استفسار حول عيادة الليزك تونــس

[karim2006]

شكرا جزاكي الله كل خير الأخت
انا في حقيقة لا ارى اعوجاجات انما scotome في الرؤية المركزية .
اما بخصوص الدكتور كمون و الله لا أدري ان كان الابن ام الأب المهم اتصلت برقم هته العيادة
https://www.drkamoun.com/contact.php

كنت جامل مبلغ لزرع عدسة icl لكن للأسف هههههه مكتوب ربي
ربي يبارك فيك أختي الغالية

[سطايفية بكل فخر]

خلينا من السكوتوم اخي كريم قبل ما يظهرلك كنت تشوف الاشياء مديفورميين او لالا هذا واش قصدت قبل ميجيك السكوتوم
ياريت تاكدلي على هذي المعلومة
+
معليش اخي كل عطلة فيها خير وان شءالله تتحل هذي المشكلة ومن بعد نروحو للزرع وزيد مزيا خبيت شوية دراهم هاك لقيتهم وقت الحاجة
لي خبا لقا هههه
+
هذا كمون الصغيرون الابن
الاب في مصحة التوفيق وراني عطيتلك نيميروهم في موضوع الثاني
+
راني نشف فيك تكونيكتي بزاف هذي الايام مش مليح ليك طول في الميكرو او التلفاز او حتى الهاتف
فضلا لا امرا خفف شوية منهم الضوء تالاعهم طول يروح للشبكية اسيدي روبوزي شوية
+
نسيت نقلك بلي معلوماتك في مجال العين ما شاءلله
سكوتوم راهي كلمة طبية تاع المجال تاعنا وكاين لي يقراو معايا وميعرفوهاش
ربي يبارلك ويزيدلك علما على علم واكثر منه ربي يرزقك شفاء لا يغادره سقما

[karim2006]

مممممم heuresement قتيلي مش مشكل غدا سأعاود الاتصال بالأب نتمنى يكون موعد قريب فقط يزيدو يخسرونا في 200 دج مكالمة ههه
هو يوم الخميس على الساعة 3 مساء كنت في الادارة عيطولي نخدم بالكمبيوتر لما شاهدة شاشة كمبيوتر لاحظت تشويش في الرؤيا فأغمضت عيني اليمنى و ركزت بالبسرى فشاهدت اعوجاج بالرؤية المركزية فقط يعني الرؤية المحيطية ممتازة يعني اعوجاج و بعده سكوطوم بنفس اليوم
المهم ووش نقلك فاتت علي ويكاند هااايلة و في بادء الامر حسبتها من لالونتي رحت نجري لدار نحيتها ههههههههههه
المهم راني كونجي من خدمة جاب ربي مخبي 20 يوم مونجي
بالنسبة للاشعة صحيح تهلك لكني مدمن على الموبايل و مدمن ايضا على التدخين و القهوة و لكن سأضع لهم حد جميعا مثلما هلكو عيني

[سطايفية بكل فخر]

المشاركة الأصلية كتبت بواسطة karim2006

مممممم heuresement قتيلي مش مشكل غدا سأعاود الاتصال بالأب نتمنى يكون موعد قريب فقط يزيدو يخسرونا في 200 دج مكالمة ههه
هو يوم الخميس على الساعة 3 مساء كنت في الادارة عيطولي نخدم بالكمبيوتر لما شاهدة شاشة كمبيوتر لاحظت تشويش في الرؤيا فأغمضت عيني اليمنى و ركزت بالبسرى فشاهدت اعوجاج بالرؤية المركزية فقط يعني الرؤية المحيطية ممتازة يعني اعوجاج و بعده سكوطوم بنفس اليوم
المهم ووش نقلك فاتت علي ويكاند هااايلة و في بادء الامر حسبتها من لالونتي رحت نجري لدار نحيتها ههههههههههه
المهم راني كونجي من خدمة جاب ربي مخبي 20 يوم مونجي
بالنسبة للاشعة صحيح تهلك لكني مدمن على الموبايل و مدمن ايضا على التدخين و القهوة و لكن سأضع لهم حد جميعا مثلما هلكو عيني

