سمك فيله مقرمش بصوص الثوم .مثل المطاعم العالمية

نسائم الصباح · 2013-02-10, 10:12

اليوم جايبتلكم سمك فيله مقلي ولا أحلى مطعم ومعه صوص الثوم الشهيرة لي تجي مع المقالي والمشاوي
المقادير:-
منطولش عليكم
شرائح فيليه سمك مقطعه بطول الاصابع بس عريضة
مقادير التتبيلة: ( فصوص ثوم مدقوق +كمون + بهارات مشكله (راس الحنوت) + عصير ليمونة + فلفل أسود +رشة ملح بسيطة +فلفل حار أو شطه) + (زنجبيل + كركم +زعيترا +لحبق ))و4 توابل هذه تقدري تستغني عنهم
للتغطية
نجيب ثلاث صحون
الأول:- نحط فيه فرينة ورشة فلفل أسود.
الثاني:- بيض مخفوق.
الثالث:- بقسماط (خبز يابس مطحون )ونحط عليه رشة ملح وسمسم تقريباثلاث ملاعق اكل معمره وكل ماكثر كان اطعم.
الطريقة:-
نجيب صحن ونخلط فيه جميع مقادير التتبيلة ونبدأ نحط السمك قطعه قطعه ونفركه بالتتبيلة حتى نخلص الكمية ونقلبه كله باليد ،آخر شي لمن نتأكد انه كل السمك غطيناه بالتتبيلة. نغطي الصحن ونحطه في الثلاجة لمدة لاتقل عن ساعه. وكل ماطول بالثلاجة كل ماكان أحسن.
الوقت لي جي طيبه طلعيه من الثلاجة طبعا وتكونين مجهزة صحون الفرينة والبيض والبقسماط وقبل مانبدأ فيها نكون شعلنا على الزيت لانه لازم يكون حاااااااار وقتمانقلي السمك
ونجيب السمك ونبدأ نغطية قطعه قطعه اولا بالفرينة بعدين بالبيض وبعدين بالبقسماط حتى نخلص الكمية ونبدأ نحطه على الزيت ونخليه حتى مايصبح لونه ذهبي يعني اشقر غامق شوي ومع السمسم يجي شكلة رائع
وبعد مايتحمرنطلعه من الزيت ونحطة بصفاية او على ورق نشاف بش يطلع الزيت الزايد.

ملاحظة .أنا كي قلية محطتش زيت كثير .ياربي 3ملاعق .لأني مانحملش الدسم كثيرا لهذا شكل سمكي جاء مش ذهبي .بصح كي تغميه بكمية كبيرة من الزيت .كيما تقلي البطاطة يجي شكله أروع
وهذا النوع من المقالي يحب صوص الثوم أو الطحنية .تغمسي فيهم وتكلي .حتشوفي روعة الطعم
طريقة صوص الثوم :
تذوبين ملعقة نشاء في كوب ماء بارد وتحطينها على النار مع التقليب حتى تتكثف وتشيلينها من على النار وتحطينها بخلاط الكأس مع فصين ثوم مبشوره وعصيرنص ليمونه وملح وشوية خل وملعقة زيت زيتون
وتشغلين الخلاط حتى تتجانس مع بعض

تقدري كذالك تعوضي خليط النشاء ببطاطة مهروسة تكون جرية شوية

والأن نخليكم مع الصور لي الشرح أحسن

حطيت هذه الصورة بش نبينلكم كيفاش يجي شكل السمك ذهبي عندما يغمر بالزيت

وختاما حبيت نقللكم أن هذه الوجبة جي مع بطاطة مقلية أو رز .ولاكن أنا إخترت معها حساء خضار وسلطة
بلا ماننس عصير الليمون بالنعناع الطازج .

وشهية طيبة للجميع

zhor1970 · 2013-02-10, 11:24

رووووووووووووووووووووووووووعة حبيبتي تسلم ايديكي

طائر النورس مغتربة · 2013-02-10, 16:26

والله روعة راح نسجل الوصفة عندي نجربها ان شاء الله في اقرب فرصة
فقط سؤال اختي ممكن نستعمل شرائح السمك المجمد

ميمنة الجزائر · 2013-02-11, 08:32

رووووووعة مممممم لذيذة

نسائم الصباح · 2013-02-12, 14:47

اقتباس:

المشاركة الأصلية كتبت بواسطة zhor1970

رووووووووووووووووووووووووووعة حبيبتي تسلم ايديكي

أنتي الأروع حبيبتي ربي يخليك

نسائم الصباح · 2013-02-12, 14:50

اقتباس:

المشاركة الأصلية كتبت بواسطة طائر النورس مغتربة

والله روعة راح نسجل الوصفة عندي نجربها ان شاء الله في اقرب فرصة
فقط سؤال اختي ممكن نستعمل شرائح السمك المجمد

هلا بالطائر النورس .هذه غيبة مكيش تباني .وشراكي

أنتي الأروع حلوتي ربي يخليك .سعيدة لأنها عجباتك وماتندميش عليها

الحوت حنونة أنا أصلا شرية كنجلي .مفيش مشكل

نسائم الصباح · 2013-02-12, 14:52

اقتباس:

المشاركة الأصلية كتبت بواسطة ميمنة الجزائر

رووووووعة مممممم لذيذة

أنتي الأروع عمري .هذه الوصفة مجيش في ربع شكرتك وإبداعك .نورتيني

ام ظافر · 2013-02-12, 15:04

تتبيلة رائعة وشكلها يشهي
الف شكر لك

طائر النورس مغتربة · 2013-02-12, 17:48

اقتباس:

المشاركة الأصلية كتبت بواسطة نسائم الصباح

هلا بالطائر النورس .هذه غيبة مكيش تباني .وشراكي

أنتي الأروع حلوتي ربي يخليك .سعيدة لأنها عجباتك وماتندميش عليها

الحوت حنونة أنا أصلا شرية كنجلي .مفيش مشكل

تسلمي نسوم راكي عارفة رانا مع الغربة وهمومها وراني رجعت لغرفة المغتربات نتلاقاو ان شاء الله لهيك

تحياتي