الباك فات واللي فات مات

medscd · 2013-07-07, 11:59

السلام عليكم ورحمة الله وبركاته

قلت نضرب طلة على متدى البكالوريا فتعجبت وجدت مواضيع

انهارت نفسيتي

راي نتألم

.
.
الخ

علاه خاوتي هذا البك هو الحياة

وخاصة في الجزائر والله ما يسوا والو

انا نعرف شخص ربح الباك لما سالته قلتله مبروك عليك الباك بلاك كاش ماتولي ايطار في المستقبل

قالي وبكل وقاحة رايح كاش ما ؟؟؟

الفاهم يفهم

يعني الجامعة حاشا اسمها ولات في الجزائر 80/100 مسخرة

لذا اللي ما ربحش الباك مكاله يعي نفسه ويهم بعمله

ونحن مقبلين على شهر رمضان الكريم

من المفروض نكون مهيئين نفسنا لاستقباله بالطاعة والعمل والاكثار من الاعمال الصالحة

شعب مازل يفكر في الباك غريبة

انا نقول اللي ما ربحش ومثلي ماتفكرش اللي فات اللي فات مات

فكر في باك 2014

علما انا لا افكر في اجتياز باك 2014

لاني اريد اتوجه نهائيا واختيار مهنتي المستقبلية

والله يوفق الجميع ان شاء الله في حياته بصفة عامة

تقبلو تحياتي لكم

ورمضان كريم ان شاء الله

dreamer101 · 2013-07-14, 14:32

N'est-ce pas la fin du monde

ضابط كبير · 2013-07-14, 17:41

حاراقا اوروبا ههههههههه
ضبر ميتيات بلومبي و ماسو و انجنيور في لانفورماتيك و هرب اوروبا ههه اسمع ماتنساش تعيطلي و تعرضني كي توصل هيك