نعم للاحتجاج

[manel de annaba]

نعم فكرة جيدا نتمنى ان تفي بالغرض اما الشعار هوا الحرب قايمة ولبلاد نايمة ناس عايشة وناس توانس يعيش البستون ويموت الزوالي

[SOMIA122]

ليكن يوم 09 فيفري 2011 يوم الغضب الجزائري على البطالة و الفساد و البيروقراطية

[bankes]

تدهورت الوضعية الاجتماعية في الجزائر بشكل مقلق خلال الأعوام الأخيرة تقدر نسبة البطالة ب 30% و تشمل هذه النسبة حوالي 2 مليون شخص 70 % من الشباب الذين تتراوح أعمارهم بين 16 إلى 19 سنة بالإضافة إلى 45 % من فئة 20 إلى 24 سنة هم بطالون .
انخفضت القدرة الشرائية بنسبة 45 % منذ عام 1986 و يشمل الفقر حاليا 22 % من السكان خاصة في المناطق الريفية استنادا إلى هذا الوضع الغير ملائم

[Aminamina16]

حتى لوكان يكون الاحتجاج سلمي الحكومة تبعت أطراف باش يشوشوا و يخلطوا لحالة أومبعد يقولوا أعمال شغب...لكن نقول نعم للاحتجاج ا لسلمي...بالاضافة للشعارات السابقة شعاري هو :

دراهم البترول في خدمة البلاد ماشي في جيوب الذئاب

[صانعة حياة]

فكرة جيدة وعلينا ان نحرص على ان تكون الاحتجاجات سلمية كي لا تحدث انزلاقات خطيرة لا نريد دماء ولا ضحايا يجب ان تكون شعاراتنا : نحب الجزائر نريد الكرامة نرفض العنف على السلطة ان تعرف اننا لا نخرج من اجل الجوع والفقر ولكن من اجل الكرامة والعزة والحرية فالشعب قد يصبر على الفقر والحاجة لكنه لا يقبل ابدا بالاذلال والظلم والحقرة

[Alili Mostafa]

كما قال عنتر بن شداد
كر ... و أنت حر

[adlan abdelkader]

تحيا الجزائر ..... و بركاو من التخلاط .... المشكل راه في الشعب لازم نرجعوا لنظام القبيلة ...خاطر حنا ماتليقناش دولة .....

[Alili Mostafa]

العصيان المدني و الإضراب أيضا

[maga]

يا اوتي
إتفق العرب ألا يتفقوا
مهما واش تقولو على الإحتجاج السلمي ماراهش راح يطبق لماذا؟؟؟؟؟
أنت اللي تقول سلمي راك واعي ممكن تكون جاميعي ممكن تكون أستاذ ممكن تكون........المهم واعي وقاري
بصح واش يفهم هذا الكلام اللي واحد جاهل سراق يطعاطى المخدرات جاب حياتو كلها في الحباس همه الوحيد النهب و وووووو
أنا نشوف بلادي في خير وعافية الغاشي الكل يسعى بورتابل يجيب الليل طول وهو يقص في الفارغات
صح هذيك الفارغات يخسر عليها دراهمو حتى إذا مافاضوش عليه بصح السكر و الزيت غالية عليه؟؟؟؟؟؟؟
أحنا اللي نقولو صوارد البترول واينهم ,الصواردهم مايجيب والو يا الفاهمين أحنا كي نبيعو البترول بالغلى رانا نستورد بالغلا
اللي بغا بلادو تتسقم يدعي و قول ربي ينحي علينا أويحيى وكل واحد فينا يخرج يخدم ما يشرطش
وحنا عندنا كنز كبير هي الفلاحة لكن ماهيش معمرة عيونا لوكان جيتو تخدمو فيها ماناش نستوردو في القمح و الحمص واللوبيا
خاوتي هذا مجرد رأي أطفؤوا نار الفتنة سطركم الله

[bankes]

