوني امراة جميلة ان شاء الله ربي يحفظك لوالديك

fettouha · 2016-01-06, 19:52

عادي يا ابنتي لو كانت امك امامي نقوللها كيف يمكنك لوم ابنتك على شيء ليس بيدها
هي الطبيعة راكي في فترةالنمو والبلوغ وهي فترة وتحبس وبعدها استقرار ماراحش تبقاي تكبري وهذه الفترة لو تتعطل بعدها لن تكبري وتكوني قصيرة او قليولة البعض ربما سيحسدك
انت في نعمة ستعرفينها بعد 15 والمفروض امك تبينهالك
اذا ما كانش عندك خلل هرموني الارجح هي وراثة ربما ابوك ضخم الجثة
بالنسبة للملابس كل الفتيات الي في سنك راهم يلبسوا مع النساء وداعا الطفولة
لوكان راكي في المانيا تباني قزمة
على فكرة بنتي عمرها15 وزنها55 وطولهامتر60 زميلاتها قاع طوال عليها وحدة تلبس40 في الحذاء واخرى اكثر وليسو معقدات بل العكس

mino 13 · 2016-01-06, 20:37

عادي اختي كاين لي قصيرة وتتمنى تكون فى طولك
بخصوص الوزن روحي الى طبيب التغدية وديري ريجيم