هل من مجرب لبكالوريا الاحرار و كيف كانت النتيجة ؟؟؟

[shy'n]

درت الفقرة مانحبش ال compte rendu

[shy'n]

لكن نورمالمو يمدو على ال compte rendu نورمال

[أنامـل العفاف]

المشاركة الأصلية كتبت بواسطة shy'n

لا اتذكر واش درت في الحقيقة ,,,باينة ماقريت والو ,,,,

اتذكر خطرة قبل الويكاند دوشت و كي كملت راجعت المعادلات تع حلقة كريبس و حلقة كالفن في العلوم هذا ماكان

أما يوم قبل اول يوم تاع الباك ,,, نظت على 9 و بديت نحفظ الشريعة حتى لقيتها الليل و ماكفانيش الوقت نراجع مليح الادب

ان شاء الله نتلاقاو في الطب



الفيزياء على العموم سهلة لان كل التمارينات تتشابه ماكاش عفسات جدد

أذا قريتي خلال هذا العام نورمالو تخدمي مليح هاد المرة ,,,,

ربما بيك التوتر العام لي فات,,,ربما حقروك شوية,,,ربما كنتي فاهمة بصح ماشي متمرنة مليح

لكن ان شاء الله تخدمي هاد المرة




الطب ماشي واعرة -_-

بصح صامطة ,,, خاصة أولى طب ,,,

شكرا للدعوات كان تدعولي من قلبكم على صحتي ديروا فيا بليزير

ربي ينجحكم

ربي يعطيك ما تتمناي و يجيبلك الشفاء و يبعد عليك كامل الامراض يا رب
و الله هنيتيني تع الصح .. مالغري علابالي بلي كل واحد وش كلتبلو ربي لكن كي حكيتي تجربتك طمنتينا الله يجازيك
كش نصائح اخرى مهما كانت صغيرة نحن في الانتظار .... بوركت اختي و زميلتي في الطب ان شاء الله تعالى

[سارة 16]

بارك الله فيك اختي
ان شاء الله نلتقي العام القبل
وربي يشفيك و يحفدك لوالديك يارب

[shy'n]

كش نصائح اخرى مهما كانت صغيرة نحن في الانتظار .... بوركت اختي و زميلتي في الطب ان شاء الله تعالى

أبداوا تراجعوا ابداوا ,,, و احفظوا بضعة دروس

المشاركة الأصلية كتبت بواسطة سارة 16

بارك الله فيك اختي
ان شاء الله نلتقي العام القبل
وربي يشفيك و يحفدك لوالديك يارب

اللهم آمين

[*محب النجاح*]

المشاركة الأصلية كتبت بواسطة shy'n

نا باك 2013 جبت 14,22

باك 2014 جبت 15,80

في هذا الوقت اتذكر جيدا كنت اتحسر على صحتي داخلة خارجة على الأطباء,,,

اذن في القراية كنت هكا

في العلوم ماكنت حافظة والواااااا كنت فاهمة + ماكنت حافظة المجال الاخير شديت برك الحقلقات تع كريبس و كالفن من الدروس الخصوصية
في الرياضيات المادة الوحيدة لي كنت مراجعتها لأني كملتها بكري ,,,لكن قضية التمارينات كنت ناقصة في المتتاليات - يعني التمارينات لي فيهم عفايس ماكنت نقدر نحلهم-

في الفيزياء كنت نحارب مع الميكانيك و الأسترة لي علما اني كنت ضعيفة في بعض التمارينات الصعبة تع الاحماض و الاسس -كنت نخاف بزف التمارينات لي يطلبولنا فيهم حساب التراكيز وال ph لانني كلما نطيح في تمرين هكاك ,,,نلاحظ بلي كل مرجع كيفاه طريقتو و كل طريقة ماتمدش نفس النتائج-

في الأدب ماراجعتهاش خلاص يا ربي درت بعض النصوص خلال العام و في اليوم الأخير قبل الباك راجعتها بطريقة مشوشة و بالتالي ماخدمتش مليح لدرجة ان السؤال تع لون النص نسيييت قااع كيفاه نجاوبوا على هدوك النوع تع الأسئلة

في الشريعة من المواد النادرين لي كنت ماشية فيهم كانوا بقالولي 5 دروس حفظتهم في ديك الليلة غير بسيف و لا انصح واحد راسو ثقيل يديرها لانه شبه عذاب مخي

في الاجتماعيات كنت حافظة الدروس الاولى تع التاريخ و ما كنت حافظة والو في الجغرافيا (الحمد لله ماكسرتش راسي نحفظها بما انو مدولنا اسئلة لا علاقة بالدروس) و الشخصيات و بعض المصطلحات و رحت نعقب هكاك ,,, في الصباح الناس كامل شادين ملخص محمودي عادل و أنا أتذكر جيدا كنت وسطهم ما عرفتش قاع واش نراجع بما انو ماكنت مراجعة والو

