الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 53

ام سهام 02 · 2014-11-08, 09:57

السلام عليكم
ويوم سعيد ومبارك للجميع
صبحت على les langues de chat فكرتني فيه حياتي كلها امل

ام سهام 02 · 2014-11-08, 09:59

اقتباس:

المشاركة الأصلية كتبت بواسطة randa13

سلام لبنات تعيشي أم سهام طريقة طاجين المحوت

اتفضلي حبيبتي الوصفة
https://www.djelfa.info/vb/showthread...post3992045153

Simassim · 2014-11-08, 10:03

نهال راكي غالطة فالعنوان لول عمري ماحطيت صورة كروكي !!!!!!!! عندي شحالللللل ماخدمتوش

*جوهرة الجنة* · 2014-11-08, 10:14

صباح الخير ام سهام اطباقك فوووور كلشي من يديك عندو ممممممممممممم

*جوهرة الجنة* · 2014-11-08, 10:15

صباح الخير سيماسيم ولهنا كي راكم خياتي

اسماء47 · 2014-11-08, 10:15

اليوم نهار الطلبات اسمحولي ههههههههه
كلمتني عجوزتي قالتلي باه نروحو عند جارتنا مريضة متنقدرش نروحلها بيديا
جيت ندير قاطو لقيت بيضة واحدة
ماكانش قاطو بدون بيض او بيبيضة و شكرا ليكم حبوباتي

الأمنيات · 2014-11-08, 10:15

السلام عليكم ويومكم مبارك
ياقوت عجبتني كيكه التفاح تاعك درتيها بالعجينه مورقه
ام ياسين شمرا على الوصفه تاع الدويده نفس الطريقه تقريب انا درتها مرقه حمرا فقط
دائمه الحمد هاتي رابط تاع واش راح طبقوا ما شفتهش انا حطيه لي هنا
عسولتي يعطيك الصحه راكي ناشطه تبارك الله ربي يسعدك
ادراريه عروستكم يهلكوا الواحد تعرضوا شعب كامل ههههه نقصوا من هاد العاده
ام ماجد زهره ام تاج لهنا عروستنا ام سهام والبقيه يومكم سعيد بكل خير

ام سهام 02 · 2014-11-08, 10:16

وصباحك مسك ياقوت الله يسلمك هذا من ذوقك

lahna moka · 2014-11-08, 10:17

ام سهام غاليتي تعيشي وصفة langue de chat
عاشقة الجنة حبيبتي كنت نراسلك على جال وصفة الكوكا بصح صندوق رسائلك معمر لذا تفضلي
كوكا:
للعجينة: تاخذي 400 غ فرينة و تحطيلها نصف ملعقة كبيرة سكر عادي و ملعقة كبيرة مملوءة خميرة الخبز الفورية و تخلطي ثم تزيديلها 2 الى 3 ملاعق زيت (صراحة انا نستعمل زيت الزيتون يعجبني اكثر) و حكي شوية ثم أضيفي الماء الدافيء مع رشة ملح و لميها للحصول على عجينة طرية اعجنيها جيدا جيدا حتى تسمعيها تخرّج فقاعات خليها في اناء و غطيها بكيس فوقو منديل و خليها حتى تخمر تماما حوالي نصف ساااعة في مكان دافئ
حضري الحشوة تاعك اللي حبيتي. أنا ندير لحم مرحي نقليه مع شوية بصل و ثوم و حبة طماطم و توابل على النار حتى تنشف و نزيدلها في الاخير رشة سخية قصبر مقطع
نحل العجينة تاعي الى سمك نصف سم و نقطع دوائر بكاس و نحط الحشوة في المنتصف و نغلقها لنشكل نصف دائرة (ندهن شوية الحواف بالبيض باش ما تتحليش أثناء الطهي) نغلق الاطراف بواسكة شوكة بالضغط عليها و ندهنها بصفار بيض المخلط مع قطرات خل و ندخلها للفرن السااااااااخن و تطيب بلخف حوالي ربع ساعة فقط و نتي على حساب الفرن تاعك
ملاحظة مهمة : باش المعجنات اللي فيها خميرة الخبز تجيك طرية و هشوشة أبدا ما تنقصي للفور تاع بل لاااااااااازم يكون في درجة حرارة عالية و الا رايحة تخرجلك قاسية
راقبي النضج و نتي على حساب ما تحبي التحمير يعني تخليها تتحمر كثيرا او شوية برك كيما انا

أي سؤال غاليتي على عيني و راسي راسليني و نجاوبك الويكاند الجاي باذن الله

الأمنيات · 2014-11-08, 10:17

اسماء شكرا على الوصفه جيت ننسخه ما حبتش هههههه
القاطو كاين غير الغريبيه تاع الزيت بلا بيض ههههه ديريها راها بنينه

الأمنيات · 2014-11-08, 10:18

غدايا راح يكون سباقيتي بالدجاج ان شاء الله

أم ماجد · 2014-11-08, 10:20

امنيات كيكة التفاح راهي في الحلويات روحي اضربي طلة
يخي تنضمي لشلة لعجايز بعنوان التحدي الاكبر هههههههههههههههههههههه؟؟؟؟؟؟؟؟؟؟؟؟؟؟؟؟؟؟
ادرارية ربي يعينكم

حياتي نبع امل · 2014-11-08, 10:22

زهرة راكى. سبيسياليست ف الشخاشخ يعطيك الصحة
ام سهام بصحتكم لونق دوشا جاك هايل

nihale89 · 2014-11-08, 10:24

اقتباس:

المشاركة الأصلية كتبت بواسطة simassim

نهال راكي غالطة فالعنوان لول عمري ماحطيت صورة كروكي !!!!!!!! عندي شحالللللل ماخدمتوش

سامحيني حنونة مالا تخلطتلي
وااع الزهايمر

lahna moka · 2014-11-08, 10:24

ام ماجد انا راني فالوسط نموت على الشخاشخ و البركوكس و التقليدي كلّوووو يعني كي يطبقو العجايز من هاذو راني معاهم و نموت على الكيش و البيزات و العصري و راني مع النشيطات البطبوطات ايضا
غير طبقو برك و راني هنا معليش نجي روطار فالويكاند المهم المشاركة