مشكلتي مع الاصدقاء و الاقارب

[مشكلتي]

السلام عليكم ورحمة الله وبركاته
انا شاب في مقتبل العمر و موظف دائم الحمد لله
مشكلتي تعود اساسا الى وظيفتي فبما اني بلا ارتباط اصبحت الوجهة الرئيسية لبعض الاقارب و الاصدقاء من اجل اقتراض المال
فيحرجونني فلا استطيع ردهم و منهم من يقرض مني مبالغ رمزية مثل 600الف او 500 الف ومن طبعي اني لا استطيع مطالبتهم بتسديد الدين او حتى الاتفاق معهم على موعد لتسديد ديني
فاعينوني بنصحكم فقد ضقت ذرعا منهم هل اردهم فاصبح انا المخطئ ام اطالبهم بارجاع مالي فاصبح انا المخطئ ايضا

[mouna lmd]

السلام عليكم ورحمة الله وبركاته.............

اخي العزيز........

هذا هو شعبنا نتاع بروفيتاج....

اذا زادت تعاودتلك قول راني مشومر........... ولا نقولك حط اشري طرف تراب ولا ديار .. واللي يجي يطلب من عندك قولو راني مع الكريدي.............. ولا دراهمي راني نلم فيهم ياه كشما نري وراني مخلي غير قيس مصروف الجيب........

وربي يهدينـــــــــــــــا............ قولوا امين...............

[wissal la star]

ربي يهديهم بالصح أنا من وجهة نظري انك تطالب بحقك سينون رايحين ما يبطلوهاش هذي العادة و يقولو راو ناس ملاح معليش نعاود نطلبو بسكو ماراهوش راح يرجعني و أتاني ماهوش راح يقولي وين راهم دراهمي لوخرين

من راي لازملك تواجهم اخي الكريم و ما تخليش حقك يروح على خاطر حاجة الحق ما فيهاش عيب

[faty05]

طالب بنقودك عادي يا اخي الواحد ما يستحيش من هذه الامور
و زيد الى متى تبقى تسلف في اموالك
اخاف يوما انك انت تحصل و ما تلقا حتى واحد يساعدك
شوف كيما قالت الاخت الاولى قلهم بلي راك راح تشري قطعة ارض او راك راح تشري شقة و بلي راك في الديون المهم يخطوك
يا ربي تبدا تخمم في مستقبلك و دير حاجة مفيدة بنقودك مش تبقى تفرق فيهم علا الغاشي

[سلاف26]

حقك ان تطالبهم في نقودك و قل لمن يلجا إليك للسلف أنا أجمع المال لأتزوج و أبني مستقبلي "ماعنديش الله غالب" كاين ناس ما يحشموش و لازم تحطلهم حدود

[aissam .3820]

على خاطر انت نية والغاشي راه يستغل فالفرصة...
..

طالب بديونك صدقني واحد ما يزيد يجي يسلف...


....

[ibta]

خويا متزعفش مني مي راك نيا مشي عيب نعاونو بعضنا خصوصا ادا الطالب كان اخ او اخت لكن ماشي معنتها يطيحو عليك ايا غدوا كيتولي مسؤول على دار واولاد واش دير

[سفير الأيام]

السلف في هاد الزمان

راه قليل بسباب هاد العفايس

بصح كي تسلف وحدين تكون تعرفهم كثر من جيبك

ولا حبيت انت تمدهم في سبيل الله هاداك الشي شغلك

انــــــــــــا عندي واحد حبيبي صح لوكان واش يطلب ونكون مشومر نضبرله وما نقولهش الوقت اللي يردلي نعرف بلي كي يطيح عنده نصيب تاع المال في اقرب وقت يردلي


بصح وحدين والفوووا يضربوووا النح هنا غير حدد لهم الوقت اللي يرجعووولك دراهمك والله لوكان تطيح بيك تولي تطلب
وإدا ما فهموش رواحهم قاطع مقطوووووه هدرها في الوجه واللي يزعف يزعف

الحق حق

[~~نهال~~]

خويا انا ننصحك

ماتمدلهمش لانك تحصل معاهم و كماقلت ماتقدرش تقولهم يردولك هكا يديرو دايمن يبروفيتيو

[مبروكة الصحراء]

الحق حق طالبهم بدراهمك بلا حشمة

[lidia5]

لا تسلف و لا تسلف

[lidia5]

لا تقرض و لا تقترض هذا هو شعاري في الحياة

[عادل الجلفاوي]

بجب عليك بمطالبتهم بالمال
او لا تعطي لهم من الاساس

[sarl02]

كاين الي يستهل باش اتسلفلو لكن للاسف قليلون ويجب عليك تمييز الناس ..لكن باش اتولي اتمد لقاع الناس لا يا اخي ..وتاكد ان البعض ما يسحوش ولو كانو من الاقارب يعني اذا القاوك نية وما اتقولش لالا خلاص راحت عليك .