في الفلسفة مقالة ما كنت حافظتها راجعتها شوية كي كملنا الفيزياء و رحت هكاك و مخدمتش مليح رغم اني كنت منتظرة على الاقل ندي 10

في الفرنسة لم اراجع شئ لاني جيدة فيها
في الانجلزية راجعتها كي كملنا الرياضيات ظربيت طلة على القواعد لي بالطبع ماقدرتش نشدهم في راسي لاني عام كامل ماقريتهاش


voila حبيت نطلع المورال لي مازال ماكملوش الحفيظة ,,, انا كنت اكثر كارثة من الباك الاول ,,, لكن بالطبع لا انصح القراية تع آخر دقيقة لانها بالنسبة اليا عذااااب قرييب هبلت ,,,,,,,

اتذكر الشريعة عاودت حفظتها مل لول بالسبت قبل الباك نظت على ال9 و بديت نحفظ و نهار لي لحقت للدروس لي ماكنتش حافظتهم كانت ال6 تع العشية و كنت فاااااشلة عييت و الله كان عذااب كبييير و مالقيتش الوقت باش نراجع جيدا الادب و زيد نشفا لي كنت نسقسيه في الفايسبوك على ال 1 تع العشية يقولي كملت المراجعة ,,,يعني المورال هبطلي تحت ال0

نصيحة ابداو راجعوا الشريعة سمانة قبل الباك و آخر يوم راجعو غير الآيات و العناوين و التعاريف هدا ماكان

لم أفهم كيف لم تراجعي شيئا وتحصلت على 15.8
هناك من عام كامل وهو يتعب ويسهر وفي الأخير يتحصل على 11 و12
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ai*cha]

المشاركة الأصلية كتبت بواسطة *محب النجاح*

لم أفهم كيف لم تراجعي شيئا وتحصلت على 15.8
هناك من عام كامل وهو يتعب ويسهر وفي الأخير يتحصل على 11 و12
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بسيطة هي ممتازة و بالدليل تحصلها في الباك الأول على معدل يفوق الـ 14 ماشاء الله ... عامها الثاني كان مراجعة فقط كما أن قدرات الدراسة تختلف من شخص لاخر يوجد الممتاز و المتوسط ليس السهر و التعب فقط تمنح التلميذ معدلات ممتازة يوجد من يسهر و لايليق به السهر ( يعني تعب فقط ) يعني القدرة على تذكر المعلومات المهمة و الذكاء في طريقة المراجعة تحدد ذلك *

[shy'n]

سلاام

نعم كيما قالت عائشة

معدلي للباك الثاني كان أساسا نتيجة , عامي الأول + طاحلي تقريبا غير واش كنت مراجعة الليلة ههه في الأدب ماراجعتش ماجبتش ,, في الفيزياء كنت حاسة يمدولنا ذلك المخطط و راجعنو اليلة سبحا ن الله طاح ,, -في الحقيقة لم اكن مستغربة حاستي السادسة لا تخونني ههه-
في الاجتماعيات الموضوع لي خيرتو حمد لله فيه عير ثقافة عامة و تواريخ بسيطة ,,و زيد كنت حاسة بلي في الجغرافيا دك يمدولنا الدرس الثاني خاطر جامي مدوه , و راجعتو في ذيك اليلة -ما قدرتش نحفظوا قريتو برك - و طاح نوعا ما في الفقرة

العلوم ,,ماكنتش مراجعة الاعصاب و في الباك راني متأكدة راحتلي علاجالو خاطر في التفسير ما حطيتش الكلمات الدلالية و طاحت حلقة كالفن لي أستاذنا تع الدروس الخصوصية ماصيح يعاوده ,,,أظن عاودها خلال 4 حصص او اكثر و دخلتلي مليح في راسي

أما الفلسفة راجعتها ذيك العشية و راجعت مقالة التاريخ و الرياضيات لي كنت متوقعتهم ,,, و مع آخر المطاف ههه ماديت والو,,,

أنا طلعتلهم المورال فقط ,,لكن لا انصح يديروا واش درت ,,ماكاش واحد في الفايسبوك سقساني و ماقتللوش أحفظ من بداااية العام و ماديرش كيما أنا

في الطب ماقريتش , ماديتش 9 المعدل

و لي قراوا ذيك اليلة داو 11-12 المعدل

بالتوفيق

[وجدان الخواطر~]

المشاركة الأصلية كتبت بواسطة shy'n

نا باك 2013 جبت 14,22

باك 2014 جبت 15,80

في هذا الوقت اتذكر جيدا كنت اتحسر على صحتي داخلة خارجة على الأطباء,,,

اذن في القراية كنت هكا

في العلوم ماكنت حافظة والواااااا كنت فاهمة + ماكنت حافظة المجال الاخير شديت برك الحقلقات تع كريبس و كالفن من الدروس الخصوصية
في الرياضيات المادة الوحيدة لي كنت مراجعتها لأني كملتها بكري ,,,لكن قضية التمارينات كنت ناقصة في المتتاليات - يعني التمارينات لي فيهم عفايس ماكنت نقدر نحلهم-

