موضوع مميز نتائج مسابقة الجمارك الجزائرية 2012-2013 ( إعلان النتائج) - الصفحة 434

Sofiane.OB · 2013-08-25, 01:29

اقتباس:

المشاركة الأصلية كتبت بواسطة عادل إن شاء الله

آمين خويا سفيان................ربي ينجح الناس كامل

آميــــــن

Sofiane.OB · 2013-08-25, 01:32

عـودة جميع المتربصين في جميع الرتب للمدارس في هذا اليوم 25 أوت 2013 ، لإجراء التحضيرات الأخيرة لحفل التخرج المقرر في نهاية شهر سبتمبر لجميع الرتب ، بعدها إستدعاء الناجحين في المسابقة الحالية لمباشرة التربص بعد عيد الأضحى المبارك إن شاء الله.

ماريا55 · 2013-08-25, 18:32

السلام عليكم كااااااااااااااااااااااااااااااااامل ربي يجيب لي فيه الخير تحياتي ليك عادل دائما متميز وفي خدمة الجميع ربي ينجحنا

عادل إن شاء الله · 2013-08-25, 18:37

اقتباس:

المشاركة الأصلية كتبت بواسطة ماريا55

السلام عليكم كااااااااااااااااااااااااااااااااامل ربي يجيب لي فيه الخير تحياتي ليك عادل دائما متميز وفي خدمة الجميع ربي ينجحنا

السلام أختي ماريا هاذي غيبة صح رمضانك و صحى عيدك....ههههههههههههه

ان شاء الله خير و ننجحو كامل

customx2008 · 2013-08-25, 21:21

اقتباس:

المشاركة الأصلية كتبت بواسطة hamidderdiche

ونسيت حاجة مهمة انشاء الله تدخلوا كلكم للديوانة وتفرحوا وتفرحونا معاكم الصبر جميل .

ان شاء الله ربي يفرحكم
اخوتي الكريم والله امنياتي تنجحوا كامل يعني تعب عام كامل ليس يوم او شهر راهو 12 شهر
واتمنى لكم التوفيق جميعا .................. مالك

customx2008 · 2013-08-25, 21:24

اقتباس:

المشاركة الأصلية كتبت بواسطة sofiane.ob

مـابقاش قد اللي فات شوية صبر خـاوتي ، ربي يفرج علينا بالـخير

عندك حق مابقاش بزاف وتفرحوا كامل ان شاء الله تعالى يعضو صبركم خيراااا

customx2008 · 2013-08-25, 21:30

اقتباس:

المشاركة الأصلية كتبت بواسطة sofiane.ob

لا أخي ما نوافقكش الرأي ، شوف واش راه كاتبلك ربي سبحانو

عندك حق اخي سفيان كل شئ مكتوب ربي وماتعرف الخير وين راهو المهم يفوت الواحد المسابقة ويدير الا عليه

customx2008 · 2013-08-25, 21:33

اقتباس:

المشاركة الأصلية كتبت بواسطة sofiane.ob

عـودة جميع المتربصين في جميع الرتب للمدارس في هذا اليوم 25 أوت 2013 ، لإجراء التحضيرات الأخيرة لحفل التخرج المقرر في نهاية شهر سبتمبر لجميع الرتب ، بعدها إستدعاء الناجحين في المسابقة الحالية لمباشرة التربص بعد عيد الأضحى المبارك إن شاء الله.

