همزة الوصل بين المعلم و الولي " الطبعة الرابعة " - الصفحة 8

~~ أغيلاس ~~ · 2015-09-10, 08:00

السلام عليكم و رحماته الله و بركاته؛

أستاذ عبد الناصر؛ صباح الخير و البركات، دخلت الهمزة فإذا بعبير مشاركتك يفوح، بوركت و سُدّدت خُطا ذرّيتك،

أم سرمد؛ لن يوفّيك نقرنا على لوحة المفاتيح حقّك، تقرير جميل جدا، بورك فيك و قُرِرت عينا بسرمد و إخوته.

الأمنيات · 2015-09-10, 08:38

السلام عليكم
ام سرمد بارك الله فيك على التقرير ربي يسعدك اختي شرحتي ووفيتي انا الفيزياء شوي تعبني ما نفهمهاش مليح. والعربيه الاعراب
لوتكرمتي وتحطي لنا المرجع تاع الاعراب. في انتظار الملف تاعك
ام كوثر لا تخافي على كوثر وربي يشفيها هاهو طمنك الاخ عبد الناصر ربي يجازيه ويكرمه بحجه يارب
اريد ان اسال تباميذ الرابعه ابتدائي شعال من كراس طلبو لهم ولادكم. انا بانو لي بزاف هههههه وتاني هاد الاسبوع قراو غير الصباح لعشيه مايروحوش هل هادا عادي ؟؟؟؟

عبد الناصر أمازيغ · 2015-09-10, 09:01

اقتباس:

المشاركة الأصلية كتبت بواسطة ~~ أغيلاس ~~

السلام عليكم و رحماته الله و بركاته؛

أستاذ عبد الناصر؛ صباح الخير و البركات، دخلت الهمزة فإذا بعبير مشاركتك يفوح، بوركت و سُدّدت خُطا ذرّيتك،

أم سرمد؛ لن يوفّيك نقرنا على لوحة المفاتيح حقّك، تقرير جميل جدا، بورك فيك و قُرِرت عينا بسرمد و إخوته.

و عليكم السلام و رحمة الله و بركاته

و نهارك سعيد أخي الكريم .
هذه بوادر التقاعد ، فراغ على طول الخط . لكني أكتفي بالرد على الانشغالات ، لأنه في معظم الأوقات أستعمل الهاتف و الكتابة به كمن يحاول التقاط حبات الكسبر ، و لا أستطيع استعمال حاسوبي المكتبي لتعطل الشاشة ، أحيانا أستعمل الحاسوب المحمول و لوحة مفاتيحه ليس عليها الحروف العربية ، يعني كمن يكتب مغمض العينين .
لدا ، فليعذرني الإخوة الأخوات إن لم أرد على تحياتهم بعد عودتهم من العطلة .

chez biba · 2015-09-10, 09:31

السلام عليكم ورحمة الله وبركاته
بارك الله في كل واحد يخط ولو بحرف لإفادة الغير، جعله الله في موازين حسناتكم
ام سرمد وحراير منورين الهمزة حضوركم دايما مميز
ام كوثر ربي يشفي كوثر وتكون من النجيبات ويفرحك ببناتك يا رب

أستاذنا الفاضل عبد النصر صورت لك خط بنتي في انتظار دروسك راني قلت لها وهي ثاني دايما تسقسي تقولي المعلم تاعك ههههه

أمّ علي · 2015-09-10, 10:05

صباح الخير
من فضلكم أريد عناوين لكتب خارجية خاصة بالاولى متوسط يستطيع ان يعتمد عليها ابني كذلك لي يقدر يفيدني بتجربته مع ابنه .

