النتائج النهائية لمسابقة الخارجية

[سميرة الحامدة2]

المشاركة الأصلية كتبت بواسطة faisel101

أخت سميرة أسف على السؤال الخارج على الموضوع , حضرتك شحال من عام في الوزارة ؟ ^__^

ان شاء الله اذا كتب ربي نكون في الوزارة هذا العام ... لكن اعرف اكثر من 20 شخص من دفعتي يعملون في الوزارة من الناجحين في الدورات السابقة ... وحتى في هذه الدورة .... ما يجعلني استبعد تماما فكرة التلاعب او المحسوبية

[faisel101]

الله يبارك ويوفقك إن شاء الله
أنا ثاني نعرف شحال من واحد والوالد تاعي ثاني يخدم في الوزارة
ربي يصلح العباد والبلاد ^__^

[Ministére Public]

أخ فيصل... مادام والدك يعمل في الوزارة قلنا وقتاش راح يعلنو على النتيجة النهائية

[سميرة الحامدة2]

.....؟؟؟؟؟؟؟؟...

[dahman himou]

الله يبارك راني نشوف بلي الجماعة كامل عندها أقارب تعمل في الوزارة . أنا والله غير الباب تاع الدخلة نتاع الوزارة مانعرف وين راه جاي :d . راني نقسر بارك ماتوسوسوش برك مني . الله ينجحكم و يقدركم الخير

[faisel101]

النتيجة نظن كيما قالت الأخت سميرة أنو يديرو حساباتهم مليح تاع شكون راح يخرج العام هذا وشكون راح يخرج ومن بعد يشوفو للناجحين
هو سمعت من قبل خبر مباشرة بعد نهاية الامتحان الشفهي أنو المستوى ما كانش كيما توقعو وأنو الناجحين 10 ...
ما نعرف 10 في المجموع مع الكتاب أو 10 للملحقين وأنو المعدل النجاح نزلوه حتى 9/20 وهذا على ذمة واحد يخدم في المعهد الدبلوماسي والله أعلم
مع أنو المرة هذي صعبوها بزاف مقارنة بالمرات لي فاتت والمرة هذي العدد كبير مقارنة بالمرات لي فاتت
وفي كل الأحوال تفاءلو خير حتى اذا ما كتبش ربي المرة هذي ممكن المرة الجاية
نعرف وحدة حتى المرة الثالثة باش نجحت والعام هذا راح تخرج في البعثة الدبلوماسية ككاتبة
ممكن الأخت سميرة تفيدكم أكثر بالمعلومة بحكم تواصلها المستمر مع معارفها ^__^

[Ministére Public]

ماذا؟ 10 فقط؟ لا أظن ذلك فالحاجة للتوظيف كبيرة... و المستوى تم إثباته في الاختبارات الكتابية... الامتحان الشفوي كان نفسي واختبار لشخصية المترشح أكثر من أي شيء آخر... مهما كان لا أعتقد أن العدد ينزل إلى 10 ناجحين فقط

[faisel101]

ما فهمتش قصدي , هو المطلوب 66 للمحلقين ولا شحال كان العدد في المسابقة
بصح بعد تصعيب وعصر المترشحين طلع العدد 10 فقط لي نجحو في الشفهي ولهذا لازم يكون في حلول منها تنزيل معدل النجاح في الشفهي حتى يلحقو للعدد المطلوب لي هو 66 ولا 62
على حسب علمي هذا أول مرة يعملو الإمتحان الشفهي في المدرسة الوطنية
بالعادة يعملو في الوزارة -__- بصح تعرف في بلادنا كل مرة يطلع قانون جديد وطريقة جديدة
في بعض السنوات اضطرو يلغو المسابقة بسبب قلة الناجحين وبسبب الشروط الصعبة للمعهد لي كان مكلف بالمسابقة
العام هذا المدرسة الوطنية للإدارة هي المكلفة بيه ...
ربي يجيب الخييير واستغلووو أخر ساعة من نهار الجمعة فيها دعوة مستجابة ^__^

[Ministére Public]

شكرا لك أخ فيصل... عدد مناصب الملحقين هذا العام 61... يا رب اكتبنا من الناجحين

[faisel101]

بالنسبة للأخت سميرة أو غيرها إذا قدمو إمتحان الكتاب , ممكن يزودونا بالأسئلة تاع الكتاب ؟ وبارك الله فيكم

[dahman himou]

كاش جديد ولا غير القديم

[رمزي فارس]

خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ

[رمزي فارس]

خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ

[رمزي فارس]

خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ

[سميرة الحامدة2]

المشاركة الأصلية كتبت بواسطة رمزي فارس

تتحدث عن النزاهة ههههههه وعمك ؟

انت انسان مريض وتعلق فشلك على المحسوبية... نعم ان لدي ابن عمي في الخارجية وهو مجرد كاتب دبلوماسي سبقني بسنوات قليلة فقط في المدرسة ... الحمد لله انا واثقة من نجاحي واجابتي في الامتحان الشفهي ولست بحاجة الى المحسوبية التي ربما كنت تعول عليها انت وامثالك .. منذ تحصلي على الباكالوريا بتقدير جيد جدا .. والتحاقي بالمدرسة الوطنية للادارة بدون مسابقة... وصولا الى تحصلي على شهادة الماجستير في المؤسسات الادارية وتحضيري لشهادة الدكتوراه بحول الله .... ادعوك الى تكوين نفسك بصفة مستمرة والتوكل على الله بدل التشكيك في كفاءة الاخرين وفي نزاهة المسابقة ... فقط لان مستواك لم يسمح لك لتكون من الناجحين ...