المادلان قلب الشوكولا روووووعة يذوب فالفم

[walido2011]

السلام عليكم اليوم درت مادلان محشي بالشوكولا بصراحة بالنسبة لي هادي أفضل وصفة للمادلان لأنو يجي خفيف بزاف و يذوب أتمنى أن ينال إعجاب الجميع.

المقادير :
2 بيض
90 غ سكر
صاشي خميرة كيميائية
90غ فرينة
20غ كاكاو
صاشي سكر فاني
قرصة ملح
100غ زبدة
قرصة بيكربونات الصودا
20 غ شوكولا



نسخن الفرن 180° لمدة 10 دقائق من قبل.
ننخل الفرينة، الكاكاو، الخميرة، البيكربونات و الملح.



نذوب الشوكولا و الزبدة فوق حمام مائي



نضرب البيض و السكر و السكر فاني حتى يبياض الخليط



نضيف المواد الجافة و نخلط بملعقة، و في الأخير نضيف خليط الزبدة و الشوكولا



الخليط راح يجي شويا ثقيل لكن بعد ما يطيب راح يولو خفاف، نفرغهم في كيسات تع المادلان حوالي النصف، و نطيبهم لمدة 15 دقيقة.



بعد ما يطيبو نخليهم يبردو و من بعد نثقبهم من الفوق و نحي كمية من المادلان





أنا كان عندي غاناش الشوكولا كنت درتو في باتيسراي الشوكولا في هاذ الرابط

https://www.djelfa.info/vb/showthread.php?t=1779594



نملأ حوالي ملعقة صغيرة تع الشوكولا داخل المادلان



نعاود نغلق المادلان، ونرش عليهم السكر غلاص من نفوق





و نقدموهم و انشالله ينالو إعجابكم و تجربوهم