دورة التنظيف - الصفحة 2

crono · 2019-09-14, 11:38

اقتباس:

المشاركة الأصلية كتبت بواسطة OM DHOHA ANES

بسم الله والصلاة والسلام على النبي الكريم....
اما بعد...كيف حالكن خياتي وكيف هي اموركن انا اختكم ام ضحى القديمة والجديدة قديمة فالعضوية وجديدة في هذا القسم, يعني كنت سمعت عليه وتمنيت لو انني شاركت معكن وكنت فراشة من الفراشات النشيطات...امالا هاي جات الفرصة والفظل كله يعود للعزيزة الغالية ام هزار للي دعاتني باه ننظم للدورة....

نحب نشكر الأخت خولة على الالتفاتة الطيبة وربي يجعلها فميزان حسناتك.....
الأخت كرونو نرحب بيك ونقدملك تعازيا الخالصة في اخيك واسمحيلي على التاخير ربي يرحمو وربي يصبرك على الفراق وش حانديرو حال الدنيا وكل من عليها فان...دايم ربي احبيبة وشكرا على ماتقدمينه

جزاكي الله خيرا
لفراق صعب ربي يرزق امواتنا الفردوس الاعلى من دون سابقة عذاب.

السلام عليكم جميعا اهلا فراشات
أولا نرحبو بmalake1967 اللي التحقت بأسرتنا و ان شاء الله تستفيدي و تفيدي باذن الله
اهلا و سهلا بيك معنا و بيننا ام هزار OM DHOHA ANES حياتي كلها امل takwazakou
أم هزاز بارك الله فيك و جزاك الله خيرا على دعوة الأخوات لزيارة أسرتنا و ان شاء الله ربي يباركلنا في هذه اللمة
ونداء قوي و عميق جدا لاخوات ام شمسو وجهينة اليقين رندة. رويدة و حقيقة وجودهم مكسب عظيم للدورة و اللي نستها تسمحلي نخلي ام هزار حيبهم بالوحذة

راني مع الروتينات اليومية طياب و غسيل ماعن

و بالتوفيق ليكم.

ام هزار · 2019-09-11, 18:19

اهلا اهلا بالغالية ام هاجر يتوحشك الخير و الهنا .ها هو عقد اللؤلؤ بدا ينتظم ما شاء الله .....حتى حنا ثاني توحشناك ام هاجر و كيما قلت توحشنا الفراشات الكل ..في انتظار البقية

crono · 2019-09-14, 11:17

crono · 2019-09-22, 09:10

صباح الخير على وجوه الخير ...كيف أصبحتم ....اليوم اول الاسبوع يوم النشاط نوضو اقفزو هههه ...نبداو بسم الله والصلاة على حبيبنا محمد عليه افضل الصلاة والسلامâپ¦â‌£ï¸ڈâپ©âپ¦â‌£ï¸ڈâپ©âپ¦â‌£ï¸ڈâپ©�� حبيت نشارك معاكم اليوم تجربتي في كل بداية اسبوع ....اولا نوضي سمي بسم الله افتحي التواقي وهوي الحالة شوي وشغلي سورة البقرة وتوكلي على ربي هزي كلش ماتخلي والو الزرابا اكنسيهم ببالي حرشة ونضيفة وانفضيهم ولي عندها لاسبيراتور هاي تهنت ...نحي دراوات وغلاف لوسايد واكنسي الدار كل وماتنسيش لغدا اقضي وخمي فيه ومن الاحسن تكوني مبرمجاتو ليلة قبل وماتفكها غير لوبيا في هذا النهار المهم نروحو الصال دوبا ابداي بيها الاولى نصفيها واغلقيها واذا فيها الغسالة هذيك حاجة أخرى خليها للأخير نرجعو للدار سيقي وامسحي الغبرة وماتنسايش سورة البقرة رددي مع الشيخ أو على الأقل انتبهي واشحني قلبك بالقرءان ..والله فيه فائدة عظيمة لينا تحسي براحة تهبل ...هيه يالالة ونسيت القش من الاول دوري على القش ولمي واش طيشو لولاد وروحي افرزيه وحطيه يتغسل ماتجي تكملي هذاك هو تنشريه وتتهني واذا درتي لوبيا راهي تصفر وانتي بديتي تحسي بالجوع مممم ريحتها مابنها ��المهم كي تكملي تسياق وتنشاف انشري قشك وارجعي للدار رجعي فرشي الزرابا لي كنتي هويتيهم شوي وفرشي فراش جديد لولادك وديري معطر الجو وروحي ضرك تولهي بعمرك واضربيها بتدويشة الله الله واستيكي روحك مليح تكون هكذاك 11او 11ونص صلي الضحى وريحي شوي والصلاة على النبي محمد ��نتمنى يعجبكم روتيني ��نحبكم كامل ��

rowaida18 · 2019-09-23, 10:20

اقتباس:

المشاركة الأصلية كتبت بواسطة crono

صباح الخير على وجوه الخير ...كيف أصبحتم ....اليوم اول الاسبوع يوم النشاط نوضو اقفزو هههه ...نبداو بسم الله والصلاة على حبيبنا محمد عليه افضل الصلاة والسلامâپ¦â‌£ï¸ڈâپ©âپ¦â‌£ï¸ڈâپ©âپ¦â‌£ï¸ڈâپ©�� حبيت نشارك معاكم اليوم تجربتي في كل بداية اسبوع ....اولا نوضي سمي بسم الله افتحي التواقي وهوي الحالة شوي وشغلي سورة البقرة وتوكلي على ربي هزي كلش ماتخلي والو الزرابا اكنسيهم ببالي حرشة ونضيفة وانفضيهم ولي عندها لاسبيراتور هاي تهنت ...نحي دراوات وغلاف لوسايد واكنسي الدار كل وماتنسيش لغدا اقضي وخمي فيه ومن الاحسن تكوني مبرمجاتو ليلة قبل وماتفكها غير لوبيا في هذا النهار المهم نروحو الصال دوبا ابداي بيها الاولى نصفيها واغلقيها واذا فيها الغسالة هذيك حاجة أخرى خليها للأخير نرجعو للدار سيقي وامسحي الغبرة وماتنسايش سورة البقرة رددي مع الشيخ أو على الأقل انتبهي واشحني قلبك بالقرءان ..والله فيه فائدة عظيمة لينا تحسي براحة تهبل ...هيه يالالة ونسيت القش من الاول دوري على القش ولمي واش طيشو لولاد وروحي افرزيه وحطيه يتغسل ماتجي تكملي هذاك هو تنشريه وتتهني واذا درتي لوبيا راهي تصفر وانتي بديتي تحسي بالجوع مممم ريحتها مابنها ��المهم كي تكملي تسياق وتنشاف انشري قشك وارجعي للدار رجعي فرشي الزرابا لي كنتي هويتيهم شوي وفرشي فراش جديد لولادك وديري معطر الجو وروحي ضرك تولهي بعمرك واضربيها بتدويشة الله الله واستيكي روحك مليح تكون هكذاك 11او 11ونص صلي الضحى وريحي شوي والصلاة على النبي محمد ��نتمنى يعجبكم روتيني ��نحبكم كامل ��

السلام عليكم و رحمة الله غالياتي

ما شاء الله عليك أختي كرونو ....دائما نشطة و ذات نفس طويل ........
ربي يباركلك في صحتك و في عمرك على كل ما تقدمينه .....حقيقة تستاهلي كل التقديييييييير ....

وان شاء الله تكون هذه الدورة سبب في لم شمل الفراشات و لو باعادة التذكير ...فهذا دائما مفيد.....

بالنسبة لي مريت بظروف فوق طاقتي ...ما قدرتش نشارك بحيوية .....