في الفيزياء كنت نحارب مع الميكانيك و الأسترة لي علما اني كنت ضعيفة في بعض التمارينات الصعبة تع الاحماض و الاسس -كنت نخاف بزف التمارينات لي يطلبولنا فيهم حساب التراكيز وال ph لانني كلما نطيح في تمرين هكاك ,,,نلاحظ بلي كل مرجع كيفاه طريقتو و كل طريقة ماتمدش نفس النتائج-

في الأدب ماراجعتهاش خلاص يا ربي درت بعض النصوص خلال العام و في اليوم الأخير قبل الباك راجعتها بطريقة مشوشة و بالتالي ماخدمتش مليح لدرجة ان السؤال تع لون النص نسيييت قااع كيفاه نجاوبوا على هدوك النوع تع الأسئلة

في الشريعة من المواد النادرين لي كنت ماشية فيهم كانوا بقالولي 5 دروس حفظتهم في ديك الليلة غير بسيف و لا انصح واحد راسو ثقيل يديرها لانه شبه عذاب مخي

في الاجتماعيات كنت حافظة الدروس الاولى تع التاريخ و ما كنت حافظة والو في الجغرافيا (الحمد لله ماكسرتش راسي نحفظها بما انو مدولنا اسئلة لا علاقة بالدروس) و الشخصيات و بعض المصطلحات و رحت نعقب هكاك ,,, في الصباح الناس كامل شادين ملخص محمودي عادل و أنا أتذكر جيدا كنت وسطهم ما عرفتش قاع واش نراجع بما انو ماكنت مراجعة والو

في الفلسفة مقالة ما كنت حافظتها راجعتها شوية كي كملنا الفيزياء و رحت هكاك و مخدمتش مليح رغم اني كنت منتظرة على الاقل ندي 10

في الفرنسة لم اراجع شئ لاني جيدة فيها
في الانجلزية راجعتها كي كملنا الرياضيات ظربيت طلة على القواعد لي بالطبع ماقدرتش نشدهم في راسي لاني عام كامل ماقريتهاش


voila حبيت نطلع المورال لي مازال ماكملوش الحفيظة ,,, انا كنت اكثر كارثة من الباك الاول ,,, لكن بالطبع لا انصح القراية تع آخر دقيقة لانها بالنسبة اليا عذااااب قرييب هبلت ,,,,,,,

اتذكر الشريعة عاودت حفظتها مل لول بالسبت قبل الباك نظت على ال9 و بديت نحفظ و نهار لي لحقت للدروس لي ماكنتش حافظتهم كانت ال6 تع العشية و كنت فاااااشلة عييت و الله كان عذااب كبييير و مالقيتش الوقت باش نراجع جيدا الادب و زيد نشفا لي كنت نسقسيه في الفايسبوك على ال 1 تع العشية يقولي كملت المراجعة ,,,يعني المورال هبطلي تحت ال0

نصيحة ابداو راجعوا الشريعة سمانة قبل الباك و آخر يوم راجعو غير الآيات و العناوين و التعاريف هدا ماكان

السلام عليكم
أختي نقلك تع الصح والله واله غير طلعتيلي لمورال كثر ما تتصوري ربي يوفقك
أنا نظامية السنة ان شاء الله
ادعو ربي يوفقنا كااامل
سلآآم *

[rahma broken soul]

السلام أختي
والله طلعتيلي المورال وكيما جيتي هنا وكتبتي ها د الشي و خممتي فينا
ربي ان شاء الله يفرحنا ويفرحك
و ربي يشفيك ان شاء الله
ادعيلنا عزيزتي سلام

[إشراقة الأمل.]

ان شاء الله تكون فال خير علينا هادا العام كي درنا احرار

[meriem minouchha]

wlh pour moi nchouf bali mayslhouch bien khlas pour les libers psq 3labalhom bali al aktariya 3andhom dija le bac alor ysahou hkak bark

[العلم والطلاب]

2014 متمدرسسس 11,85
2015 مترشح حر 14,27
مع اني درس الجامعة علوم المادة وبلعت
2016 مترشح حر ان شاء الله 17

[zizou b]

المشاركة الأصلية كتبت بواسطة العلم والطلاب

2014 متمدرسسس 11,85
2015 مترشح حر 14,27
مع اني درس الجامعة علوم المادة وبلعت
2016 مترشح حر ان شاء الله 17

قدرت تطلع عامك في الجامعه حسب مانعرف علوم المادة صعيبه بزاف ربي يوفقك وان شاء اكثر من17

[syliasmine]

bac 2012: 13.94
bac 214 15.54