حلويات العيد المجربة والجديدة

[جولنار1000]

المشاركة الأصلية كتبت بواسطة alkhansaae

السلام عليكم بنات واش راكم
اليوم جبتلكم وصفة هايلة اسمها حلوة الغصن دارتها شميشة مرة وزدت البارح لقيتها فالنت قلت نجيبهالكم
المقادير




250 غرام فرينة + ملعقة زبدة+ القليل من الملح +2 ملاعق كبار من الكاكاو و ماء الزهر باه تلمي العجينة

الحشو 250 غرام لوز مطحون + 150 غ سكر +1 بياض البيض +ملعقة كبيرة من قشرة الحامض

نجمع كل مكونات العجينة ونلموها بماء الزهر حتى تولي لينة



ثم نجمع مقادير الحشو ونشكلها على شكل اصابع و نضعها وسط العجيتة





ناخد سكين ونمرره على العجين حتى تتشقق عندما تطهى الحلوة



تقطع علة شكل اصابع نضع جوانبها في بياض البيض و نغمسها في اللوز المرحي وندخلها الفرن وكي تطهى ندهنها بممزوج العيل والناباج



وهدا شكلها النهائي


نتمنى تنال اعجابكم وصح فطوركم
منقول للامانة

يعطيك الصحة اختي وزدتي جبتيلنا الصور بارك الله فيك باين عليه بنين

[جولنار1000]

المشاركة الأصلية كتبت بواسطة نجوى شعلول

:مرحبا أعجبتني الفكرة ساعود سأحاول المشاركة يحلويات العيد المجربة

ان شاء الله ماطوليش علينا

[جولنار1000]

المشاركة الأصلية كتبت بواسطة نجوى شعلول

العنوان بوتي فور:
المقادير: 250غ زبدة طرية (أو مارغرين)، 250غ سكر ناعم,،2 حبات بيض،فانيليا، 300غ فرينة ( سيم) ،200غ مايزينة، 1/2 كيس خميرة كيميائية، حليب حسب الحاجة.
كيفية التحضير:
1-في وعاء ضعي الزبدة، السكر، البيض والفانيليا، اخلطي جيدا، ثم أضيفي الفرينة، المايزينة والخميرة، افرغي الحليب تدريجيا حتى الحصول على عجينة يسهل أخراجها عبر لابوش آدوي2- على صينية وبواسطة لابوش آدويضعي كومات من العجينة ، وزينيها بالفواكه المصبرة.
3-إطهيها في الفرن مدة 30 دقيقة حتى يكسب أسفلها اللون الذهبي.

مرحبا بك يعطيك الصحة على الوصفة

[جولنار1000]

المشاركة الأصلية كتبت بواسطة yara-e37

صح رمضانكم اخواتي.
كانت فكرة رائعة حقا
نتمنى الاستفادة للجميع
تعرفي اخت جولنار1000 حتى انا كنت نخمم نبدل وندير الجديد هاد العام تقول سمعتي مني
شكرا

شكرا اختي ان شاء الله تلقاي الجديد ويعجبوك الوصفات

[جولنار1000]

[QUOTE=yara-e37;3625205]

المشاركة الأصلية كتبت بواسطة جولنار1000

السلام عليكم اليوم جبتلكم 2 قاطوات ان شاء الله يعجبوكم
قاطو النيسكافي
[COLOR="Red"][B]500غ زبدة+2بيضات+3مغارف كبيرة شيكولا غبرة+3 مغارف كبيرة نيسكافي+كاس سكر +1خميرة+فاني+كلغ فرينة
الكريمة:250غ زبدة+200غسكر رطب+2مغارف كبار نيسكافيه
شيكولا للتزيين
نخدم الزبدة حتى تصبح كريمة+البيض+السكر+الفاني +شيكولا ونيسكافي+خميرة+الفرينة مانشيحهاش كامل غير بالشوي نطبعها حسب الرغبة ونطيبها
لتحضير كريمة الزبدة نخدم الزبدة طرية +السكر رطب+النيسكافي
نلصق 2 حبات بالكريمة ونذوب الشيكولا ونزين كل حبة بالشيكولا وندير فوقها نوادكاجو

