حبيت داري وحدي !!!

[minaflower]

صراحة هذا الحق من المفروض الراجل هو لي يسعى بش يوفرو " دارو وحدو " لانو يحب يستقل مع زوجته و يعيشا حياتهما كما يحبان
أما بخصوص لبنات لي يكون شرطهم الأساسي الدار وحدها ويتنازلو عليه ظاهريا و تقول كي يكون يدي ندير رأيي و كي تروح لدار الناس دير مشاكل مع أهله باش تطلبها علاه التحايل .
هذا النوع من القضايا مطروح بكثرة أمام المحاكم.
ربي يصلح الأحوال.

[hiso4a]

تفاديا للمشاكل و الافكار الشائعة و حتى راجة البال للراجل يدير دار وحدو خير ميجرب لي ماهوش مليح مع دارهم ومبعد يضطر باه يخرج ملا يربح الطرفين من النهار الاول و المرا ليتطلب هدا الشي بالاك راهي فاهمة وش راح يصرا بلا مننساو بلي كاين الفحلات لي تسكن مع نسابها و تقلب هديك الدار جنة حتان تعود ام الراجل تفضلها على بناتها و هدا واقع نعرفو مليح ,,,, كلش راجع للعقليات

[لمسة ابداع]

المشاركة الأصلية كتبت بواسطة آسيا 25

لماذا تنتقدون الزوجة التي تطالب بسكن منفرد و تتهمونها بأنها شريرة?
أريد أن تجيبوا على أسئلتي من فضلكم:
أليس من حقي كزوجة أن أرتب منزلي كما يحلوا لي و يروق لي?
أليس من حقي أن أطبخ ما يحلو لي?(و بالطريقة التي أحب?
أليس من حقي التزين و تسريح شعري و لبس ما يحلوا لي أمام زوجي?
أليس من حقي أن اضحك مع زوجي و ألاطفه كلما رأيته?
أليس من حقي الإستحمام صباحا و مساءا من أجل صلاتي دون أن أحس بالحرج أو أن أحس أني مراقبة من أحد?
أليس من حقي أن أجلس كما أحب و أتمدد على الكنبة براحتي و أنا أشاهد التلفاز دون حرج و أن أكون على سجيتي و لو لبضع ساعات دون أن أقرأ حساب أحد قد يدخل علي على غفلة و دون سابق إنذار ?
هل يجب أن تتقيد حريتنا حتى داخل المنزل حتى نعتبر من الأخيار?
أجيبوني يرحمكم الله.

صح لسانك كلام من من دهب

[sinda]

والله ياأخي مشكل الدار تعب الشباب وخلاهم ما يزوجوش صح كاين لي تقولك خلي نقبل ومبعد ندير داري وماشي كامل البنات هكذا تخمم راه العوج والمشاكل لي يخليو الواحدة تحب دارها ممكن تستغنى على كامل حقوقها وتعيش حياتها كيما تحب مبصح كاين حدود تحمل يجي نهار تتفلق أحنا بنات هاذ الوقت ما نحملوش ماشي كيما نسا بكري الله غالب وصدقوني المشكل ماشي في الدار تقدر تكون الواحدة منا مستقلة بدارها وماهيش مهنية المشكل فينا حنا العباد لوكان كانت النية ما يكون تبالي ماكانش واحدة ماتتمنى تعيش حياة هادئة ويكون القدر بينها وبين أهل زوجها يتلموا على الخير أنا شخصيا بداري مبصح ....... مانحكيش خير ربي يهدينا كامل ويعطينا العقل وكل واحد حقوا عند ربي وصراحة أنا ما نحبش نجرح الرجال مبصح هاذي حقيقة الراجل ما يشوفش بلي دارهم هوما سباب المشاكل يشوف مرتوا لي ناقصة عقل

[OUM LOULOU]

بارك الله فيك اخي الكريم.حقيقة موضوع يستحق النقاش .وبين قوسين راك عفست على الجرح كما نقول بالعامية.ولكن اسمحلي اخي وجهة نظرك خاطئة.لانو من الناحية الشرعية يجوز للزوجة ان يكون لها بيت مستقل.لما فيه من راحة لها ولزوجها...وبالنسبة الوالدة ربي يحفظهالك ممكن كانت حماتها طيبة معاها في الوقت اللي كاين حماوات يكرهو المعيشة ربي يهديهم...ضف الى ذلك انوالوقت تبدل.المراة اليوم اصبحت عاملةو ظروفها و وقتها ما يسمحولهاش انها تسكن في بيت عائلي لانو واحد ماراح يفهم ظروفها...

