هام لكل من لديه سيارة اكسنت. ادخل لن تندم

[just do it]

وفيكم بارك الله

[hadjadj ab]

merçi ........

[رحيل القوافي]

السلام عليكم شكون يعرف وكيل معتمد لسيارات هيونداي المسيلة أو الولايات المجاورة وتكون قيد الخدمة ؟

[رحيل القوافي]

[nadjib0007]

مشكور اخي الكرم معلومة في القمة

[just do it]

سبحان الله وبحمده

[salisam]

شكرا. على المعلومة نريد شراء اكسنت هل هي جيدة ام لا وايهما افضل الاكسنت ام 206

[just do it]

الاكسنت راهي غاليه هذ اليمات
انا نعشق الاكسنت بصح غلات بزاف راهي عندي وحدة 2012 الله يبارك
مقارنة مع 206 اظن ااكسنت افضل بكثييييييييييييير

[just do it]

الاكسنت راهي غاليه هذ اليمات
انا نعشق الاكسنت بصح غلات بزاف راهي عندي وحدة 2012 الله يبارك
مقارنة مع 206 اظن ااكسنت افضل بكثييييييييييييير

[نمس تندوف]

راك غالط انا راهي عندي من2007 ولاتوت وعمرها محماتش انا نخطربيها وعايش في صحراء جامي حمات الى كان انت في تل وحمات بلاك راه دخل الريح الان نظام التبريد لازم يكون سركوي فيرمي

[omarat1]

بارك الله فيكم

[just do it]

سبحان الله وبحمده

[مفتاح/عبدالله]

المشاركة الأصلية كتبت بواسطة just do it

السلام عليكم





جنا رانا فالصيف وتكثر الهدرة على السخانة تع اللوطو
اليوم بغيت ننبه الاخوة على حاجة صراتلي انا شخصيا واكتشفتها صدفة بلا مقالي حتىواحد ومن ذك النهار وانا انبه عليها
السيارة نحكي على الاكسنت حاجة اخرى الله اعلم اذا كان متشابهين في نظام التبريد
ابدا
كاين شي سواق يزيدو الماء غي للقرعة وجامي فتح الرادياتور ايا كي يشوف فالقرعة يقول راها معمرة ولكن الرادياتور راها فارغة
راني نحكي على الاكسنت
الخلل وين يكون .؟
حنا نورمالمو نعمرو الماء غي فالقرعة وحتى انا كنت ندير هكذك في يوم من الايام نتقبتلي الديريت ومشفتهاش ايا حسيت بلي اللوطو سخنت كي بردت وتفقدت الماء وجدت القرعة عامرة و الرادياتور فارغة هذا شي غير منطقي المفروض انو حتى القرعة تفرغ
واكن مايحصل في سيارة الاكسنت وشحال من واحد نبهتو عليها انو كيما راني داير ف الصورة رقم d ان التيو بفعل السخانة يتعوج ويدور الفم تعو يشوف الفوق سما يبدا يجبذ غي الهوا وميمصش الماء اطلاق
اي الرادياتور فارغة والتيو ميجبدش وكان حتى القرعة فارغة
وحد النهار تلاقيت وحد عندو اكسنت ماشيا 90 الف هي 2011 هدرنا هاكا وقالي انا ملي كسبتها قع محليتش البوشون تع الرادياتور تعجبت منو قالي نزيد الماء غي فالقرعة شرحلتو هذ الحالة مصدقنيش هي القرعة عامرة قتلو حلو البوشون تلقاها فارغة فالاول مبغاش وكي سيفت عليه بحكم عندي زوج خاوتي ميكانيسيان وحتى انا خدمت عام سطاج كي فتحنا الرادياتور لقيناها فالنصف زادلها قريب 1.5 لتر
الحل ماهو ؟
كيما ركم تشوفو فالتصويرة فذاك التيو راني دايرله سلك باه يبقى دائما الى الاسفل يعني لوكان حتى السخانة ميتعوجش التيو
ارجو ان تستفيدو والي عندو هذ العقلية تع نعمر الماء فالقرعة يمشي يفقد لوطوه
ومتخافوش تفتح البوشون تع الرادياتور عادي كي تكون اللوطو باردة

ملاحظة مهمة جدا ,
سيارة الاكسنت كالي يقولك متحماش
خطا حاسب راه عندك سيبيريا
الاكسنت جديدية ولا قديمة مؤشر السخانة ليقوي فيها كذاب وميحشمش
يعني تكون باردة ديرها مارش تيقى تحمى تحى كي يوصل ليقوي للنصف صاي لوكان ترميها فالنار ميطلعش المؤشر
يعني قادر الرادياتور تفرغ من الماء تماما ومتسينيلكش ولا تعلمك حتى تسكت بيك
بصح فيها الموتور مجهد ميصراله والو ف هذ الحالة تبدل غي جوان كيلاص لوكان لوطو اخرى تهلكك
المهم متكلوش على المؤشر
كل هذ الشي الي قلتو خاص بالاكسنت واصحاب السيارات الاخرى يستفادو من الحاجة الي تساعدهم

جزاك الله خيرا على النصائح القيمة , كنت أود طرح استفسار في هذا الشأن حتى رأيت هذا الموضوع القيم
لدي سؤال بسيط
عندما ازيد الماء من الرادياتور ماهو المستوى الذي أتوقف عنده يعني نعمرها حتى للفم أم ماذا ؟

[just do it]

المشاركة الأصلية كتبت بواسطة نمس تندوف

راك غالط انا راهي عندي من2007 ولاتوت وعمرها محماتش انا نخطربيها وعايش في صحراء جامي حمات الى كان انت في تل وحمات بلاك راه دخل الريح الان نظام التبريد لازم يكون سركوي فيرمي

هههه اقرا مليح ومن بعد كذبني
وش دحل لاتوت؟؟
انا قلتلك نثقبتلي لاديريت
وكاللي خواتلهمو الرادياتور
وقلت هي متعلمكش يعني الرادياتور تفرغ والمؤشر ميطلعش ومتسنييش حتى تسكت بيك
ولا تاني رادياتور فارغة بصح مراهاش حامية ؟؟؟

[Sasuki2016]

شكرا لك...............