نتائج مسابقة الجمارك الجزائرية 2012-2013 ( إعلان النتائج)

[شعيب الجيجلي]

أخي حتى أنا ندفع فيسطيف رتبة ضابط فرق
قولنا كاين لاشان ولا لا
ونوع الأسئلة
بارك الله فيك
وهل يقبلوا السورسي
أنا عندي إستدعاء ومكتوب فيه في وضعية قانونية اتجاه الخدمة الوطنية حتى 13 ديسمبر 2012

[insantaib]

اليوم دفعت ملف اعوان الرقابة بولاية تبسة صدقوني التنظيم كارثة والله العظيم قعدت يومين باه دفعت الملف واصحاب المعريفة يدخلو بلا ما يشاورو حد وخلي البنات لا حدث ولاحرج

[imad20]

شعيب الجيجلي



أهلا بيك

أنا وصلت لثم على 11 مكانش الغاشي خاصة في رتبة الضباط ( لقيت روحي مع حوالي 10 من الناس )

الأسئلة : يعطيك ورقة فيها 48 سؤال تجاوب من 1 إلى 5 ( الصفحات السابقة فيها طريقة الإجابة ، إرجع ليها )

أما فيما يخص السورسي ، راح معايا واحد صاحبي السورسي تاعو يموت في ديسمبر أيضا و قبلوه

المهم الملف تاعك بكون كامل ومرتّب واتكل على ربي

بالتوفيق

[شعيب الجيجلي]

بارك الله فيك أخي عماد

ونت نجحت فالامتحان

وهل مديرية الجمارك قريبة من المحطة

وشكرا

[قلم حائر]

المشاركة الأصلية كتبت بواسطة شعيب الجيجلي

بارك الله فيك أخي عماد

ونت نجحت فالامتحان

وهل مديرية الجمارك قريبة من المحطة

وشكرا

المديرية تقع في حي 600 مسكن كي تلحق للمحطة سقسي لبيس الحضري لي روح ثم يوصلوك ليها أحكم رقم 16

الاستقبال هايل ولغاشي مكانش بزاف وكي يقبلو دوسي تاعك تفوت ثم البسيكوتقني

[mimi002]

salam alikom haba nhot agen de control
هل شهادة مدرسية تاع 2 ثانوية و لا 3 ثانوي
و من فضلكم وش هي أسئلة بسيكو

[يد بيد]

ياخوتي بخصوص الشهادات الطبية لازم تكون جديدة مايفوتش عليها 10 ايام !! ولا نورمال

[tptc2007]

متى آخر أجل

[raouf19]

بالنسبة لعون رقابة مستوى ثانية ثانوي كاف

أما فيما يخص تاريخ الوصفة لا اعلم لم يشترطوا هذا الشرط لدى جمارك سطبف

وكلمة أخرى على جمارك سطبف والله التنظيم كان رائعا وتعامل مثالي من طرف الظباط والأعوان بارك الله فيهم

وإلى تواصل جديد إن شاء الله وبالتوفيق للجميع

[xanderr]

السلام عليكم خاوتي انا من الذين اجتازو للمرة الثانية المسابقة صدقوني اخواني هذه شهادة لله نجحت في المسابقة التي افرج عنها السنة الماضية 22 جويلية 2012 واجتزنا المسابقة الكتابية في اكتوبر 2012 في جامعة تبسة وكان ذاللك يوم الجمعة وبعد طول انتضار سنة كاملة قالو لي انك ناجح مرتين وعند الذهاب اليهم قالو لي انه وقع سوء تفاهم والحقيقة يجب ان تقال في الإستقبال كارثة في المعاملة كارثة والأكثر من ذالك تقام المسابقة في صلاة الجمعة ماذا تنتظر بعد ذالك ***ليكن همنا الأول إرضاء الله تعالى ولو سخط علينا الناس جميعًا***
******************************************والله ولاية تبسة دولة بلا حدود *********************************

[شعيب الجيجلي]

أخي هل التنظيم جيد
هل يقبلون مني إستدعاء مكتوب فيه في وضعية قانونيةاتجاه الخدمة الوطنيةحتى 12ديسمبر2012

[joinyong]

السلام عليكم
..........اخواني افيدوني ب اسئلة المسابقة الكتابية ....لضباط الفرق

[hamza_2009]

و الله يا خاوتي كوداوني الجمارك هادوا راهم كريثة صح روحت ندفع في ضباط كي وصلت لتما قاولي في الباب مش مقبول علوم تجارية تخصص تسويق رجعت روحت و مبعد راح صديقي دفع الدوسي نورمال دخل و دفع الدوسي و اليوم كي رجعت للجمارك زادو قالولي مش مقبول كي قلتلهم او مقبول عيطو لي يحكم الواسا قالهم مقبول نورمال عطاوني كونفوكاسيو باه ندفع الدوسي
.... هاذو لي قاعدين في الباب و معلبلهومش واش دخلهوم حتى يشقيو في لعباد ... في الحقيقة مستوى ضعيف جدا و صحاب المعريفة لي قاعدة تمشي يليكيدو في الغاشي باه تبقى صحاب المعريفة .... و مازال واقفين

[hamza_2009]

و الله يا خاوتي كوداوني الجمارك هادوا راهم كريثة صح روحت ندفع في ضباط كي وصلت لتما قاولي في الباب مش مقبول علوم تجارية تخصص تسويق رجعت روحت و مبعد راح صديقي دفع الدوسي نورمال دخل و دفع الدوسي و اليوم كي رجعت للجمارك زادو قالولي مش مقبول كي قلتلهم او مقبول عيطو لي يحكم الواسا قالهم مقبول نورمال عطاوني كونفوكاسيو باه ندفع الدوسي
.... هاذو لي قاعدين في الباب و معلبلهومش واش دخلهوم حتى يشقيو في لعباد ... في الحقيقة مستوى ضعيف جدا و صحاب المعريفة لي قاعدة تمشي يليكيدو في الغاشي باه تبقى صحاب المعريفة .... و مازال واقفين

[كايميرا1322]

متى اخر اجل لدفع الدوسي ؟