ايه اتصل بيه ولي مدلك موعد قريب روح ليه
كمون الاب عندو غاشي ممكن تحكم نيميرو على؟7 تاع الصباح تفوت على 7 تاع اللي نورمال هههه
المهم انت اتصل ولي فيه اللخير يقدمو ربي
هوما في زوج ملاح
+
معليش مش خسارة في عينك هههه
+
وي ديفيسيل تصرالك عفسة كيما هاذي الحمد لله على كل حال جات بسيطة وباذن الله يتنحالك وميبقالكش
+
نعلبوها خدمة حت ومعندكش كونجي حط ملادي قلهم منقدرش نشوف رايحين يخدموك بالسيف وانت متشوفش
الطبيب يحبسك من الخدمة
+
ان شاء الله خاصة الدخان والموبايل نقصهم وتحب تكوناكتي كوناكتي بالبيسي ارحم من الموبايل وان كان في زود علة انا شخصيا راني نورمال ومعنديش ميوبي وكي نطول في البيسي نعيا منو
هو لي زاد علينا تاع بكري لا تليفيزيون لا ميكرو يشوفو دبة النملة وحنا جيل خالية عليه من كل بلاصة
يالله منعطلكش ومنحمكش بالهدرة روح ريح عينك وطيش النت من يدك ورقد شوية
تستراح
واي جديد بلغت=ني بيه اخي
راني هنا لاي سوال او استفسار واذا قدرت نعاونك اكيد رايحة نعاون فقط قلي منوصيكش
ربي يسهلك اخي
تصبح بخير

[karim2006]

السلام عليكم مجددا
أختاه ، استقبلت منذ حين جواب من أحد مراكز طب العيون باسبانيا ، حيث سبق و أن راسلتهم بخصوص حالتي مرفقا لهم كل صور الفحوصات .
فكان ردهم بأن النزيف خفيف و ممكن يزول مع وقت اليك ما قالو حرفيا راح نتعبك شويا نديرلك ميوبي هههه :
Cher Monsieuri,
Selon le rapport envoyé, nos spécialistes du département de macula nous indiquent que l’hémorragie est peu dense comme pour envisager une chirurgie. Il suffit de réaliser des contrôles réguliers pour voir si elle diminue.
N’hésitez pas à nous contacter si vous continuez à être intéressé à réserver un rendez-vous pour corriger votre myopie haute.
Pour mieux connaitre nos spécialistes à Barraquer et pour obtenir plus d’informations concernant les techniques actuelles pour corriger la myopie haute, nous vous invitons à consulter ce link : https://www.medical-solutions-bcn.com...-astigmatisme/

Cordialement,

Le service client Medical Solutions Barcelona
Telf 00 34 657 460 421 (Nous recevons appels sur WhatsApp et Viber)
www.medical-solutions-bcn.com
- البريد الإلكتروني حذف من قبل الإدارة (غير مسموح بكتابة البريد) -

[سطايفية بكل فخر]

مساء الخير اخي كريم سامحني ملاهيتش هذو اليومين عليها مرديتش
ايا مليح هو نفس كلام الطبيبين تاعنا انو جات بسيطة ومتحتاجش عملية
هوما قالولك ابقا كونطروليها اسكو تنقص او لا
والطبيبن لي استشرتهم قالولك تبع راي اطباء تونس ودير الحقنة لانو يخافو من النيوفيسو
المهم لي تافقوا عليه انو هذي المرة جات سلامات وجات بسيطة
الان ان شءا الله تروح لتونس وثما تدي القرار حول الحقنة
+
قرات منذ ايام احد الاعلانات عن مصحة مختصة في الشبكية بتونس
لكن لا اعلم مدى خبرتهم وتميزهم في المجال
ابعثلهم الدوسي او اعقب عليهم وشوف واش يقولولك
لكن كيما قتلك معندي عليهم حتى معلومة
+
متنساش طمني واش يقولولك واش يديرولك وربي يشافيك اخي

[karim2006]

السلام عليكم
أختي الكريمة أنا حاليا بتونس و ذهبت للدكتور هيكل كمون و قابلته و لم يكلف نفسه ليفحصني جيدا يعني مدليش fond de oeil و اكتفى فقط بالنظر للراديوات و قلت له بأني لا أحبذ الحقن فأعطاني دوائين 2 tanakan و dycinone .
و قالي بعد شهرين أرجعلي و قالي على زراعة العدسة تكلف 2400 دينار تونسي للعين .المهم لما دخلت انا سمعتو قال للممرضة '' مزالت ساعة و نصف و نروح عندي مؤتمر " و مقاليش هل ستختفي مع الوقت ام لا .

