موضوع مميز الطفولة والاطفال واسئلة الامهات - الصفحة 52

أم شاهين · 2014-08-23, 18:11

السلام عليكم ورحمة الله وبركاته وبارك الله فيكم على المساعدات القيمة الي تقدمو فيها
عندي بعض الاستفسارات يا ريت نلقى جوابها عندكم انا ام لاول مرة ولدي عندو اربعة اشهر باش نقدر نبدالو الاكل يا ريت تقدمولي برنامج يومي لاكل الرضيع في مثل عمرو
ايضا هو لما نزاد كانو عندو الغازات بزاف ودرك الحمد لله حبسولو لكن كل ما نرضعو طبيعي يرجعولو او يصاب بامساك لمدة يوم او يومين حتى نلجا لطريقة الصابون حاشاكم باش يرتاح شوية خممت نحبسلو الرضاعة الطبيعية غير مقتنعة بهذا الحل فياريت تفيدوني واش نقدر ندير في مثل هذه الحالة مع العلم اني نمدلو حليب نيرسي من يوم 15 يوم في عمرو انا خممت نمدلو تيزانة كل ما نرضعو طبيعي اذا كان عندكم حل ىخر يا ريت ما تبحلوش عليا بيه

أم شاهين · 2014-08-23, 18:14

اه مازال عندي انشغال آخر وهو لما زيدت بولدي كنت نشرب سيرازات لمدة 3 اشهر قاتلي في المستشفى بعد 3 اشهر تبدلهولك الطبيبة كي رحت للمستشفى مدتلي مينيدريل شربت منو 5 حبات وخممت نكمل نرضع ولدي وليت حبست يومين من بعد هو لما تعذب وانصاب بامساك قلت نحبسلو الرضاعة ورجعت شربتو مع انو كانت جاتني الدورة سقسيت القابلة قاتلي كملي اشربيه نورمال كملت بصح دارلي تاثيرات جانبية مثل الصداع الدوخة حبيت نبدلو ا يواحد تقترحوه عليا ربي يجازيكم كل خير

أم شاهين · 2014-08-23, 18:29

اقتباس:

المشاركة الأصلية كتبت بواسطة &حياتي بلا امل حطام&

.عندي مشكل الحليب.ثدي فيه شوي حليب والاخر غير بعض القطرات.انا نرضعو من واحد برك .ابني يشبع بكاء لانه ميشبعش حتى نديرلو الحليب الاصطناعي.واش ندير باه يزيد عندي لحليب.عندي 20 يوم بعد الولادة وحابة نرضع ابني على الاقل الاشهر الاولى لانو حليب الام مليييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييح للطفل.

السلام عليكم ورحمة الله وبركاته حبيت نساعدك اختي على حسب ما جربت انا لازم تكثري من راضعة ابنك كل ما جاع تمديلو من صدرك هادي احد العوامل لي تدر الحليب ايضا مديلو من الاثنين بالتساوي انا ما كنتش نعرف بقيت نمدلو من وحدة لي لقيتها فيها بزاف حتى رجع الشكل متغير تماما وواضحة لاي كان انو جهة اكثر من جهة ايضا بعض الاكلات لي تساعد في در الحليب كولي الطعام مع بيض مغلي وكاين حبوب اسمها لفويلة تجي كيما الفول بصح رقيقة بزااااف طيبيهاكيما نطيبو الحبوب عادي وكوليها ايضا اكثري من العصائر وانا قالولي وجربتها ولقيتها صح لفريت اوملات تخلي لحليب يجري بلا ما ننساو طبعا اللحوم بانواعها والحليب حتى يكون صحي للرضيع ربي يحفظلك اولادك واسفة للتاخير انا ما فقتش بهذا الموضوع غير من يومين وان شاء الله رايحة نسكن هنا

anissa90 · 2014-08-26, 10:00

اقتباس:

المشاركة الأصلية كتبت بواسطة djamila.benaboud

ابني في الشهر 10ولا يستطيع الوقوف حتى لو كنت ماسكاتو

السلام عليكم انصحك تدلكه بزيت كبد الحوت ا نا ولدي كان كيما ولدك ولكن كي قفل خمسة اشهر فقتلوا لميوقف ا ميهزش راسه مقارنة مع اولاد اخرين لعجايز نصحوني بهذه الزيت و الحمد لله الان

anissa90 · 2014-08-26, 10:08

اقتباس:

