اتعذب احترق ما الحل

[مشكلتي]

لسلام عليكم
حكايتي والله مالقيتلها حل راني نتعذب ليل و نهار النوم حرك عليا
تعرفت على راجل في عمرو 37 سنة لاباس بيه يصلي عامل في الصحراء و انا 29 جامعية نخدم و الحمد لله قررنا انا نمشيو طريق الحلال و نتزوجو هو خبر اهلوا و سقساو عليا و بعد العيد الاضحى هدر مع الوالد نتاعي و جات امو و اختو الكبيرة و اختو الصغيرة و هزيناهم فوق الراس و من وراها جاو الرجال و تفاهمو على الشرط و الامور الاخرى و فات كلش عادي و مليح اسبوع بعد العيد عيطت امو الصباح لماما و قاتلها بعد يوميين نجيو نلبسو الخاتم و في و فت المغرب بعثلي مساج قالي دارنا بداو يديرولي المشاكل راهم ماهومش جايين يلبسولك الخاتم انا تقلقت وقتلو عرضنا الناس و وجدنا لكن ماما قاتلي عادي خلي حتى يسجسو رواحم و يجو انا قلبي مرتاحش في الليل حكا عادي معايا و رقدنا الصباح نعيطلو ما يهزش حتى و صلت 12 هز و صوتو ماهوش نورمال و بدا يقولي حنا محناش تاع بعضانا و منقدروش نكملوا طريقنا انا راح نموت مافهمت والواااا قالي نتفاهم انا و انت و نقولولهم بطلنا قتلوا علاش قالي دارنا ماحبوش ودارنا ريبوني دارو عليا و يبكي يبكي يبكي ما نوصفلكمش حالتي و الصدمة لي صراتلي بعد يوميين اتصل باباه بي بابا و قالوا هو لي بطل ؟؟؟؟؟؟ما فهمت والوا هو يقول هوما و هوما يقولو هو هو هرب لي الصحراء وين يخدم و خلاني الي راني فيه والله عذاب الا ربي عالم بيه حسيت روحي تظلمت راني ديما نصلي و ندعي حسبي الله و نعم الوكيل فيهم بدلوه عليا علاش كنا ملاح و مكان حتى مشكل بيناتنا
مزال نهدر معاه لكن ديما نلومو ماوقفش معايا و في اول عثرة خلاني هو اعترف بلي غلط لكن بعد واش و انا نحبو عييت نبعد و ننساه دينا نحس بلي مزال امل انو تتصلح الامور والديا وقفوا معايا في محنتي ربي يحفظهوملي
انا نحس روحي انهرت و فشلت و كرهت الحياه نهار كامل انا نلوم فيه و نبكي راني حاسة روحي محتاجة طبيب نفساني والله تعذبت انصحوني يرحم والديكم راني انهار نار في قلبي ماحبت تطفى

[الحلم الجميل]

السلام عليكم
الله يكون معاك الي راه يفوت عليك صعيب بزاف بصح كاين
حاجة ما فهمتهاش قلت مازال نهدر معاه و الله خلعتيني
هاذ الراجل بهدلك و غبنك و راكي تهدري معاه قيسي الوسخ عليك
اسمحيلي و الله راني حاسة بيك و اثرتي فيا بزاااف بزاف
بصح هذا ما يستاهلكش و يكذب عليك اذا قالك اهلو غير يكذب هذا هو راه بطل
واحد عندو 37 و يحكموا فيه اهلو ..ماشي راجل كان جاء راجل و الله ما يسمح فيك
نصيحتي ليك هذا ربي سلكك منه غير بعدي الخردة لانو كاين اشباه رجال
ما يستاهلوش بنت الرجال يستاهلوا جايحة كيفهم
وكلي عليه ربي و ربي معاك و يعوضك احسن منه ان شاء الله
حسبي الله و نعم الوكيل في ناس هاكا

[غربة أهل السنّة]

