كيف تتصرف ايتها الكنة في هكذا موقف

[أم ريتاج زهرة]

المشاركة الأصلية كتبت بواسطة tofnine

لو كنت اعلم بما سيجري لي والله منروح لكن توقعت لومة زعفة لكن تقولي بنت العشة من بعد 10 سنين عشرة هذا تطاول ما بعده تطاول

اااااااااه هادي كثرت أنا حسبت زعفة و كلام خفيف و شنوفة صغيرة و لكن لهذا الحد باراكات ريحي في دلرك خير ما تسمعي كلام يعقدك و تهلاي في راجلك و ولادك و ربي يوفقك و ناس بكري قالو دارك ستارت عارك إمالا خليها تشبع من كنتها الثانية يجي النهار الكلام اللي قالتهلك العجوزة تسمعها من الكنة الثانية و قول حسبيا الله و نعم الوكيل تكفي و ربي يخلص أختي لي عودة باش نطمأن على أحوالك حبيبتي سلام

[TOFNINE]

المشاركة الأصلية كتبت بواسطة أم ريتاج زهرة

اااااااااه هادي كثرت أنا حسبت زعفة و كلام خفيف و شنوفة صغيرة و لكن لهذا الحد باراكات ريحي في دلرك خير ما تسمعي كلام يعقدك و تهلاي في راجلك و ولادك و ربي يوفقك و ناس بكري قالو دارك ستارت عارك إمالا خليها تشبع من كنتها الثانية يجي النهار الكلام اللي قالتهلك العجوزة تسمعها من الكنة الثانية و قول حسبيا الله و نعم الوكيل تكفي و ربي يخلص أختي لي عودة باش نطمأن على أحوالك حبيبتي سلام

صباح الخير ام ريتاج الحمد لله الحمد لله
اما الكنة 2 راها مستحملة وحتى هي صرافيها وراهي صابرة
عندها 5شهور ملي سكنت معاها

[أم ريتاج زهرة]

صباح النور حبيبتي ماعليش نتي سيي تجبدي روحك و تفرجي من بعيد و الله يجي النهار اللي تنقلي البالون في جيهتك و تربحي راحتك و الناس ماتعرفش بنت الفاميليا ربي يوفقك حبيبتي و الله تشرفت بمعرفتك و عجبتني الهدرة معاك في إنتظار أخبارك سلام

[TOFNINE]

المشاركة الأصلية كتبت بواسطة أم ريتاج زهرة

صباح النور حبيبتي ماعليش نتي سيي تجبدي روحك و تفرجي من بعيد و الله يجي النهار اللي تنقلي البالون في جيهتك و تربحي راحتك و الناس ماتعرفش بنت الفاميليا ربي يوفقك حبيبتي و الله تشرفت بمعرفتك و عجبتني الهدرة معاك في إنتظار أخبارك سلام

انا من تشرفت جدا بك وشكرا على منحي من وقتك
المشكلة لم ارويها لا لامي ولا لاختي باه منحيرهمش وخاصة وانا بعيدة
والحمد لله وجدت من الاعضاء من انصت الى مشكلتي وكل الردود كانت متشابهة في نفس الموقف
وكان تقريبا نفس الاستياء
لم اندم على السكوت ولكنني اندم على كل مشكلة واجهتني ولم اضع النقاط على الحروف عندما تتكرر الامور
والله حتى وليت في داري نرد علها ونقل ليها بيني وبين نفسي مرانيش عبد شراته من السوق

[رَكان]

زمن الغفله وعدم التثبت ...أعطيت الكثير الكثير ..وحين اليقظة ..تريدين استرجاع ما ترين أنه لم يكن عليك عطاؤه...
يمكنك ذلك ولكن بهدوء وتروّ وحكمة ..بذلك تستطيعين تجنب ما قد يكتنفه من أضرار ..
اصلاح ما فسد قد يرافقه بعض الألم ...فلتكوني ذكية ولتخرجي مما أنت فيه بأقل الأضرار ...
الطيبة الزائدة كم أهلكت قبلك الكثيرين ....