/زهرة عصفور الجنة/ · 2015-09-10, 10:14

السلام عليكم الحمد لله تم تثبيت الموضوع
ام سرمد تقريرك رائع جوزيت الفردوس الأعلى
ام علي نصحوني بكتاب الميسر في الفرنسية والانجليزية والرياضيات والفيزياء وسلسلة كتب الشهاب
لحد الان لم اشتري اية كتاب

kahinab · 2015-09-10, 10:32

شكرا لمن من أجاب على سؤالي فيما يخص الفرنسية . سأعمل بنصائحكم إن شاء الله . جزاكم الله خيرا

أمّ علي · 2015-09-10, 10:49

اقتباس:

المشاركة الأصلية كتبت بواسطة /زهرة عصفور الجنة/

السلام عليكم الحمد لله تم تثبيت الموضوع
ام سرمد تقريرك رائع جوزيت الفردوس الأعلى
ام علي نصحوني بكتاب الميسر في الفرنسية والانجليزية والرياضيات والفيزياء وسلسلة كتب الشهاب
لحد الان لم اشتري اية كتاب

شكرا أختي سأشتىريهم هذا المساء العام الماضي تأخرت قليلا صدقيني كل الكتب المهمة التي بحثت عنها خلاصت حتى انتقل زوجي الى العاصمة. باش جابلي الكتب المطلوبة

~ حراير ~ · 2015-09-10, 10:58

السلام عليكم و رحمة الله تعالى و بركاته

ام سرمد بارك الله فيك على تقريرك الوافي و الكافي قريتو الصباح مع اريج

انا خفت شوية و اريج استبشرت خيرا قاتلي راني نقلك لازمني ندير بنامج مليح و راهي تطلب منك تقوليلها على برنامج بنيتك بالتفصيل "اذا مش راح تعبك"
لانه العام الماضي اقتدت بزاف بزاف بسيرن بنت ام كوثر و لحد الان تقولي قوليلها وش هو برنامجها اليومي و برنامج الويكاند "غير علابالي ام كوثر الاشراف تعبها هاد اليومين"

بالنسبة للكور هي راهي تقولي خلي يا ماما نقرا شوية و نردلك الخبر على الكور "سيرتو كي قلتي انت ايضا خلي للفصل الثاني" لانها متفائلة بزاف باستاذة جديدة جاتهم في الفيزياء "اول تجربة ليها في التعليم في الحصة الاولى فهمتهم وش معناها فيزياء اتا و ماكنتش نعرف المعلومة"
و انا خايفة مانلقاش من بعد استاذ يقبلها راهم عملة نادرة في بسكرة لقلتهم

اما على اللغة تعيشي قوليلي دراسة النص الي تدرسو يوم الثلاثاء "نص خارجي" قصدك ؟؟؟ او النص المقرر في البرنامج و في الحق اللغة مش خايفة منها بزاف هي تحبها بزاف و الشيخ عبد الناصر راه هنا راح نلصقو فيه و خلاص

بالنسبة للمواقع و الكتب هنيتيني ربي يهنيك عندي كتب خارجية قديمة تاع الوراثة نزيد نشوف الكتبت منين تحطيهملنا و نشريهم و نهني راسي

ام سرمد بارك الله فيك على عطائك و ربي يثبت اجرك و يكتبلك بكل حرف حسانة و درجة عالية في الجنة كما قال اغيلاس كلامنا لا راح يوفي و لا يكفي دعواتنا ليك ربي يتقبلها و خلاص

~ حراير ~ · 2015-09-10, 11:04

ام كوثر غير ماتخميش ان شاء الله كوثر تمشي على درب خواتاتها و تكون متفوقة و السنة الاولى يليقلها متابعة مليحة في الحروف و الا نسيتي؟؟؟؟؟؟؟

فقط حبيت نذكرك بالخلطة الي حطتها ام سرمد العام الماضي تاع المكسرات و الفواكه الجافة

راني درتها لافنان و لقيت تيجة مليحة معاها تحسي مناعتها تقوى
لانه حتى افنان ممراضة بزاف