و عليكم السّلام و رحمة الله و بركاته
إسمحي لي يا أختي أن أخبرك أن علاقتك به من أول بٌنيت على باطل لأنه لا تعارف بين الطّرفين قبل الزّواج و ممكن الإنسان تهدري معاه أعوام بصح ما تعرفيهش و الدّليل أنك لم تكوني تتوقّعي ما الذي سيحصل.. و هو قال بأن والديه ضد هذا الزّواج و ه أبوه قال بلي هو لي بطّل!! أليس هذا غريبا حقّا؟؟ هذا عمل الجبناء لأن الرّجل الحقيقي يجبُ أن تكون لهُ القدرة على المواجهة و ليس التّخفي وراء والده
أنا أرجّح أنه هو من قرر الإبتعاد و الله أعلم
و لماذا مازلت تتكلمين معه لحد الآن: ألم تشعري بشيء زعزع كرامتك؟؟
أختي: يجب عليك أن تنتبهي فأنت بكلامك معه تُخطئين مع الله و تخطئين في حقّ نفسك
هناك أشياء في هذه الدّنيا مهمة أكثر من الزواج
و أنت لست محتاجة لطبيب نفسي ,, إرجعي إلى ربّك و أكثري من قراءة القرآن لينشرح صدرك
و إسألي الله تعالى من فضله أن يرزقك زوجا صالحا تقيّا و شجاعا و حازما في كلامه مع الرّجال!!

[فحلية]

بسم الله
التفاهم يكون بينه وبين والدك
لا دخل لك في الموضوع . هناك كثير من الفتيات تخلى عنهم الذكور وصبرن حتى وجدن رجالا أخرين والحمد لله
قد يكون هذا من توفيق الله لك حتى لا تستمر الأمور أكثر ويتركك بعد الخطبة أو بعد الزواج

[○•ميسون•○]

راه باين هو لي بطل باسكو هو لي قالك نتفاهمو و نبطلو

بالاك شاف فيها شوفة مع وحدة اخرى

ربي يرزقك بالزوج الصالح

[حرة في بلادي]

يا اختي راها باينة...
الراجل هو لي بطل ونتي حابة تكملي معاه؟ ومازلتي تهدري معاه
اقطعي علاقتك وتشوفي....دقيقة ما يحوسش عليك
الراجل كي يبغي الطفلة يدير الموحال باش يبقى معاها والعكس
باين عليه لقى بنت واحدة اخرى يا اما انو هو غير متزن او مريض
نصيحتي لك
لا تبكي على الاطلااااااااااااااااااااااااااااااااااال
افطني وشوفي لحياتك....
وعوض الدعاء لعودته ادعي الله ان يزرع في قلبك الطمأنينة ويرزقك الرجل الذي يبقى معك

[غريبة هذا الزمان]

ربي يكون معاك اختي والله راني ندعيلك ربي يفرج عليك
ادعي ربي يفرج عليك هذا هو الحل واقطعي اتصالاتك به

[عبدو441]

سمع رجل امرأة كل صباح تردد هذه الكلمات قتله الدخان .....وأي فتي قتل قال لها من بعيد لوكان ذو حيلة لتحول فأرشدها الى حمق وغباء هذا الفتى التي تبكي عليه يوميا منذ غاب



ان كانت القصة كما حكيتها فهذا رجل وقح دنس سمج اراحك الله منه وسيعوذك فقد صبرا

[" أبو عبود"]

اسمعي الزواج مش بالسيف يا اختي الفاضلة. انت ما يهمكش هو لي بطل ولا اهله لي بطلو. تهمك النتيجة ط الموضوع انتهى" علاش راكي تعصبي في روحك. تصوري لو انت اكتشفت حاجة فيها وبطلت يقدر يفرض روحو عليك بالسيف؟ طبعا لا. لهذا نحي من بالك الموضوع واعتبريه انتهى وزيدي الحمد لله ماخسرت والو لحد الآن وهكذا افضل. تصوري تزوجتيه ومن بعد تغير فجاة وقالك روحي لداركم او حقرك او ضربك ؟ احمدي ربي لان ربي حابك. وفكرة انه بطل بعد ما تمت الخطوبة عادي جدا ككاين ناس عقدوا عن القاضي وانفصلوا حتى قبل ما يازوجوا وبعد ما خسروا. عيشي حياتك وانتظري مكتوبك وتاكدي ان ربي مش رايح يضيعك ومش غير هو راجل. راه كيان ما خير منو. ريبي ان شاء الله يفرج همك ويرزقك الصبر ويعوضك خير.