اختي الكريمة عندي نفس الوصفة و مجربتها لكن كاين اختلاف في طريقة التزيين
تقومي بطلي كل حبة بالكريمة وتتركيها تجف
وتلصقي كل حبتين مع بعض بااستعمال المربى وتزيني الحواف بالكاوكاو المرحي

ان شاء الله ندير طريقتك هذه المرة لاني قررت نديرو في العيد ان شاء الله لكن تبالي نلصق 2 حبات بالكريمة احسن من المعجون حتى نتذوق النيسكافيه مانبدلش الذوق

[الماسة الزرقاء]

السلام عليكم ورحمة الله و بركاته

مقروض القبائل

ان شاء الله يعجبكم

باطة زبدة

2 صفار بيض + 2 كاملين

1 لا فاني

6 مغارف سكر

1 ونصف خمارة

عبر سميد + عبر فرينة

العقدة كاوكاو مطحون رقيق + زبدة + لافاني + ماء زهر

التحضير زبدة تخدميها بيديك على شكل كريمة + البيض + سكر +خليط السميد و الفرينة و معاها الخمارة حتى تتحصلي على عجينة متماسكة تصنعي حربوش و ديري في الوسط العقدة و تقطعيه على شكل مقروض و تغطسيه في بياض البيض ثم ترمديه في الكوكاو و بعد سخني الفرن و ادخليه في الفرن حتى يحصل على لونه الذهبي اخرجيه ثم عسليه و ضعيه في ليكيسات

صحة و عافية هي حلوة مجربة و جيدة

صح فطوركم

[طالبة الغفران]

السلام عليكم
مشكورة اختي على الفكرة و اخواتي على الوصفات حتى انا كنت نحوس على حلويات جديدة

انا راني جبتلكم قاطو سموه القطيفة:
-500غ زبدة
-نصف كاس زيت
-كاس كاوكاو مرحي
-كاس جلجلان محمص و مرحي
-كاس سكر رطب
-4ملاعق كاكاو
-كيس خميرة
-لفاني
-فرينة
للتزيين:
-مربى المشمش
-نواتكوكو و شكلاطة مرحية (خلطيهم مع بعض)
التحضير:
تخلطي المقادير جيدا حتى تتحصلي على عجينة شكليها دوائر و ادخليها الفرن
و لما تطيب اغطسيها في مربى المشمش و من بعد رمديها فالنواتكوكو الي تكوني خلطتيها مع الشوكولاطة المرحية
ملاحظة الكاس تاع المشروبات)
و صح فطوركم

[العربي عبدية]

المشاركة الأصلية كتبت بواسطة جولنار1000

خلاص نبدا انا ونمدلكم اول recette باش نشجعكم
هذا قاطو الcastelle مجرباتو بنييييييين ياسر

العجينة:
500غ زبدة - 9 بياض - 300غ سكر عادي -رطل كاوكاو مرحي -300 غ فرينة -1 خميرة-لفاني
الكريمة
9 صفار بيض -350 غ سكر رطب عصير 2 حبات فارص- نكهة القارص- ملون اخضر
وردات بعجينة اللوز للتزيين
التحضير
[color="blue"]اولا نبدا بالعجينة في خلاط نخلط الزبدة طرية مع السكر والفاني حتى يصبح كريمة بيضاء
نطلع البياض مع قرصة ملح كالثلج
الان بواسطة ملعقة خشبية نخلط الزبدة والسكر مع الكاوكاو +الفرينة +الخميرة ثم نضيف البياض ونخلط من الاسفل للاعلى حتى يندامجو
ندهن البلاطو ونضح فيه العجينة ونخلها للفرن الساخن على درجة حرارة متوسطة حتى ينضج
لتحضير الكريمة في الخلاط نخدم الصفار +السكر+العصير +النكهة حتى تصبح كريمة بيضاء نضيف الملون
بعدما تبرد الحلوة تماما نصب عليها الكريمة ونخليها حتى تجف نقصو حسب الرغبة مربعات ونزينو بواسطة الوردات
شكلو هايل للاسف ماعنديش الصور وفي البنة بنيييييييييييييييييييين
ملاحظة : ممكن نغير اللون نديرو اصفر بذوق الموز او وردي بذوق الفراولة ان شاء الله يعجبكم[/color]