المشاركة الأصلية كتبت بواسطة أم شاهين

السلام عليكم ورحمة الله وبركاته وبارك الله فيكم على المساعدات القيمة الي تقدمو فيها
عندي بعض الاستفسارات يا ريت نلقى جوابها عندكم انا ام لاول مرة ولدي عندو اربعة اشهر باش نقدر نبدالو الاكل يا ريت تقدمولي برنامج يومي لاكل الرضيع في مثل عمرو
ايضا هو لما نزاد كانو عندو الغازات بزاف ودرك الحمد لله حبسولو لكن كل ما نرضعو طبيعي يرجعولو او يصاب بامساك لمدة يوم او يومين حتى نلجا لطريقة الصابون حاشاكم باش يرتاح شوية خممت نحبسلو الرضاعة الطبيعية غير مقتنعة بهذا الحل فياريت تفيدوني واش نقدر ندير في مثل هذه الحالة مع العلم اني نمدلو حليب نيرسي من يوم 15 يوم في عمرو انا خممت نمدلو تيزانة كل ما نرضعو طبيعي اذا كان عندكم حل ىخر يا ريت ما تبحلوش عليا بيه

اختي حليب nursieهو سبب constipation كيما وليدي نصحني طبيب biomil

anissa90 · 2014-08-26, 11:11

السلام عليكم ابني عندوا ثمانية اشهر ضعيف الوزن مايحبيش ا مايتقلبش على ظهره ولكنه يحب اللعب يمسك حاجةكي تمدهلوا يتحرك يزحف على ظهره ولكن ميقعدش وحده ماشي شاد روحوا مليح بدتلوا حليب اللحظة gloria كامل الدسم و نزيد نمدلوا nursie2 طوله 67cm راسه 41cm وزنه 7kg600 كي نزاد 2kg 700واش تنصحني حاجة اخرى راني نمدلوا فيتمينات في الحليب ثانيا حبيت نعرف les comportements et les signes d'un bébé trisomique و ماهي ملامح مشتركة لتكون عندهم رغم اختلاف درجة

الوسيلة · 2014-08-30, 10:53

السّــلآمُ عليكم

الأسْتآذة لينَـآ يفتقدُكـِ القســمـ ...هلّآ عُدتِ ؟!

ملاك1988 · 2014-08-31, 15:25

انا حمة نبدا نوكل بنتي عندها 4 اشهر بصح ماعلباليش بواه نبدا من فضلك فهميني و شكرا

التـــــــــــــــــــائهة · 2014-08-31, 15:28

القسم هادا هـــــــــــــــــــــــــــــايل هدا ويين أكتشفته
الآن راني خارجة
غدوا إن شاء الله نجيبكم أسئلة
دمتم و بارك الله فيكم ...

التـــــــــــــــــــائهة · 2014-08-31, 15:31

اقتباس:

المشاركة الأصلية كتبت بواسطة ملاك1988

انا حمة نبدا نوكل بنتي عندها 4 اشهر بصح ماعلباليش بواه نبدا من فضلك فهميني و شكرا

نفس تساؤلي
أنا البارح قفلت بنتي 04 أشهر
بديت نمدلها لابلامين مرة في اليوم وقت العصر

إن شاء الله نلقاو شكون غساعدنا

Simassim · 2014-09-01, 16:39

لي تبدأ الأكل لأول مرة تختار فاكهة او خضرة نوع واحد فقط طيبها وتطحنها وتوكل مقدار ملعقة كبيرة فقط
ماتخلطوش الخضر لازم كل نوع تأكله يومين متتاليين باش تقدرو تعرفو اذا ضرها او لا
متلا اول مرة ديرو جريوات لي هي كابويا ملعقة كبيرة تقسمها على مرتين في اليوم قبل ماتمديلها الحليب لمدة يومين او تلات متتالية حتى توالفهم ومن بعد ديريلها نوع اخر من الخضر او الفواكه
وبعد فترة ومن تتأكدوا انها مانضرتش تقدري تخلطي لها نوعين من الخضر او الفواكه
تبدأ اول فترة ملعقة كبيرة تقسيمها على زوج نص صباح ونص عشية ومع الوقت زيدو فآل كمية

