الى كل مستعملي قسم الديكور

[ام نعيمة]

اول مرة ندخل الى قسم الديكور ظنيت نفسي رايحة نستفيد من افكار واقعية من منازل جزائرية و لكني اصطدمت باحلام و صور من النت لا فائدة منها

[ام سراج وملاك]

السلام عليكم ورحمة الله تعالى وبركاته
اهلا بك اختي في قسمنا الرائع قسم الديكور المنزلي اختي بما انك جديدة في القسم من الاحسن انك تزوري باقي الاقسام بلاكش تلقاي طلبك ثم قسم الديكور فيه عدة اقسام ماشي غير هذا القسم وين حطيتي الملاحظة نتاعك بما انك تحوسي على بيوت جزائرية ماشاء الله العضوات لي في هذا القسم جزاهم الله كل خير شاركونا بصور لبيوتهم في قسم حصريات الديكور والتصاميم واذا كنت مقبلة على بناء بيتك وراكي حاصلة وحابة اي استشارة او مساعدة كاين قسم الطلبات حطي اي سؤال ثم رايحة تلقاي الجواب ان شاء الله واذا كنت من محبات زراعة نباتات كاين قسم الحديقة الداخلية اما هذ القسم وين حطيتي ملاحظة نتاعك هو قسم الديكور والتصاميم المنزلية مفهمتش وين المشكل نتاعك علاه معجبوكش الاحلام والصور لي من نت هذا القسم نتعرفو فيه عن اذواق واختيارات الاعضاء لديكور ومنهم طبعا نشوفو لجديد لي مشفناهش من قبل وعلى مااظن مكانش لي ميحلمش في دنيا هذي و الله وحدة القادرعلى تحويل الحلم الى حقيقه مفيها والو انك تشاركي الاعضاء بموضوع بلاكش تفيدي بيه وتستفادي نتي منو ماشي تنصدمي بالعكس ضك معظم الناس ولاو يجهزو بيوتهم من الانترنات والاستعانة بالقوقل اختي من الاحسن انك قبل متكتبي رد وتهاجمي الناس وتجرحيهم تتعرفي على القسم الديكور مليح وتزوري باقي الاقسام باش تتجرئي وتكتبي الى كل مستعملي قسم الديكور كيما حطيتي انا والله دخلت لموضوعك ندريك حاطة طلب باش نساعدوك لكن للاسف لقيت العكس نصيحة مكان لاه تجرحي شعور الناس بكلامك وتزيدي من سيئاتك متنسايش برك بلي رانا غير في عالم افتراضي نورتينا