الأخت خربتي بيتي
ههههههههههههه
و الله مبسط معاك و لكن الحلوى حقيقة مخرجتليش
أنا محبطة
تقبلو مروري

[جولنار1000]

المشاركة الأصلية كتبت بواسطة العربي عبدية

الأخت خربتي بيتي
ههههههههههههه
و الله مبسط معاك و لكن الحلوى حقيقة مخرجتليش
أنا محبطة
تقبلو مروري

والله اختي انا ديما نديرو ويصلحلي يجي هايل ربما كاينة حاجة مادرتيهاش اقصد الخطوات اللي تبعتيها ربما ماوصلاتلكش الفكرة منيح اللي متاكدة منو انو مانسيت والو والمقادير راهي صحيحة لازم عليك تقولينا وش هو المشكل في العجينة او الكريمة حتى يتفاداوه الاخوات حبيبتي انا جد اسفة وانا اللي راني محبطة مديتلك غوسات وماصلحتلكش راني ننتظر ردك

[فتاة الورود]

--------------------------------------------------------------------------------



مقادير العجينة


500غ جوز الهند
300 غ سكر بودرة
3 الي 4 بيضات
ملعقة صغيرة برش الليمون
ملعقة صغيرة فنيليا


مقادير القطر أو الشربات


125 غ سكر عادي
2/1 لتر ماء
مقادير الطلي
1 بياض بيض
ملعقة كبيرة ماء الزهر
ملعقة كبيرة ليمون
سكر بودرة حسب الحاجة


طريقة التحضير


في وعاء نضع جوز الهند مع السكر و برش الليمون و الفانيليا و نضيف( بيضة كاملة و صفار بيضة ) و نخلط حتى تتماسك العجينة ثم نكون كرات صغيرة من العجين و نضعها في فرن حرارته 200 درجة مدة 15 دقيقة
ثم نحضرالطلي حيث ناخذ السكر و نضيف له الماء و ماء الزهر و نضعه فوق النار و بعد ان يغلي نتركه يبرد ثم نضيف له الليمون و بياض البيض و دون التوقف عن التحريك نضيف تدريجيا السكر البودرة حتى نتحصل على خليط ثابت ثم نقوم بطلي الكريات به و نتركه يجف


ملاحظة :



يجب ان تجربي طلي حبة و ادا لاحظت ان الطلي بدا ينزل فاضيفي له السكر

[mayaaa71]

المقادير

6 بيض صفار ( زبدة 250 غ ) كاس سكرعادى ( كاس عسل جاهزمنقوص منه ملعقة كبيرة ) ملعقة 1 ملعقة صغيرة بيكاربونات و ليس خمارة ( الكاس يزن 200غ سكر )
فرينة 800غ قرصة ملح فانيلا

اصنعى هذه الحلوى لذيذة وتقدم مع المشروبات و مع الشاى

انا استعمل صينية 37 سم/30سم ولكن الافضل تكون اكبر قليلا لانه انا لما اصنعه يكون غليظ فى السمك

ناخذ 6 صفار بيض مع فانيلا مع ( كاس سكر ناقص منه مغرفة اكل كبيرة مملوءة جيدا ) نخلط جيدا .
مع 250 غ زبدة لينة pommade
و نخلط جيدا ثم اضيفى بنفس الكاس عسل نونوغس(العسل الجاهز) وتخلطى جيدا زيدى الفرينة تحتاجى تقريبا ل 800 غ مضافة ايها 1 م ص بيكاربونات ملعقة التى ناكل بها dessert
المهم اضيفى الفرينة تدريجيا وعندك من 800غ الى 950 غ العجينة لازم تبقى طرية المهم لما

تنفصل عن الاناء الذى تعملى فيه اتركيها وغطيها بالبلاستيك سوف تجف

ملاحظة
هناك ملعقة صغيرة و هناك ملعقة القهوة وهى اصغر


هنا اكملتى العجينة اتركيها ترتاح

واذاكان لديك كيس بلاستيكى الذى يباع فيه السكر الكيس الاصفر الشفاف
المهم افتحى الكيس بالمقص حتى تحصلى على قطعة واحدة مستطيلة