[TOFNINE]

المشاركة الأصلية كتبت بواسطة رَكان

زمن الغفله وعدم التثبت ...أعطيت الكثير الكثير ..وحين اليقظة ..تريدين استرجاع ما ترين أنه لم يكن عليك عطاؤه...
يمكنك ذلك ولكن بهدوء وتروّ وحكمة ..بذلك تستطيعين تجنب ما قد يكتنفه من أضرار ..
اصلاح ما فسد قد يرافقه بعض الألم ...فلتكوني ذكية ولتخرجي مما أنت فيه بأقل الأضرار ...
الطيبة الزائدة كم أهلكت قبلك الكثيرين ....

شكرا اخي الامر لا يحتاج الى ذكاء الامر يحتاج الى موقف
انسان واهانك اقل ما يمكن ان تفعله هو تجاهله فقط
انسان زرته في بيته و لم يعطيك حق الضيافة حتى بالوداع خرج من بيته مبكرا ولم يودعك
اذن لاتدخل بيته مرة ثانية ولا تزره
واذا ما قدر الله وزارك في بيتك فهو في بيتك اعطه قيمة الضيف استقبله واكرمه وودعه فقط هكدا تربينا ان لانهين من دخل بيتنا
لكن سؤالي مادا تنتظر هذه العجوزة من هده الكنة مستقبلا

[Misty56]

يجي نهار اللي تفيييق على روحها
الان بدات تتوضح ي بعض المعالم من شخصيتها
ان شاء الله ربي يكون في عونك
ويصلح الاحوال ان شاء الله
اعملي واجبك فقط ومادابيك ما تكثريش احتكاك بيها لتجنب الضرر

[رَكان]

المشاركة الأصلية كتبت بواسطة tofnine

شكرا اخي الامر لا يحتاج الى ذكاء الامر يحتاج الى موقف
انسان واهانك اقل ما يمكن ان تفعله هو تجاهله فقط
انسان زرته في بيته و لم يعطيك حق الضيافة حتى بالوداع خرج من بيته مبكرا ولم يودعك
اذن لاتدخل بيته مرة ثانية ولا تزره

سوف أخبرك لم يتوجب علينا استخدام فطنتنا وتعقلنا ..
هل لاحظت ما لونته بالأحمر في الإقتباس ؟
هو ذاك بالضبط لأجله حدثتك ...
تقاطعين أم زوجك كموقف منك ..مليح ..هل يمكنك فعل ذلك ؟
هل تملكين أمرك فيه ؟ ماذا لو قال لك زوجك هذه أمي ولايمكن مقاطعتها وعلينا زيارتها ؟
هل وضعت ذلك في الحسبان ؟
إن رفضت لزوجك مطلبه ..فأنت الأدرى بشأنك ..وما ينجر على ذلك ..
وإن طاوعته ..فعليك أن تتوشحي بثوب آخر عند الزيارة ..هذا الثوب أسمه ثوب التغيير ولا عودة للماضي ..
أظن أنك فهمت قصدي ..

[زهرة القدس 05]

المشاركة الأصلية كتبت بواسطة خالد عنابي2

لا صبر لا والو هذه حماة متكبرة وناكرة للجميل

يجب عليكي ان تضعي حدا لهذا الامر وتخبري زوجك في العيد زيارة خفيفة ولا مكانش خلاص او يتكلم مع امه ويضع لها النقاط على الحروف

وليس من واجب الكنة ان تخدم الحماة بل من واجبها ان تخدم زوجها خصوصا انها لا تسكن معكما ولديها ابنها الاخر وكنة اخرى تسكن معها

ما تقسحيش لقلوب حنونة اهدي للخير
انا عن نفسي كان ملي بدات تبهدل فيك حداها كون راك ندتي في وجهها وكي تحكي معاك قوليلها انتي على العين والراس مي متبهدلينيش حدا اي واحد وقولي لراجلك وش سرا وشكي وبكي واذا شافك صح مظلومة راح ينصرك
وزيدي مدام عندهم بنهم متزيديش تروحي والفيها هكا حتان توالف هي و راجلك وكل واحد يحكم قرد هههههههه
وكي تشوف فيك الفايدة تندم عليك

[TOFNINE]