[سطايفية بكل فخر]

صباح الخير اخي كريم
جيد انك قابلته
اخي هو طبيب مليح وفي حالتك باين كلش في الراديو ممكن حب يشوف اسكو بعد شهرين تروح او لا ومن بعد يقرر اسكو تحقن ولا لالا
وزيد انت علاش مسقسيتوش تروح ولا لالا علاش سكت كون قتلو فهمني
+
قصدك انو كي عاد عندو موتمر نلهاش بيك نحب نطمنك لما يكونو مش لاهيين يحبسو لافيزيت ويخرجو يعني ميفوتوش برك فمتخافش
اكيد علابالو واش راهو يديه وسير هو تاني شاف بلي راهي سامبل وحب يسويفيها بعد شهرين اذا نقصت ميحقنش منقصتش يحقن
صحا قولي اخي كريم ملي بداتك اسكو السوطوم حسيتو صغار شوية ولا مزال بنفس القطر
+
بما انو.مزلت في تونس زيد فوت الدوسي عند باباه يشوفو مك خاسر والو اخي انت رحت رحت
.ان شا الله ميكون غير الخير
ونحب نزيد نطمنك هيكل مليح فمتتوسوش منو لو صح كنت تحتاج حقن اونيرجونس كان يقلك لازم تحقن وميمدلكش الواء هكاك برك
+
بخصوص الدواء نعرف واحد واحد منعرفوش اصبرني نسقسيلك عليه ونردلك
واشاء اللله ميكون غير لخير
وبركاك مقلقت روحك كل الاطباء اجمعوا على انها جلت بسيطة هذي المرة وان شاء الله متتكررش

[karim2006]

هو قالي ادوية هاذي تذيب للدم يعني ممكن تختفي السكوطوم و قال انه لن يعمل حقنة قالي استعمل الدواء و ارجع بعد شهرين

[karim2006]

السلام عليكم مجددا
ذهبت لطبيب آخر و نصحني بالحقن قال لي 3 حقن حقنة كل شهر
سوف أفقد أعصابي صدقيني يعني دكتور كمون اعطاني دواء و هذا قال لي حقن في اقرب وقت
والله لا ادري ماذا أفعل

[سطايفية بكل فخر]

المشاركة الأصلية كتبت بواسطة karim2006

هو قالي ادوية هاذي تذيب للدم يعني ممكن تختفي السكوطوم و قال انه لن يعمل حقنة قالي استعمل الدواء و ارجع بعد شهرين

المشاركة الأصلية كتبت بواسطة karim2006

السلام عليكم مجددا
ذهبت لطبيب آخر و نصحني بالحقن قال لي 3 حقن حقنة كل شهر
سوف أفقد أعصابي صدقيني يعني دكتور كمون اعطاني دواء و هذا قال لي حقن في اقرب وقت
والله لا ادري ماذا أفعل

l مساء الخير اخي كريم
بداية كان الله في العون اعرف جيدا ما تمر به لاني وقعت يوما في مثل موقفك كل طبيب يقول لي شيء وانا لا افهم ما اعمله
اهم شيء الهدوء لانو النرفزة والقلق رايحين ياثرو في عينك اخيثانيا بخصوص الدواء
tanakan هو دواء طبيعي مستخرج من عشبة يعمل على تحسين الدورة الدموية في عينك يعني فازوديلاتاتار
اما الثاني ديسينون هذا مكنتش نعرفو وراني سقسيتلك عليه هو فازوبروتاكتار يعمل على توقيف ومنع ليزيموراجي لذلك خذهم اخي وبما انك في تونس جيبو م عندهم تاعنا راهو ما وزغاريت جينيريك كامل
+
قولي اخي وشا من طبيب رحت ليه وهل هو معروف قريبي كان رايح يدير الليزك وقريب غر بيه طبيب تونسي ودارولهو وهو عينو متسمحلوش هو طبيب غير معروف هناك الحمج لله انه اراني الراديو قبل فوات الاوان
لذلك اخبرني بالاسم لاسال لك عنه
ثم اتعلم اخي انت راك ثما زيد روح لكمون الاب خبرتو كبيرة بزاف وبعدها قرر اذا قالك متحتاجش حقن ابقا بالتراتمون لي وصفولك ابنو واذا قالك يلزمك حقن تناقش معاه وقولو واش قالك ابنو وحاول تفهم ل يلزم الحقن السريع او يمكن نستناو اسكو تروح ولا لالا واطرح عليه جميع الاسلئة لي في بالك با ش ترتاح وتطمن
روح احكي مع الفرملية تاعو وقولها كا اونيرجونس وبلي عندي نزيف في عيني ولازمني نقابلو ضروري باش تعقبك او تفوتلو الدوسي لانو عندجو غاشي عظيم
وان شاء الله ما يكون غير الخير ياريتني كنت طبيبة عيون حتى استطيع ان اساعدك اكثر ولكن ما باليد حيلة سامحني برك ما عندي غير الدعاء ندعيهولك اخي كريم