اقسمى العجينة الى نصفين



افتحى العجينة الاولى على البلاستيك بالرولو ثم روليه على نفسه
ادهنى الصينية بالزيت و انثرى عليها الفرينة
خذى الرولو نتاع العجينة و ضعيه على حاشية الصينية وكانك تريدين فتحه على الصينية حتى تنتهى انزعى البلاستيك و سوى العجينة على الصينية باليد دون الصاقها بالحواشى حتى يسهل اخراجها فيما بعد

هذه العجينة خفيفة وتتكسر و هذه الحيلة الوحيدة لوضعها على الصينية


اثقبى العجينة جيدا و فى كل مكان بالفرشيطة
ادخيلها للفرن مسخن نار متوسطة و احذرى ان تحترق لانها تنضج بسرعة 10د الى 15د
اخرجيها عندما تحمر تعرفى بانها نضجت اذا اخرجتيها من الفرن يكون لونها بنى محمر
لان العسل يعطيها لون الاحمرار
اتركيها تبرد جيدا ( وهى ساخنة تتكسر بسرعة )

بعد ان تبرد ارفعيها برفق و ضعيها على منديل فوق الطاولة مقلوبة



اعيدى العملية بعد ان تبرد الصينية للعجينة الثانية



وبعد ان تنضج الثانية

ضعى العجينة الاولى و اطليها بالمعجون ثم ضعى عليها الثانية ثم اطليه من فوق بالشكولا الذائبة و قطعى مقروطات او مربعات

[الصفاء]

حلوة الشمعة
العجينـة :

- 500 غ لوز مرحي رقيق
- 200 غ سكر ناعم – قلاص-
- 01 ملعقة صغرة لفاني
- 1/2 كاس شاي ماء الزهر
- 100 غ زبدة pommade

لتزين :

- شيكولة بيضاء
- أعواد قرنفل

التحضيـــر :


نخلط لوز و السكر الناعم و لفاني و الزبدة و نلم الخليط بماء الزهر، نشكل حربوشات بطول 04 سنتم و بواسطة الأصبع نعمل حفرة في كل حربوش.

ملاحظة : هذه الحلوى لاتطيب.

من جهة ثانية نذوب الشيكولة البيضاء و نغطس الحبات في الشيكولة و كل حبة نرشق فى وسطها حبة القرنفل. https://www.4algeria.com/upload//uplo...f2d6c6e27d.jpg

[نجوى شعلول]

الشوكولاتة باللوز و الفستق







المقادير:


500 غرام من الشوكولاتة السوداء
250 غرام من الشوكولاتة البيضاء
2 معالق من الزيت
200 غرام من الفستق المنقى
200 غرام من اللوز

طريقة التحضير:

ينقى اللوز و ينشف ثم يقلى في زيت ساخن، يترك ليبرد، ثم يجرش في مطحنة كهربائية.

يجرش الفستق ايضا.

تذاب الشوكولاتة السوداء في حمام مائي ، يضاف اليها قليل من الزيت، الفستق المجروش، اللوز و يخلط الكل جيدا.

نأخذ كمية من الخليط بواسطة ملعقة و يوضع في أكياس ورقية صغيرة خاصة بالحلويات.

توضع في الثلاجة كي تبرد ثم تخرج و تزين بالشوكولاتة البيضاء المذابة في حمام مائي

شهية طيبة

[ام شرفو]

المشاركة الأصلية كتبت بواسطة العربي عبدية

الأخت خربتي بيتي
ههههههههههههه
و الله مبسط معاك و لكن الحلوى حقيقة مخرجتليش
أنا محبطة
تقبلو مروري

هذا شيء مزعج انا مرت بهذه التجربة ولكن صلحت اخطائي اولا يجب خلط النواشف الفرينة الخميرة السكر اللوزوتجي مليحة بالكاوكاو وقشور القارص اما السبب الرئيسي في عدم نجاح الوصفة هو بياض البيض يجب خفقه جيدا مع شوية ملح و شوية سكر le monter en neige و المرحلة المهمة الثانية هي مزج بياض البيض فتتم بطريقة بطيئة جدا حتى لا يتكسر بياض البيض كما يقال
ارجوك ان تعاودي الكرة لان الاخطاء تعلمنا و بالتوفيق للجميع

[حلوي نينا]

مشكورة اختي بارك الله فيك