ومين تطحنوا لازم تكون جارية باش ماتيبسلهاش كرشها
نصيحة اخرى ماتزيدش الملح او السكر لصغار لانه الكلى والكبد ماشي كي تاع الكبار
ولدي بديت نوكله على خمسة اشهر بدون سكر وبدون ملح حتى قفل عام مين بدا يخرج السنين مابقاش يأكل بقيت نديروله شوي ملح قليييييييل باش يتبدل عليه الذوق ويأكل

جوهرة الغرب. · 2014-09-01, 17:35

اقتباس:

المشاركة الأصلية كتبت بواسطة Simassim

لي تبدأ الأكل لأول مرة تختار فاكهة او خضرة نوع واحد فقط طيبها وتطحنها وتوكل مقدار ملعقة كبيرة فقط
ماتخلطوش الخضر لازم كل نوع تأكله يومين متتاليين باش تقدرو تعرفو اذا ضرها او لا
متلا اول مرة ديرو جريوات لي هي كابويا ملعقة كبيرة تقسمها على مرتين في اليوم قبل ماتمديلها الحليب لمدة يومين او تلات متتالية حتى توالفهم ومن بعد ديريلها نوع اخر من الخضر او الفواكه
وبعد فترة ومن تتأكدوا انها مانضرتش تقدري تخلطي لها نوعين من الخضر او الفواكه
تبدأ اول فترة ملعقة كبيرة تقسيمها على زوج نص صباح ونص عشية ومع الوقت زيدو فآل كمية

ومين تطحنوا لازم تكون جارية باش ماتيبسلهاش كرشها
نصيحة اخرى ماتزيدش الملح او السكر لصغار لانه الكلى والكبد ماشي كي تاع الكبار
ولدي بديت نوكله على خمسة اشهر بدون سكر وبدون ملح حتى قفل عام مين بدا يخرج السنين مابقاش يأكل بقيت نديروله شوي ملح قليييييييل باش يتبدل عليه الذوق ويأكل

بارك الله فيكي
انا عجوزتي راهي حابة نبدى نوكلها كي تكمل شهرين ونص

وانا قلت حتى لاربعة اشهر
وتاني وقتاه بديتي تمدي لولدك الفرينة
شكرا حبيبتي

Simassim · 2014-09-01, 17:51

اقتباس:

المشاركة الأصلية كتبت بواسطة ღجوهرة الغرب ღ

بارك الله فيكي
انا عجوزتي راهي حابة نبدى نوكلها كي تكمل شهرين ونص

وانا قلت حتى لاربعة اشهر
وتاني وقتاه بديتي تمدي لولدك الفرينة
شكرا حبيبتي

يااختي بكري كانو يوكلو من أربعة اشهر لكن كاين الطبة لي يقول أربعة اشهر يمكن تدير لهم حساسية من بعد انا ستنيت حتى للشهر الخامس بقيت نوكله كيما كنت كاتبة فآل شهر السادس كان ياكا قريب 100 غ تاع أكل مطحون والفرينة تاني بديتها حتى للشهر السادس
مي كاين بزاف لي بداو على الشهر الرابع

بصح شهرين مازال صغيرة ماتريسكيش تحصلي فيها لوكان تصرا لها حاجة تولي لك غي بالندامة نصيحتي حتى الشهر الخامس

جوهرة الغرب. · 2014-09-01, 18:06

اقتباس:

المشاركة الأصلية كتبت بواسطة simassim

يااختي بكري كانو يوكلو من أربعة اشهر لكن كاين الطبة لي يقول أربعة اشهر يمكن تدير لهم حساسية من بعد انا ستنيت حتى للشهر الخامس بقيت نوكله كيما كنت كاتبة فآل شهر السادس كان ياكا قريب 100 غ تاع أكل مطحون والفرينة تاني بديتها حتى للشهر السادس
مي كاين بزاف لي بداو على الشهر الرابع

بصح شهرين مازال صغيرة ماتريسكيش تحصلي فيها لوكان تصرا لها حاجة تولي لك غي بالندامة نصيحتي حتى الشهر الخامس

بارك الله فيكي حنونة صح انا خاوتي كنا نمدولهم على 4 اشهر مي كما قلتي نصبر حتى ل 5 اشهر
ربي يحفظلك وليدك ان شاء الله

foufou0008 · 2014-09-04, 21:29

السلام عليكم عندي مشكل ابني عندو شهر و10ايام ظهر له حب في وجهه وفي اذنه وفي فروة راسه حبوب فيها قشرة بيضاء وصفراء دهنية قوليلي واش الحل