فبالتوفيق

حياتي كلها امل · 2019-09-24, 14:42

منقول للافادة
سلام كشروداتي جبتلكم #موضوع الحاضرة تعلم الغايبة هههه #كيفاش #تسهلي #شغلك 💒🛁🚪👏بطرق بسيطة تولفيهم......
#1_ كي تكملي الدوشي رشي لحيوط بالماء باش يتنحلهم الدهون تاع البخار هكدا ميتراكمش
#2 ديري التهوية تاع المنزل قبل ماتطلع الشميسة ولا موراها باش مضيفلكش الغبرة لدارك 😆😆 #3 كي ميكونش عندك غسيل الماعن بزاف استغلي الفرصة و جبدي قش الثلاجة اغسلي كل مرة بلعقل 💪💪
#4_ حبيبتي الاميرة الناءمة غلفي المخايد بغلافات عديدة باش متتوسخلكش الصوف بزربة ولي دير الريش معنديش ليك نصيحة حنا تاع الصوف ههههههه 🐏🐑 #5_الخزانة مملكة اميراتي هههه كي طبقي من الاحسن ديري ملابس الجزء السفلي (سراول...)الجزء العلوي وحدو (تركوات....) هكدا باش ميدرولكش انقلاب فالمملكة تاعك هههه😎😎💂💂 #6_لي عندها المدمنين على الماكلة قدام tv عليك وعلى تمديلهم سنيوة يديرو فيها الماكلة وغلفي الطابلة و وين يحطو الاكل 🍔🍕 #7_حبي غلفي الكوشة بالالمنيوم بلا متضلي تحكيلها في ظهرها صبح حشيا شتكاتلي منك ههههه
#8_كي تنقي الزجاج تواقي من الاحسن في البرودة ولا معا الصبح باش ميدرش الضباب ويشدك معاه تعاوديلو الغسيل باه يعشقلي الشطارة تاعي كي يولفها هههههه😍😍😍 #9_اهم حاجة متحطيش كرسي💺💺 فالشمبرة بلا فايدة 😠😠 علي خاطر يتحول لبورت مونتو لي يجي يرمي فيه والمعالق فرغين علاه يعني
#10_كي تكوني طيبي الطياب لي معرضتنيش وانا عييت نكتب ههههه كي تبداي طيبي جيبي كيس خطيه قدامك و ماشي سنيوة ديري فيه البقايا حشاء كي تكملي لميه و مركيه فالبدون goووووووول علابالي تعرف فالكزينة و البالو امممممح😙😘😙😘 #11_استعملي العلب في وضع الاشياء وزينيهم افضل من توضعي فالاكياس يبانو رزايم لعجايز انا شطوراتي من تاع هذا الوقت ينقصو في وقت الشغل و يخرجو يحوسو و يزهاو نحبكم ❤💕❤
#متهربوش #خلو لي دعوت خير 😒نحتاجها كيما نتوما تحتاجو مواضيع كيما هاذو
# 🌷 😉 😘منقووووولة نشالله تعجبكم 😜😜😜😜😜

crono · 2019-09-26, 09:19

نعيش دائما بين يسر وعسر ، وكلاهما نعمة ، ففي اليسر يكون الشكر
وسيجزي الله الشاكرين
وفي العسر يكون الصبر ..
"إنما يوفى الصابرون أجرهم بغير حساب..

crono · 2019-09-28, 09:51

صباحكم سعيد مليء بلنشوة والانشراح حاولو ان ترسلو طاقات اجابية الى كل من حولكم كي يكون اليوم مشرق وجميل في اعماقك واعماقهم
تحياتي ومودتي 🌷💚