جربي و لعمال على ربي

/زهرة عصفور الجنة/ · 2015-09-10, 11:38

السلام عليكم
هلا اختي ام اريج وبالتوفيق ان شاء الله
من فضلك ذكريني بالخلطة
راهي مناعة اولادي شوية برك

عبد الناصر أمازيغ · 2015-09-10, 12:34

اقتباس:

المشاركة الأصلية كتبت بواسطة chez biba

السلام عليكم ورحمة الله وبركاته

أستاذنا الفاضل عبد النصر صورت لك خط بنتي في انتظار دروسك راني قلت لها وهي ثاني دايما تسقسي تقولي المعلم تاعك ههههه

و عليكم السلام و رحمة الله و بركاته

مع بداية السنة الأولى خطها راه مليح ،المهم تعرف أشكال الحروف و تصورها ، و عند بداية تعلم الحروف ستتعلم التقنيات تدريجيا .

شوشو 11 · 2015-09-10, 12:37

السلام عليكم ورحمة الله وبركاته
بارك الله فيك شيخ الهمزة عبد الناصر ...اثلجت صدري بكلامك واحسست انك خففت عني تانيب الضمير اتجاه هؤلا الابرياء....وانت اعلم بمن هرم في المهنة وكل ومل من تبعاتها
نظرت اليوم الى وجوههم السمحة وقررت ان اواصل معهم المشوارالدراسي متوكلة على الله تعالى عسى ان افرح واياهم بنتيجة مرضية حتى واني استبعد المعدلات في الشهادة على الاقل اخلاص النية لوجه الله تعالى
احتي ام اريج ربي يفرحك بالبنات ويسهلك امرك

اختي متمنية...انصحك بتقييم ابنك جيدا واذا تاكدت من عدم استيعابه تقدمي بطلب للادارة برغبتك في اعادة السنة الاولى لابنك ورايي ان هذا انسب له فاذا ما انتقل بضعف يزداد البرنامج صعوبة ويزداد هو ضعفا...وايضا هو مازال صغيرا لا يعارض الفكرة ولكنه ان كبر تجدين عدم تقبل ورفض نفسي للاعادة..موفقة اختي الغالية

والى اعضاء الهمزة المحترمين تحياتي الخالصة وموفقون جميعكم

حسيبة2010 · 2015-09-10, 12:38

السلام عليكم ورحمة الله
أرجو قبولي بين مجلسكم...وبالتوفيق لكل أبنائنا إن شاء الله
أنا أم عبد الرحمان. إبني يدرس في السنة الأولى
صراحة أنا من العاصمة ثم سكنت في البويرة وليست لي أي صحبة أو معارف هنا...
أرجو توجيهي في تتبع تعليم ولدي

عبد الناصر أمازيغ · 2015-09-10, 12:58

اقتباس:

المشاركة الأصلية كتبت بواسطة حسيبة2010

السلام عليكم ورحمة الله
أرجو قبولي بين مجلسكم...وبالتوفيق لكل أبنائنا إن شاء الله
أنا أم عبد الرحمان. إبني يدرس في السنة الأولى
صراحة أنا من العاصمة ثم سكنت في البويرة وليست لي أي صحبة أو معارف هنا...
أرجو توجيهي في تتبع تعليم ولدي

و عليكم السلام و رحمة الله و بركاته

مرحبا بك و بابنك ، أنتما صاحبا البيت و نحن الضيوف .
الكثير من الأولياء في هذا الموضوع لهم أبناء في السنة الأولى ، تابعي الموضوع يوميا و ستستفيدين كثيرا ، كما يمكنك طرح انشغالاتك أيضا و ستلقين الإجابة بإذن الله .
أما قولك لا معارف لك هنا فكلنا لا نعرف بعضنا إلا عبر المشاركات التي نكتبها . لكن ألم تلاحظي أنك من ولايتي ؟ رايح ندير بيسطو ..... ههههه أنا أمزح .