اليوم جبتلكم قاطو ساهل للاعراس لانو العبر واحد يخرج بزاف حتى 90 حبة او اكثر
اليوم ماحطيتش صور حتى نروح للداري جربوه وماتندموش هادي عليا انا راح ينجح 100%
واذا مانجحش جيبوهلي ناكله كعقوبه هههههههههههههه
راكم حايرين كيفاش هاذي غابت شحال وراهي كل يوم تجينا بقاطو صح ولا ماشي صح ؟
علا خاطرراني ضيفة في دار والديا هذا هو السر واذا تقطع حسي عرفوني رحت صح 
المقادير
500 غرام زبدة
كاس سكر قلاص
4صاشيات نيسكافي او 4ملاعق صغار اذا كانت تاع البلارة
حبة بيض
كاس مايزينة
كيس خميرة كيمايئية . ماندريش لافاني لانو راح تكون نكهة نيسكافي غالبة
فرينة حتى تتلم
الحشو
حلوة الترك تاع بوات الصفرة الصغيرة او تاع الميزان قيمة 80 دينار
عسل نخلطوهم مع بعض مانجروهش بزاف
التزيين
شكلاط نوار
الكيفية
نوضعو الزبدة في اناءكبير نخدموها مليح باليد حت تولي كريمة نزيدو كاس كبير سكر قلاص ونخلطو مليح حتى تولي بيضا كالكريمة
انا نخدم باليد احسن ونتوما كيما تحبو
نزيدو نيسكافي راكو شفتوه يجي حبيات نخلوه بلانطحنوه علا خاطر سر النكهة فالحبيبات نزيدو بيضة كاس مايزينة مع الخميرة ونخلطو
الفرينة حتى تتلم ماتقصحواش وماتعجنوش لموها برك
نحلو العجينة مانرققوهاش علا خاطرهدا القاطو يجي بومبي شوية من الاحسن كي تحلو العجينة حلوها وفوقها بلاستيك طبعو بطابع اللي شكلو بيضوي
هذا هو الطابع فقط للتوضيح اماتستعملوش المثقوب العادي فقط
نطيبوه في درجة 180 كي يطيب نخلوه يبرد
نلصقو حبة مع حبة حلوة الترك مع العسل مقدار مغرف صغيرة
نغطسوهم فالشكلاط نوار نخلوها تبرد وونزينوها بخطوط من نفس الشكاط نوار
ننصحكم جربوه وردولي الخبر اللي ذاقوه ماعرفوش بلي نكهتو النيسكافي هي السر
انتظر ردودكم وتقييمكم دعواتكم
( تقرير عن مشاركة سيئة )، و الموجودة أسفل كل مشاركة .
2015-07-26, 16:29
قاطو نيسكافي.......ساهل والذوق هبااااااااااااال
العرض العادي
