مشكلتي

[مشكلتي]

ندخل في لب الموضوع لاني مانيش في وضع تاع مقدمات
خويا رايح للترك السمانة الجاية ومن تما يحرق لليونان على البحر الهايج في هذا الشتاء والبرد قالي راهو هايج البحر في الشتا كان غرقت غرقت وكان كلاني الحوت راهو كلاني
هو من بككري حاب يحرق بصح دوكا بعد ما خدعاتو وحدة صمم وقالي ماتقولي لحتى واحد وكن تخرج من فمك مانثيق فيك وووو راني حايرة
العبد مالقاش الخير في بلادو راح يلقاه في بلاد الناس هو راسو قاسي مايسمع كلام حتى واحد يدير وش كاين في راسو عنيد وكن نقول لماما تقعد تبكيلو ووو وتزيد حالتها عندها لانطونسيون وعندها مرض اخر خويا الصغير مايقدر يدير والو لانو خويا لكبير راسو خشين وقلوق وعصبي واحد مايقدر عليه
هذا راي تالف مالقى وش يخًدًمْ

يقولو ناس بكري لي ماعندو كبيرو الهم هو تدبيرو وش من مصيبة هذي دوكا مالقيت وش ندير راني مربوطة تاع الصح

[ابراهيم داود]

نصيحة لوجه الله عليك ان تخبري احد افراد العائلة الكبار ليحاول منعه ويقوم بتوعيته ويساعدوه نفسيا لانه في حالة فقدان للثقفة وشعور فظيع بلا جدوى حياته... لا يجب عليكم استعمال اسلوب القوة معه لانه سيحرق شئتم ام اليوم ... والافضل ان تخسري ثقة اخيك ويغضب منك فترة من الزمن على خسارة اخيك نفسه وعندها لا يمكن تعويضه... بعض الحراقة يدفعهم اليأس الى الترف بتهور... دون تقدير العواقب

[مناد بوفلجة]

السلام عليكم

ما راكي مربوطة ما والواااااا

إذا لم تعرف أمك اليوم فستعرف ذلك غدا بعد رحيله و تكون حينها وقع الصدمة أكبر و ربما الضغط سيرتفع لها أكثر و أكثر مع هموم الغياب و عواقب البحر الهائج


أنت حاليا في موقف أخف الضررين
إخبارها اليوم ليكون وقع الخبر على أمك أقل منه لو أخبرتيها غدا

و ربما لو جعلتي من نفسك أمينة أسرار أخيك
فبعد سفره سيئنبك ضميرك بعد علم أهلك بما حدث
و لن تنامي حينها براحة بال و ستظل الكوابيس و بَراثِن الندم يطاردانك
ليس على أخيك ، بل على أمك حبيبة قلبك

أخبري أولا أحد أعمامك أو أخوالك
ثم تدريجيا ليصل الخبر إلى والدتك

و ربي يوفقك

[نور لاتراه]

بسب فتاة
هذا هو الحل
اخوك لم يفكر قبل في الهجرة كاول قرار بسب الثروة بل بسب الفراغ العاطفي الذي يعيشه ويبدو انه وصل الى مرحلة متقدمة
وهذا لانه لم يتبع الطريق الشرعي من البداية
الانسان ليس مثال الكمال
ليجرب اقرب انسان اليه ان يفتح له موضوع الزواج
بالتاكيد سيتحجج بسب الوضع الاقتصادي ليس لنفسه بل للدولة باكمها
فقط يحتاج لاقناع بطريقة منطقية
ماذا سيحدث لو ان كل شاب تعرض لمشكلة هجر الوطن
سيذهب للغرب ماذا سيفعل هناك سيظطر لايجاد عمل وبعدها ايجاد شريكته على سنتة الله ورسوله
اذن
اعطيتكم رايي

[belkacemtt]

اربي يفرجها عليك

[قدور بن عاشور]

على الأقل فهميه أن هناك طرق أخرى للهجرة دون المخاطرة بالحياة، لا يوجد إلا فلوكة كوسيلة للهجرة غير الشرعية، هناك طرق أخرى آمنة، فهميه إذا كان و لابد مهاجر على الأقل يخدم مخه شوية