المشاركة الأصلية كتبت بواسطة رَكان

سوف أخبرك لم يتوجب علينا استخدام فطنتنا وتعقلنا ..
هل لاحظت ما لونته بالأحمر في الإقتباس ؟
هو ذاك بالضبط لأجله حدثتك ...
تقاطعين أم زوجك كموقف منك ..مليح ..هل يمكنك فعل ذلك ؟
هل تملكين أمرك فيه ؟ ماذا لو قال لك زوجك هذه أمي ولايمكن مقاطعتها وعلينا زيارتها ؟
هل وضعت ذلك في الحسبان ؟
إن رفضت لزوجك مطلبه ..فأنت الأدرى بشأنك ..وما ينجر على ذلك ..
وإن طاوعته ..فعليك أن تتوشحي بثوب آخر عند الزيارة ..هذا الثوب أسمه ثوب التغيير ولا عودة للماضي ..
أظن أنك فهمت قصدي ..

في الوقت الحالي صدقني لاتزال النغمات الموحشة تطاردني كالكابوس
اما عن المقاطعة نكدب عليك نقولك ندخل عليها وانا مازلت في هده الاوضاع بسببها لاني من النوع الدي لا يستطيع كبت مشاعره
ومنا للقدام يا من عاش والله اعلم واش راح يصير
اما عن الثوب الجديد فلا بديل عنه لانني حقا تبرات من الثوب القديم معهم
ولكن عليها هي تقبل الثوب الجديد وهي شخصية متكبرة لن تتقبل الموضوع لان الامر بالنسبة لها كان تاديب لكنة ارتكبت جريمة في حق العجوزة وستعود هده الكنة خاضعة ومطاطاة الراس وبالنسبة لها وان احست بالخطا داخل نفسها من المستحيل ان يظهر عليها الاسف والا كانت على الاقل قدمت لي تعزية في وفاة ابن عمتي او طلبت السماح لانها تعد ت حدودها كثيرا
لكن انت كشخص مثقف ومتعايش مع مختلف الدهنيات برايك
هل تنتظر عودة الكنة السابقة وكان شيئا لم يكن
هل ساحمل يوما ما المكنسة وانظف لها
هل ساسالها عن احوالها بعد مرض باهتمام
هل ساغطيها عندما اراها في فراشها تريد ان تنام
هل ساضع رجلها في يدي واطلي لها الحنة كما فعلتها مرارا
هل اجالسها بالساعات وان اتحدث اليها واسرد لها القصص واستمع لحديثها
هل مزالت هناك مشاعر لم تحترق بعد وتخونني و تساندها
هل تنام بشكل عادي بعد فعلتها ام تنام مثلي مشوشة الذهن لان امورا غير عادية تحد ث في اسرتها
اخي انت فكرت لي كيف يكون رد فعلي بعد ما حدث

[sinda]

الخير مشكل الكنة والعجوز لا ينتهي ولن ينتهي مع أني قررت أن لا أتحدث في هذا الموضوع لكن حالتك والشئ الذي تمرين به صعب أختي أهل الزوج أو الحماة بصفة عامة تنظر إلى الكنة بأنها ألة إذا عملت كما تريد بقال عنها بنت فاميليا ومتربية وووووو والعكس والله كنت تقومين بالواجب ولكن الأن توجد كنة جديدة والأن حقك العيش والتمتع في بيتك وهذا حقك الطبيعي ولا نقاش فيه با أختي أنا عندي عام زواج عيدت في داري وعشت اللحظات مع زوجي وإبنتي أما حماتك ربي يهديها والله كامل يشتيو يلوحوا الهدرة أنا ما نروحش خاطر ما نحملش رابحة راحتي هو دارهم واجب عليه يروح أنا ما يحتمنيش لازم الصبر واجبك ديريه والباقي ماشي محتم عليك

[TOFNINE]

المشاركة الأصلية كتبت بواسطة زهرة القدس 05

ما تقسحيش لقلوب حنونة اهدي للخير
انا عن نفسي كان ملي بدات تبهدل فيك حداها كون راك ندتي في وجهها وكي تحكي معاك قوليلها انتي على العين والراس مي متبهدلينيش حدا اي واحد وقولي لراجلك وش سرا وشكي وبكي واذا شافك صح مظلومة راح ينصرك
وزيدي مدام عندهم بنهم متزيديش تروحي والفيها هكا حتان توالف هي و راجلك وكل واحد يحكم قرد هههههههه
وكي تشوف فيك الفايدة تندم عليك