crono · 2019-09-28, 10:01

فرشاتي
جبتلكم 😉💙🌸
شويه نصايح هايليين يساعدوك ورايحة تغير من النفسية بإذن الله احبك في الله ياجميله😍😍😘
نصيحتى ليك👇👇👇
1- ارقدي مليح و ريحي😴
2 - اظبطي المنبه باش تنوضي تصلي الفجر و رددي أذكار الصباح⏰📄
3 - أول شخص تشوفيه من عايلتك قوليلو كلمة حلوة تخليه يبتسم😍
4 - فنجان قهوة مع شوكولاتة تحبيها☕ او تاي او حليب مع حبة كرواصون تنشطي بيهم 😋😋
5- متستنايش حاجة من أي واحد 🤗😍
6- متتقلقيش و متركزيش مع أي حاجة تقدر تفزدلك مزاجك كبري بالك و قلبك😇
7- افتحى تلفونك و اكتبي فيه Nice Day😎
8- استغفري 1000 مرة💗
9- اذا أي شخص محتاج منك مساعدة ساعديه حتى و اذا متعرفيهش😃💪
10- البسي لبس محتشم لوجه الله و أعيني الشباب على طاعة الله بسترك لجسدك ✋💙
11- اتفرجي على فيديو يضحكك😃
12- اتصلي بشخص مكلمتيهش من زمان صديقة زميلة قريبة و قوليلها توحشتك😉😍
13- اتفرجي على تصاورك و أنتي صغيرة وأضحكي😅
14- حاولى تديري أي حاجة فيـ يومك مهما كانت صغيرة و اشغلي بيها وقت فراغك☺
15- حافظي على الصلوات الخمسة فـي مواعيدها و وقتها بالظبط👌❤
16- ازرعي وردة فـي التاقة تاع شامبرتك أو البالكون🌷🌸
17- حبي نفسك و قولي لنفسك أنا نحبك😘😍
18- اسمعي قرآن نص ساعة👂💌
19- هزي ورقة و قلم و ارسمي أي حاجة حتى لو خالوطة تخربيشة😂 خرجى احساسك او اكتبي و عبري عن احاسيسك 💞👌
20- أي شخص تعرفيه روحي سلمي عليه و ابتسمي كي تشوفيه☺😘
21- كوني هادئة و مرنة و متفائلة وعندك أمل💪❤
22- اشري كتاب حتى و لو متحبيش القراءة و اقراي فيه لو صفحة كتاب يكون مفيد استفادي منو 📘💜
23- داومي على ذِكر الله طول اليوم💙🌸
24- تصدقي بأي مبلغ ، أو بسمة في وجه طفل👦😉
25- اتبرعي بالدم😍💉
26- اذا كاين شخص زعفان منك اهدري معاه و قوليلو أنا أسفة سامحني "و الكاظمين الغيظ و العافيين عن الناس"✊💞
27- اذا كاين شخص مزعفك سامحي من قلبك الدنيا ماتستاهلش💚
29- ركعتين قيام و وتر "أوتري"💝
30- متنسايش الناس من دعائك و لكي المثل👍👬
31- وردَك من القرآن اقرايه فـي أي وقت و متنسايهش ابداً 10 آيات على الأقل💟
32- متنسايش تتوضاي قبل ما ترقدي و تقراي أذكار النوم💌
33- قبل ما ترقدي راجعي يومك و اذا حسيتي مكانش تغيير حاولي مرة اخرى👌💜
34- متنسااايش تظبطي المنبه لصلاة الفجر⏰
35-ابداي يوم جديد وانتي مبتسمة و فرحانة ومتفائلة 😍

crono · 2019-10-24, 08:40

crono · 2019-09-26, 09:10

اقتباس:

المشاركة الأصلية كتبت بواسطة rowaida18

السلام عليكم و رحمة الله غالياتي

ما شاء الله عليك أختي كرونو ....دائما نشطة و ذات نفس طويل ........
ربي يباركلك في صحتك و في عمرك على كل ما تقدمينه .....حقيقة تستاهلي كل التقديييييييير ....

وان شاء الله تكون هذه الدورة سبب في لم شمل الفراشات و لو باعادة التذكير ...فهذا دائما مفيد.....

بالنسبة لي مريت بظروف فوق طاقتي ...ما قدرتش نشارك بحيوية .....

فبالتوفيق

صباح النور أختي rowaida18 ربي يعينك انا تان صرتلي استغفري بزاف واقراي الادعية بشوية إرادة ترجعي مثل ماكنتي وأكثر

خولة84 · 2019-09-12, 10:38

السلام عليكم
كيف حالكن ان شاء الله تكونو كلكم بخير و على خير
الحمد لله بدأت الفراشات تلتحقن وإن شاء الله تكتمل اللمة وكل نكون اليد ف اليد لتحقيق الأهداف المرجوة

OM DHOHA ANES · 2019-09-12, 10:50

صباح الانوار والأزهار والنشاط على كل فراشات المنتدى....
وش الاحوال وش خبار الجري مع بداية موسم الدراسة....يعني والفنا شوي الكسل فالعطلة ورجعنا مباااشرة للجري ماعليهش ان شاء الله ربي يعطينا الصحة والهنا باه نقدرو نقومو بواجباتنا على أكمل وجه
حبيت نشكر اختي ام هزار على الإطراء ونقولك ياعزيزتي كلمة شاف كبيييرة عليا وين انا من شيفات المنتدى للي طااال غيابهم نتمنى من ربي يكونو في اتم الصحة والعافية..وراني معاكم نستفيد بالدرجة الأولى وإن شاء الله نقدر نفيد بواش قدرت...
صباح النور أخت خولة ويوم موفق للجمييييع.

takwazakou · 2019-09-12, 19:09

سلام الله عليكم شكرا على هذه المبادرة وانا اول مرة اشارك معكم وان نستفيد من بعضنا البعض

ام هزار · 2019-09-16, 13:50

اهلا بالغالية كرونو
و اضحك الله سنك كما اضحكت سني .......ما رايك عزيزتي لو نبداو نحطو يومياتنا يعني اعمالنا و روتيناتنا باه يتحفزو الاخوات و ينضمو .واش قلت ظ