|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
|
|
أدوات الموضوع | انواع عرض الموضوع |
2014-05-26, 22:19
|
رقم المشاركة : 1 | ||||
|
الورشه العشرين ....سطايفيه
 السلام عليكم و رحمة الله و بركاته واش حوالكم حباباتي ورشة اليوم خفيفه و ساهلة التطبيق غير لي متحبش تخدم برك المهم نحتاجو 2 متر قماش 3.60 ميطرات قيطان زويتنا ت كيما تحبو انا خلطت و نتي تقدري تخدمي بلي بول ماجيك ولا قفايل ولا ليزيستراس.... تحطي لقماش و طبقي الامام وحدو على زوج و الخلف ثاني وحدو الامام زدنالو 7 سم باش نستغلوهم في النقشات حطينا مقاساتنا و فصلنا  من الامام انا دوبليت لكتاف باش ما نضلش نخيط الروبه في الوسط من امام جي قلب فتحة الرقبه 7سم فتحة الذراع 22سم و راني وريتلكم كيفاش نوكلو النقشات مع اسفل لكتف باش جينا فورم باهيه والصدر مايجيش مبلاطي اوكي فهمتو ولا نزيد نبسط (والله ماراني عارفه كيفاش نفهمكم حاسه كاين لي مايفهمونيش الله غالب والله راني هاذا لي قدرت عليه)  هنا فصلنا سجاف الرقبه من خلف  و هنا بدينا لخياطه من الامام كيما قلتلكم لكتاف مدوبليين يعني مانحتاجوش نسجفوهم و خدمنا النقشات بالطريقه هاذي  و زدنا ركبنا سجاف الخلف و قطعنا الشلطات هاذوك بلاما نقيسو لخياطه باش نقلبوها ماتتشرشفش و اكيد نسرفلو كل حاجه و نحدو في نفس الوقت  نجيبو القالون نتاعنا كاين لي يغسلو و يحدو باش مايشربش انا جبت كاليتي مليحه حددتو طووول و بديت نلصق فيه على حواف الروبه  شوفو كيفاش خيطت  كي وصلت لقلب الصدر هبطت بالقالون كل وحده كيما تحب و شوفي كيفاش درت باش نتحصل عل شكل مفيني مليح  و عاودت طلعت نتي لازم تطراسي باش ما جيكش خياطه عوجه و بالاكي تشبحي و تقدري تحدي الفيزلين تحت المنطقه لي يفوت عليها القالون  كي خلصنا الطريق الاولى نكملو الطريق الثانيه لي جي على الجهه الموازيه  نركبو لكتف مع لكتف و نخيطو السجاف بطريقه نظيفه باش ما يجيش يبان على برا و يديرونجينا  و هاي كيفاش جي لخياطه على برا  الخطوه لي وراها ليمووونش طولهم 32سم و عرضهم 20سم و ينقص مع الكفه و نفوتو القالون مانظلش نكفف قلبت الكفه لفوق و حطيت عليها القالون هكذا  و هاني خلصتهم  و نركبوهم نخلي مسافه 7 سم و نبدا نلصق و كي نبدى نوصل للكتف نخدم نقشات و نخلي في الاخير 7 سم هاذو يجيو تحت الطابق باش ماجيناش الروبه مخنوقه و كي نرفدو ذراعنا تتشبح على لا بواتخين نقدرو مانتبعوش الفكره هاذي كي يكونو عدنا مناشات  و هام ليك من برا  الخطوه لي وراها نجملو الروبه نتاعنا من تحت الطابق للاسفل  و منبعد كي نخلصو نجيبو طرف قماشه نبلوها و نحدو القالون نتاعنا ملييح رايح يبانلك يبريي و مستيكي  و جيبي الزويتنات نتاوعك و تبداي تركبيهم  و تبداي تركبي بالبرا و الخيط انا عاونتني لابرانتي  و خلصنااااااااا و هاي ليك   دمتم في رعايه الله و ماتنساوش دعائكم لوالدي بالرحمه و المغفره اختكم السطايفيه 
|
||||
|
| الكلمات الدلالية (Tags) |
| ....سطايفيه, العشرين, الورشه |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري