بيت احلامي

[البحر الصافي]

السلام عليكم ورحمة الله وبركاته
اليوم حبيت نشارككم ببيت احلامي
في الحقيقة الحمد والشكر لله عندي بيت وراضية
بيه وربي حققلي جزء كبير من احلامي رغم الصعوبات
والصبر والعقبات لاكن في الاخير نحمد ربي ونشكرو
البيت لي حابة يتحققلي في الدنيا هو زيارة بيت الله
هذا هو حلمي الدنيوي

والحلم الثاني نتمنى بيت في الجنة




وهذا بيتي بعيد على المدينة وبعيد على مشاكل الدنيا

نتفرغ فيه للعمل للجنة لانو ماشي ساهل الحال
لازم جهاد مع النفس وخاصة اللسان لازمو قصة
نحب الهدوء والصفاء نحب السماء واللون الاخضر
وهذا مكان نريح فيه انا والشيخ نشربو اتاي ولا قهوة


وهذا مكان نريح فيه وحدي نتامل في خلق الله ونسبح ونستغفر

وهذا مكاني للصلاة

وهاذي غرفتي بسيطة مافيهاش الكراكيب باه ثم ثم نضفها ههه



هذا حلمي البسيط نتمنى يعجبكم
متسالونيش وين راه غرف ولادك لانهم في الحلم كبرو وتزوجو وراحو لديارهم
ومتسالونيش على الكوزينة كرهت منها ومن شقاها لاكن ميمنعش نديرو وحدة
نشربو منها حتى الماء ونقلو بيضة انا والشيخ هههههه
وكي يجو لولاد ولا الضياف يلقاوها
ها هي

تحياتي لكل من مر من هنا واعجبه حلمي
الضيفة القادمة ستكون آسيا
نشكر اختي ام رحاب لي اتاحت لي الفرصة وعبرت عن بيت احلامي
اللهم صلي وسلم على سيدنا محمد
اللهم ارزقنا بيتا في الجنة
اللهم اغفر لنا وارحمنا
اللهم صفي قلوبنا وطهرها
آمين يارب العالمين