ان شاء الله ربي يوفقهم مع ان الايام هذه قبل التخرج صعيبة بزاف خاصة اذا كانوا ما كانوش يدربوا مليح التحضير راح يكون اصعب ما يتصوروا ان شاء الله ما يطولوش

customx2008 · 2013-08-25, 21:37

اقتباس:

المشاركة الأصلية كتبت بواسطة ماريا55

السلام عليكم كااااااااااااااااااااااااااااااااامل ربي يجيب لي فيه الخير تحياتي ليك عادل دائما متميز وفي خدمة الجميع ربي ينجحنا

اهلا ماريا عاش من شافك يالهرابة نهار تدخلي لسطاج نخليهم يتعبوك ونوصي عليك زملاء نتاعي حق ماكيش تسقسي

farouk93 · 2013-08-25, 22:56

اخي عادل اذا كان عندك معلومة جاوبني الناجحين القاطينين بولاية باتنة هل يتم توجيههم الى مدرسة اعوان الرقابة بباتنة ولا يروحو يخدمو الستاج في مدارس اخرى مثل عنابة وهران ولا اولاد ميمون بتلمسان رجاااااااااااااااااااااااااااائن ممكن اجابة خويا عادل وشكرا عل مجهودك معانا تعبناك معانا مي تلقاها نشاء الله في ميزان حسناتك...................................

عادل إن شاء الله · 2013-08-26, 02:03

اقتباس:

المشاركة الأصلية كتبت بواسطة farouk93

اخي عادل اذا كان عندك معلومة جاوبني الناجحين القاطينين بولاية باتنة هل يتم توجيههم الى مدرسة اعوان الرقابة بباتنة ولا يروحو يخدمو الستاج في مدارس اخرى مثل عنابة وهران ولا اولاد ميمون بتلمسان رجاااااااااااااااااااااااااااائن ممكن اجابة خويا عادل وشكرا عل مجهودك معانا تعبناك معانا مي تلقاها نشاء الله في ميزان حسناتك...................................

أخي اما باتنة او تلمسان ماشي حاجة ثابتا

araba · 2013-08-26, 16:22

من لديه معلومات حول تاريخ الاعلان عن مسابقة اعوان الرقابة للجمارك يفيدنا

customx2008 · 2013-08-26, 18:03

اقتباس:

المشاركة الأصلية كتبت بواسطة araba

من لديه معلومات حول تاريخ الاعلان عن مسابقة اعوان الرقابة للجمارك يفيدنا

اخي المسابقة لم يتم العلان عليها احتمال كبير في نوفمبر مثل العام الماضي

MSHOKI · 2013-08-27, 02:32

يا جماعة ربي يسهللكم و علابالي بالحالة اللي راه فيها كل واحد منكم والله راني كنت واحد منكم قبل عامين و اليم الحمد لله راني بخير
و راني كنت فالستاج تاع لادوان و راني خلصت برتبة ip و اليوم راني نستنا فالميتاسيو نتاعي راهم يقولو هاذ ليامات واللي يحوس على أي استفسار نقدرلو راني نجاوبو بلا حتى مشكل،بالصح خليو الأسئلة نتاعكم و أنا نجاوب عليها كي ندخل نولي نخش علاجالكم و باه خشيت نكتبلكم حتى عاودت عملت إجراءات إسترجاع اسم الدخول و الرقم السري لأني عندي وقت ما استخدمتهمش من قبل ما نخش للجمارك لأنو لقيت الإميل نتاعي يعرفو الموقع.
أنا فالخدمة نتاع الإخوة و الأخوات.
أكتبو الأسئلة اللي محيرتكم و أنا نجاوب
و راني كنت قبلكم فالضلمة و الحمد لله كي خشينا و مالقري كنا ستاج براتيك و عرفنا عالم الديوانا المخفي غير من بعيد هذا مازلنا ما دخلناش.
أول حاجة نقولكم :
المنحة فالستاج ماكانش يكتلكم الشر أنا وحدي صرفو عليا العايلة نتاعي كي نجملو عام و نص قيمة أكثر من 22 مليون أقسم بالله أبداوها ماللي رحنا للمدرسة التطبيقية للمشاة حتى المعهد الإقتصاد الجمركي و الجبائي بالقليعة و حتى الستاج براتيك
ثانيا : الستاج راهم يبعثوك لبلاصة اللي قريب ليها و السكن ماكانش إلا في مناطق قليلة يكون متوفر فيها السكن الوظيفي و لازم تعرف cid أي رئيس مفتشية أقسام الجمارك باه يعطيك
ثالثا : اللي قادر على روحو يروح يدير الستاج في بلاصة فيها البور لأنو يشوف واش ماكانش يشوف و يعرفو و يهز الخدمة تاع الصح
رابعا: اللي يعرف اللغة الفرنسية راه نجح فالديوانة و في خدمتو
خامسا: أنا عندي قريب عامين منهار بديت الستاج ماقالوناش حتى جيبو cheque barre أو الجنسية أو إضافة الكواغط الناقصين و مازال ما سلكناش و ماراناش رايحين نسلكو حتى نبداو الخدمة و نخدمو شهرين فالشهر الثالث نبداو نسلكو و هاذي تنطبق على جميع الرتب لأنو كاينين جماعة حكاولنا
سادسا : يقولو رايحة تتعدل و بالفعل راهم يخدمو فالستاتي تاع الجمارك الجديد
سابعا:ما تحكيوش على الرشوة لأنها متفشية في جميع أجهزة الدولة واللي يحب يتبع هذيك الطريق كاينة و مدومش
ثامنا: الرشوة فالجمارك راهي مديا الشيعة برك لأن الجمارك لها اتصال مباشر بالسلع و البضائع فمثلا نسبة الفساد فالبنوك و مصبحة الضرائب لا تقارن بنسبتها فالجمارك لأنهم متخفيين و كل شيء وثائق و لكن الرشوة نسبتها عالية في تلك الأجهزة
تاسعا:كاين ولاد الفاميلة فالديوانة وغير هوما
عاشرا : اللي تتلاقى بيه من الجمركيين و حنا قرينا عند إطارات عليا فالمديرية العامة للجمارك و مدراء مركزيين و ضباط سامون و كي يحكيلك على الرشوة يقولك كاينة فالجمارك و متفشية و تبعو طريق لحلال ، و ما فهمناش شكون اللي راهو يديها فيها و هما صناع القرار و غير اللي قولك أنا و أنا.....
إحدى عشر : السلاك ما هو سلاك يقولو و عايشناهم: نهار الشهرية ما تدي والو ضابط فرق يدي حوالي 32 (إن لم يخيبني الضن بنسبة 99 بالمائة) و لكن هناك 3 منح واحدة كل شهرين و إثنتان كل ثلاث أشهر فتصبح الشهرية بتقسيم المنح على الأشهر حوالي تفوق أربع ملايين بالنسبة لضباط الفرق
ثاني عشر : المنح تختلف من مكان لآخر في الشمال و الجنوب حسب كثافة العمل فمثلا ضابط فرق يعمل في مديرية باتنة ليست منحته مثل ضابط فرق يعمل في ميناء الجزائر أين يشهد حركية و كثافة في العمل واسعة و لكم التخيل
ثالث عشر : كلش بالمعريفة فالديوانة الميتاسيو ، باه تدي كومبا ،نزيد نعطيكم معلومة نوجعلكم بيها راسكم مليح نعرف واحد ضابط (عرفتو فالستاج)عميد (كوموندو) بالعامية كان ممثل الجمارك في عدة مؤتمرات فيما يخص المنشأ للبضائع يروح لمصر للكاميرون و فرنسا والله ما عندو البطاقة الوظيفية لأن السكانار ما يمشيش و الورق ماكانش و هوما كاينين بالصح بامعريفة.
رابع عشر : الديوانة خدمة نظيفة و عرفت واحد قالي بالاك لحرام لأني أنا دخلت فيه و ما قدرتش نخرج و كي جيت نخرج من لحرام دارولي الجماعة اللي كنت نخدم معاهم مشاكل و ما قدرتش حتى ندوموندي ميتاسيو و عافاكم الله و رانا في بداية المشوار و الحمدد لله الواحد يشوف لوالديه واش رباو و لولادو واش يربي و ربي يرزقنا لحلال و شكرا

Sofiane.OB · 2013-08-27, 09:39

بارك الله فيك أخي ، و بالتوفيق على كل حال