[El zahrae fatima]

الله يصبرك ويفرج عنك ....هادا مانقول

[oumayoub19]

السلام عليكم
حبيت نرد علي هذا الموضوع بصفتي راني مجربة و سكنت لمدة 3سنوات و نصف في بيت اهل زوجي المتكون من 3 حمات. 2 حماي.العجوزة و الشيخ. كي تزوجت دخلت بنيتي ربي عالم متفاهمة معهم مليح بينولي الوجه المليح
صبرت معهم قسمت معهم الحلوة و المرة. يبكوا نبكي معهم يزعفوا نزعف معهم و نهدر عليهم غير الخير و الله علي ما اقول شهيد. Malgré que ماكونتش alaise .ما يحتارموش واحد راقد يعيطوا في الليل قاع هذا الشي و ماقلت والو حتي دارو عليا سمعتهم شحال من مرة يهدروا عليا .و بالاشارات تاني. مرة غضبت رحت لدارنا و الله واحد ما سقسا عليا و علي وليد اخوهم غاضني الحال. مازال القصة طويلة خلي و خلي
المهم ماكاش كيما وحدة دارها هكذا كل واحد يقعد عزيز

[catia]

السلام عليكم
اشكرك على الموضوع الهام نظرا لمعاناة بعض ارجال من هذه الكلمة (ديرلي داري وحدي) اي نعم من حق الزوجة الاستقلالية ببيتها لتحس بحريتها في اللباس وفي التصرف ووو لكن من واجبها ايضا ان تراعي ظروفه فان كان وحيد والديه المسنين والعاجزين هل يرضيها ان يتخلى عنهما?اوكان عاجزا ماديا عن توفير سكن منفرد لزوجته الا يمكنها اتصبر عليه ?اما اذا كانت الظروف سانحة والزوج مقتدر ماديا ومعنويا وبيت العائلة يعج بالاخوة والاخوات من حقها المطالبة ببيتها ان حست بعدم الراحة معهم اما اذا تفاهمت واياهم واعتبرت نفسها واحدة منهم فما احلى العيش في وسط عائلي وانا جربته وتزداد حلوته في الاعياد المناسبات ولا انس ايام المرض فلن تحمل هم البيت من نظافة وطبخ وغسيل ووو هذا رائيي

[baalache]

مجتمع منافق المراة تريد لبنتها سكن منفرد وتريد من ابنها ان يسكن معها يعني بنتها مرا ومرت ولدها بونيشة عندها

[اسراءوفاء]

كلام صحيح لكن لا يعمم

[oum imane83]

كنت نسمع شكاوي المتزوجات عن عجايزهم وكنت نقول بلي مايعرفوش يسيرو حياتهم وكل شيء يتحل بالهدوء.. بالابتسامة ..بكلمة الطيبة والاحخسان اليه.... لكن النظري شيء والواقع شيء اخر.. حملت معاي احلام وردية ونية صافية وننزع تلك الفكرة السوداوية على العقاقة بين الكنة والعجوزة.. ...سعيت بكل الاساياليب لكسب ودها ..نعمل اي شيء فقط لا رضائها ..وكلي ثقة اني سالقى ثمار دلك ولكن اصدمت بواقع جد مرير .. الطيبة والنية الصافية لن تنفع مع البعض ان لم نقل الاغلبية .. العروسة تيقى دائما غريبة بالنسبة لهم مهما تعمل يشوفه قليل وكانها جارية عندهم... تخدم وتسكت بلا ما تشكي بلا ما تنقل حتى شيء من مكان لمكان اخر... منع منعا باتا تلمس شيء في الدار فقط لتنضيف لا غير... ما تحلمش تبدل ستايل البيت .....

للاسف كاين بنات بزاف يكونو ناشكات بهيجات مبتسمات والتعاسة الي تلقاهاها بعد زواجها يخليها تتبدل 180 درجة وتتحول لشخص اخر خلاص تكسرت بداخلها ...

فيه امور يعتبرها الراجل تفاهة لكن بالنسبة للمراة لها قيمة.. المراة البيت هو مملكتها ... ادا لم تجد فيه راحتها استقلاليتها .... فلا تنتضر منها ان تعطيك ما تفتقده..

الصبر اكيد شيء جميل لكن وحده غير كافي تصبر عام عامين ثلاث ..اربع بعدها تنفجر خلاص ..... يا اما بالفعل تستقل بيبيتها او تخسر صحتها وعقلها ... او تطلق...

السفينة موحال تنقاد برئيسين لانها حتما ستغرق

وانا حابة داري وحدي ..... ونحث كل واحدة حابة تتزوج تدير دارها وحدها لتفادي المشاكل لانه ما تطفر غير على المراة وصحتها

لانه نادر جدا وين نلقاو اهل الزوج طيبين وملاح مع عروستهم

.....

النساء على العموم (الا بعض الحالات الخاصة) يحوسو على الهناء راحة البال وراحة الضمير ماهيش تحوس تفصلك عن والديك كما يعتقد البعض.... فلوالدتك عليك
حق.. ولزوجتك عليك حق فلا تظلم اي منهما ... فالظلم ظلمات يوم القيامة ..