[karim2006]

شكرا لكي
الطبيب هو رضا خنفير موجود ب lac 1 و بالنسبة لكمون سوف أتصل بهم صباحا و ان شاء الله يقبلو زيارتي .
شكرا جزيلا لكي

[سطايفية بكل فخر]

مصح البحيرة ككل تابعة لكمون الاب احسن شيء اسمع رايو هو ولي فيه خير يكتبو ربي ان شاء الله
ربي يكون معاك اخي كريم
قولي هل تحسن انو القطر تاع السكوطوم هبط ولا مزال نفسو

[karim2006]

اهلا مجددا .
حاولت اليوم مرارا وتكرارا الاتصال بمصحة التوفيق لكن لا يردون و خفت نشقى مع لخر يرجعوني
المهم ذهبت لدكتور مشهور و متمكن اختصاصي شبكية و نزيف .
اسمه دكتور بوعصيدة ابراهيم موجود بحي الخضراء تونس العاصمة .
نصحني به أحد الاصدقاء المهم قعدت نضغط على الفرملية حتان فوتتني بسيف لانو كان كومبلي .
دخلت دارلي fond oeil و شاف راديواتي و مبعد قالي خير نعطيك دواء و تصبر حتان تروح و لا نعجلو بعلاجها بحقنة ....
انا قلت نتبع دواء لشهرين و نريح عيني و نقلع عن تدخين و ندعي ربي كان راحت اللهم لك الحمد كان مراحتش نعمل حقن و خلاص .
نسيت باش نخبرك واش صرا في تونس انا رحت مع الوالد هو ايضا عمل حقنة في 2008 رجع يدير فحص عند طبيبو الاول لي هو خنفير متواجد ب lac لما شافو قالو يلزمك ابرة اخرى و 2 حصص ليزر المهم عملهم و الحمد لله كي عالج والدي المهم ما شقيتش في باطل .
بالنسبة لسكوطوم مزال على حالو عندي صعوبة في القراءة نصبرو و خلاص

[سطايفية بكل فخر]

اهلا اخي كريم من الصباح وانا نستنى واش درت فيها
+
مدام مهيش خطيرة هذي المرة وجات بسيطة تبع الدواء وعاود ارجع بعد شهرين وانا كي قالك كمون بلي ارجع بعد شهرين شكيت بلي رايحة تروح بالدواء ومهوش حاب يخسرك حق الحقنة
اصبر اخي ونحي عليك القلقة الزايدة وحافظ على عينك وان شاء الله تروح بلا حقن وربي يشافيك ويعافيك يارب
السكوطوم جاي سونطرال عليها ماثرلك في الشوفة معليش متتوسوسش منو ونحيه من بالك حتى يروح باذن الله
وربي يشافيك ويعافيك
+
اه خبر جيد انو مشقيتش باطل هاهو باباك عالج وانت جبت دوا وطمنت بلي راهي بسيطة لانو لو شافوها بلي قراف يديرولك حقن طول
وان شاء الله ميكون غير الخير
ثم طمني الوالد تحسن بعد الحقن والليزر هو واش عندو نزيف مثلك ولا dmla
+
حبس الدخا ن القهوة نقص من الكوناكسيون نقص القلقة وريح عينيك ارقد مليح اشرب دوا يتنحالك الستراس وترتاح عينك وترجع طبيعية
انت ماش اء الله راك هذا وين جاي للدنيا ومزال مديباسيتش حتى 30 فالاحسن تحافظ على صحتك من ظرك باش تلقاها في كبرك
الدخان هو عدو الانسان الاول يخليلو صحتو وجيبو لو تحسب الدراهم لي صرفتهم عليه اول ما بديتو تلقا روحك موفر حق عملية زرع عدسة
المهم اخي رايحة ندعيلك ربي يشافيك واي حاجة يسحقها اخي راني هنا
فمتخلي حتى سوال في راسك ولا طلب متقولوليش
سلام الله عليكم