كورني محشيين بالسلاطة من مطبخ ام نيفين

[أم نيفين]

السلام عليكم و رحمة الله و بركاته

اليوم درت لي كورني محشيين بالسلاطة ممممم كامل عجبوهم





قولولي واش رايكم ؟؟؟













المقادير:
العجينة:
3 كؤوس فرينة+ملح+ 1 م ك خميرة الخبز+5 م ك زيت+1 م ص خميرة القاطو و نخلط كلش مليح + ماء دافئ حتى تتلم العجينة نعجنها شوية برك باش تتداخل امكونات مع بعض و ترطاب ..نغطيها و نخليها تتخمر .. ثم نحللها بالحلال لسمك حوالي 5 مم ثم نقطعها شرائط و نلف كل شريط حول الكورني حتى نكمل كل العجينة ... نستفهم في بلاطو مدهون بالزيت ثم ندهنهم بالبيض و نذري من فوق الجلجلانية و إلى الفرن حتى يحمارو من تحت ثم نشعلو من فوق حتى يصبح اللون ذهبي كيما فالصورة و نخليهم يبردو و نخرجوهم من الكورني و نخليهم على جنب
الآن نحضر الحشو : و هذا يعتمد على واش عندكم و إمكانياتكم
في طبسي غامق= سلاطة خضرة مقطعة صغيرة جدا+خيارة مقطعة مربعات صغار+ماييس+بصلة صغيرة مقطعة مثل التشكتشوكة مذبلة في شوية زيت زيتون+2 بيضات مغليين و مرابيين+شوية طون+فرماج قرويار قطع صغيرة+كورنيشون قطع صغيرة+زيتون أخضر و أسود .... و إلخ ......
(طبعا أنا مادرش هاذ الخير كامل هههه ماكانش متوفر عندي كلش بصح جات مممممم بشهادة أهل البيت )
ننصحكم جربوه ... مش رايحين تندمو عليه ... يصلح أيضا للضياف يحمر الوجه
و فالاخير نتمنى تدعيولي دعوة خير حبيباتي
سلام

[الصوامعية]

يعطيك الصحة

[أم المعتصم بالله]

جزاك الله خيرا. .يبانوا هجوسين

[samira15]

شكرا لك يا ام نيفين.

[الامل نور]

بارك الله فيك

[أم نيفين]

الله يسلمكم ...شكرا على المرور

[om mita]

الله يعطيك ويرضيك نشاله

[lamiak1]

شهيتيني. طيابك فور اممممم

[أم نيفين]

شكرا حبيباتي ...نورتو

[بيْـدباَ]

الله يباركككككك

[صابرة2013]

يعطيك الصحة

[sarra5]

ya3tik lsaha bninaaaaa

[ميار صهيب]

شكرااااااااااااااااااااااااااااااااااااااااااااااا ااااااااااااااااااااااااااااااااااااا

[أم نيفين]

الله يبارك فيكم ...يعطيكم الصحة

[أم نيفين]

الله يبارك فيكم يعيشكم