المشاركة الأصلية كتبت بواسطة maga

يا اوتي
إتفق العرب ألا يتفقوا
مهما واش تقولو على الإحتجاج السلمي ماراهش راح يطبق لماذا؟؟؟؟؟
أنت اللي تقول سلمي راك واعي ممكن تكون جاميعي ممكن تكون أستاذ ممكن تكون........المهم واعي وقاري
بصح واش يفهم هذا الكلام اللي واحد جاهل سراق يطعاطى المخدرات جاب حياتو كلها في الحباس همه الوحيد النهب و وووووو
أنا نشوف بلادي في خير وعافية الغاشي الكل يسعى بورتابل يجيب الليل طول وهو يقص في الفارغات
صح هذيك الفارغات يخسر عليها دراهمو حتى إذا مافاضوش عليه بصح السكر و الزيت غالية عليه؟؟؟؟؟؟؟
أحنا اللي نقولو صوارد البترول واينهم ,الصواردهم مايجيب والو يا الفاهمين أحنا كي نبيعو البترول بالغلى رانا نستورد بالغلا
اللي بغا بلادو تتسقم يدعي و قول ربي ينحي علينا أويحيى وكل واحد فينا يخرج يخدم ما يشرطش
وحنا عندنا كنز كبير هي الفلاحة لكن ماهيش معمرة عيونا لوكان جيتو تخدمو فيها ماناش نستوردو في القمح و الحمص واللوبيا
خاوتي هذا مجرد رأي أطفؤوا نار الفتنة سطركم الله

خويا انتا باين كي زدت لقيت مغرف تع ذهب في فمك على هذي تهدر هكا

[bankes]

المشاركة الأصلية كتبت بواسطة adlan abdelkader

تحيا الجزائر ..... و بركاو من التخلاط .... المشكل راه في الشعب لازم نرجعوا لنظام القبيلة ...خاطر حنا ماتليقناش دولة .....

ارجع الى نظام القبيلة وحدك خويا راك في 2011

[maga]

أنا اللي تقول عليا زد بالمغرف تاع ذهب في فمي و الله يا أخي راك غالط راني زوالية ممكن أكثر منك لكن راني قانعة ممكن أكثر منك

[عبد الحليم سطايفي]

الله يستر ويكون الخير

[ام رنا]

يوم الغضب ام هو يوم السرقة والنهب والقتل
بالله عليكم ماشبعتوش من سنوات اتحرقت فيها قلوب الجزائريين
واش من احتجاج سلمي واااااااااااااش والله راح تدخلوا في متهات وماتخرج فيها غير الجزائر مدمرة ومحروقثة وشعب بدون امان وخوف للجزائريين
ربي يهديكم وبركاكم من الموضة الي طالعة واحد يجي يحرق روحو اويعاند في التونسي التونسي جات تلقائيا
ونقولك الصح انا كل الي شفتهم في المظهرات الي فاتت يسرقو ويرموا في الحجر على الشرطة مكااااااااااااااااااااااانش واحد يبان فيهم زوالي كلهم لابسين اخر موضة ولبس غالي
كون صح محتاج مايلبسش هكداك
والي فعلا محتاجين راهم يقولو الحيط الحيط ويارب سترك وساكتين

خليكم من الهبال وماتقولي لا زيت لا سكر
يروح بوتفليقة يجي واحد كيما هو وكيما الي سبقوا او اكتر
يعني خليكم في دراستكم وفي خدمتكم والي ما يخدمش ربي يرزقه ان شاء الله
لان مدام ماهوش يخدم ربي مزال ماكتبلوش الارزاق بيد رب العالمين
وحتى امريكا نلقاو فيها الفقر وناس نايمين بالشوارع يعني الدولة ماراحش ترضي شعبها ابداااااااااااااا يوفروا حاجة الشعب يطلب اكتر
ساعدوها تعطيكم الجزائر بلادكم يا ناس ماتزيدوش الدمروها حرام حراااااااااااااااااااااااااااااااام
رانا كرهنا

[adlan abdelkader]

المشاركة الأصلية كتبت بواسطة bankes

ارجع الى نظام القبيلة وحدك خويا راك في 2011

.....و نزيد نعاودها تحيا الجزائر و الله يحميها من الهمج