شكرا لك
لكن واش من فايدة لم افهم
لو كان رديت توصل الامور الى مالا يحمد عقباه

[TOFNINE]

المشاركة الأصلية كتبت بواسطة sinda

الخير مشكل الكنة والعجوز لا ينتهي ولن ينتهي مع أني قررت أن لا أتحدث في هذا الموضوع لكن حالتك والشئ الذي تمرين به صعب أختي أهل الزوج أو الحماة بصفة عامة تنظر إلى الكنة بأنها ألة إذا عملت كما تريد بقال عنها بنت فاميليا ومتربية وووووو والعكس والله كنت تقومين بالواجب ولكن الأن توجد كنة جديدة والأن حقك العيش والتمتع في بيتك وهذا حقك الطبيعي ولا نقاش فيه با أختي أنا عندي عام زواج عيدت في داري وعشت اللحظات مع زوجي وإبنتي أما حماتك ربي يهديها والله كامل يشتيو يلوحوا الهدرة أنا ما نروحش خاطر ما نحملش رابحة راحتي هو دارهم واجب عليه يروح أنا ما يحتمنيش لازم الصبر واجبك ديريه والباقي ماشي محتم عليك

والله عين العقل ربي يهنيك شكرا على تدخلك وابدا الراي
كثيرا مانقرا الحكم واحيانا نجد انفسنا نعيش حكم وانا ينطبق عليا مثل
وين تحط روحك تصيب روحك

[sinda]

المشاركة الأصلية كتبت بواسطة TOFNINE

والله عين العقل ربي يهنيك شكرا على تدخلك وابدا الراي
كثيرا مانقرا الحكم واحيانا نجد انفسنا نعيش حكم وانا ينطبق عليا مثل
وين تحط روحك تصيب روحك

والله أختي حرنا المشكل فينا ولا فيهم أنا قاسوني بزاف قلبي برد لقيت روحي مع ناس درتي الخير ولا الشر كيفكيف أنا المرة هاذي كي روحت جربت ندير كيما يديروا العرايس لا خدمة لا تكثار الهدرة واش نقولك ما عجبهاش الحال درتها بالعاني باه نشوف وين راهم يخمموا والله لقيت الدلال ماشي لينا الدمير وي أنا حاجة واحد راني نمشي بيها أنا بعيدة على دارنا ب400 كيلوا وليت نروح لدارنا نقعد ثم ونروح من ثم لي عجبوا عجبوا ولي ما عجبوش ما يهمنيش راكي بعيدة شكون تتوحشي وشكون لي يفرح بيك ويقيمك والديك خلاص أنا راجلي فوق قلبوا يحبني نروح نخدم يعجبوا الحال هاذيك كي كنت نية ذرك كيما تعامليني نعاملك حتى إتصالات ماكانش في الأول نعيطلها ليها ولبناتها هي ما تغلطش نهار كل صباح تعيط لبناتها أنا مانيش بنتها مالا أنا ثاني مانعيطش غير في المناسبات برك ربي يخليلي والديا وراجلي الحمد لله قايمة بيه ما نيش مقصرة في حقه هذا لي نتحاسب عليه والله خلاونا ولينا يهود القلب قسى أنا عييت ساعات نحاسب روحي نقول أنا لي مانيش مليحة مبصح كي تتفكري الدمار أأوووووووووووووفففففففففففف

[jawada22]

الصبر ثم الصبر تفكري بان التي تكلمك امه لا يستطيع محاسبتها و لا اغضابها حتى انت لن ترضي بهذا كلش يفوت فقط ايام قليلة و تنسين اصبري فقط و احمدي الله انك بعيدة عنها و لو كنت معها على الدوام ماذا ستفعلين قولي الحمد لله و ادعي الله ان يرزقك حسن الخلق و طول البال و تذكري انك ولفتيها و هي من قهرها قالت ما يقال و ما لا يقال غادي يجي النهار و تولي حتى لعندك فقط لا تتسرعي و تردي عليها اتركيها مع ضميرها