[مواطنة]

اختي لوكان الا مر بقا بين النساء عادي لكن بما انو وصل للرجال ديري شوي قدر لداركم و حبسي الهدرة معاه لانه فرق بين الرجل و الذكر مهما كانت الظروف كان قادر يتكلم مع الاب ديالك و يعتذر مشي يعتذر منك برك و هذا يحصل في التاني
و اذا يمكن مواليه ما حبوش يخطبولو و الله اعلم علاش هو 37 ماعندوش كلمة قدام دارهم وخصوصا انت بنت فميلية مالا احمدي الله لان اذا زوجتي بواحد يتبع برك مواليه بلا معنى و بلا حجة ما تسنايش يعيشك باستقلالية
اختي تحبيه اوكي لكن وينو الحب هذا لي يذوب عند اول رفض لاهله ؟؟؟؟؟
اين الوفاء للمحبوبة ايكن كرامتها؟
اختي لا تظني انك لن تنسيه ابدا و ستبقى مشاعرك نفسه انا انصحك ان تسامحي من كان السبب و ارجعي امرك لله توبي اله عزوجل وابدئي صفحة جديدة و اذا جا من بعد يخطب و انت لازلت تريدينه استخيري الله و الله يوفقك لكن لا تلصقي بحياتك اثار سلبيه هذي تجربة كان لازم تفوتيها خوذي الدروس المفيدة وانتقلي بلعقل بلعقل للافضل
النسيا ن يجي بشوي المهم الله يبارك في والديك وقفو معاك و ما لقوش اللو م عليك و انت قلتيها اول مشكل ماوقفش معاك هو والمشكل من جهتو مالا كوني رزينة ماشي المهم تزوجي بمن تحبين مهما كانت الظروف المهم ان يكون زوجا صالحا يليق بمقامك و مقام والديك و امر المِؤمن كله خير اصبري و كلما تتفكري استغفري
الضربة صحيحة و انت اتقواي منها

[قمر السلام]

يا اختي والله نفس مشكلتي انا وخطيبي انفصلنا بلا سبب وراح للعاصمة وخلاني رجعت لربي وتعلمت معنى اني نرضى بقضاء ربي

وعرفت بلي الي صار يعني كي هرب عليا وخلاني وانو مهوش راجل ومعندوش كلمة هذا كاأنه مشهد شفتوا قبل الزواج من الحياة الي ممكن كنت رح نعيشها بعد الزواج

ياختي متزيديش تهدري معاه في الحلال مكانش معاك راجل ودك في الحرام يهدر بعدي عنوا وقوليلوا انت ماكش راجل

احمدي ربي عسى ان تكرهوا شيئا وهو خير لكم يعني وش يقولك رايك لوكان راح عليك بعد شهر زواج ولا لوكان جبتي طفل وخلاك

احمدي ربي وهاذي الهدرة راني نحكيلك فيها وفي نفس الوقت راني نوجه فيها لروحي لاني ساعات نبدا نبكي ونتفكر

بصح قررت بلي نعيش حياتي ومنديرش حياتي برك لانو هو كان فيها

[pharma-93]

ربي مل فيه الخير وان شاء الله تتصلح الاحوال انت ادعي ربي وان شاء الله يفرجها عليك

[عين الصقر]

ربي يعوضك بلي خير منو وننصحك تقطعي علاقتك بيه
شيء طبيعي قاعدة تبكي كل يوم وتتعذبي
هو لي بطل وماحبش وبدل رايه وماشي والديه
لانو لو والديه رفضو مايجوش الرجال يكملو بعد ما جات امه واخته

[liyna_24]

ربي يهديك أختي العزيزة
باين هو اللي بطل مستحيل والديه بعد ما تفاهمو معاكم يدورو في رايهم بلا سبب
وزيد ماهوش صغير 37 سنة يلعبو بيه اماليه في موضوع كيما هذاا؟
ديري قدر لباباك و روحك و ما تزيديش تهدري معاه
هو رفضك فالحلال و انتي قابلة بيه فالحرام
ارجعي الى المولى عز و جل و ادعي يفرج همك
ربي يسهلك

[العهد الرائع]

اقطعي علاقتك بيه فورا
دارلك تبهديل ماتنسايش هذا الشي
غدوة بعدا الزواج يديرلك فضيحة و يمشي
احمدي ربي نجاك منو