قصتي مع الخدمة الوطنية اقرأها بموضوعية

[karimjsp]

المشاركة الأصلية كتبت بواسطة عبد الغني زين

السلام عليكم خاوتي واحبابي انا يا خويا في عمري 25 عام والي نقولهالك حبيبنا ما تغلطتش الغاشي بالعسكر نتاعك الي عقبته - يا خويا لوكان نبقى هكدا بالشر ما نعقبش الخدمة الوثنية- انا خويا 7 سنين في الجيش توفى عندهم قالو لينا مات منتحر ؟ هل يعقل ؟ انا في 2010 كونت ملف تعاقد في الجيش ما بغاوش رفضوني - لا خدمة لا سكن الوالذين مطلقين عندي خاوتي 2 عقبوها الان راهم بنائين في ورشات البناء / الشونتيات / كيفاش يرحم باباك تقنعي بالخدمة هاذي ولا بحب الوطن ؟ انا جاني حق الاعفاء لسنة 2015 وقالك ما عندكش الحق بعد ما تعبوني في هذا رمضان وعطشةني ارواح جيب روح ارجع والسبة انو عندي استدعاء واش من سبة ؟ هذا عفووووووووووو عفووو يا ظلام ما تبغوش علاه ؟ يا ظلام لاني بسيط زوالي قليل مكسور الجناح ... الشيء هذا راح كل يوم يغلغلني في نفسي وكرهي للبلد كل يوم يزيد البارح بعد ما كنت نخمم في الحرقة الى اوروبا الى يوم راني نخمم في حاجة اخرى علاش ؟ بسبب الظلم انا نقولك علاش ما نروحش ؟ زكارة برك صدقني تخشان راس برك شوف نعقب ولا ما نعقبش في دزاير موحال نخدم امالا علاش نرةح ؟ انا هكدا نفهم انا ما نعرف لا بلادي لهم يحزنون بلادي الي ناكل فيها الخبز ونعيش فيها راجل هنا لا لا العكس علاش نعقب العسكر نتاعك؟ بلادي كون عطاتني نعطيلها انا ما عطاتني والو علاه نعطيلها ؟ كزن عطاو حقوق خويا الي 7 سنين مات عندهم وقالك منتحر حسبي الله ونعم الوكيل فيهم وتقولي انت تجربتك مع العسكر ؟ انت الله يسهل عليك قناعتك وحدها انا قناعتي تاني وحدها بلي هذا ظلم ظلم ظلم في لبنان مكانش الخدمة الوطنية في فرنسا كذالك في بعض البلدان كيما تبغي هنا لا لا تخدم ما عندكش الحق ويقولك واجب الخدمة ااااااااودي روح تلعب عند سيدك هولاند راني مغلغل اللهم استجر بك من هؤلاء الظلمين

نطلب اعادة النظر في اعفاء 2015 في ما يخص الشروط التعجيزية

[just do it]

[QUOTE=karimjsp;3993851150]نطلب اعادة النظر في اعفاء 2015 في ما يخص الشروط التعجيزية[/QUOT
والله يا اخي شر البلية ما يضحك
انت تقول راك تخشن فراسك وخلاص حاسب روحك راك عند بريفي ياااااااااو هادي دولة واله مخسرا معاك والو تجمشي تفوتها ولا تعيش مرمرد
ثم خويا انا منيش نشجع باه تفوتها هذي السبة الي كنت خايف تفهموها انا اشجع باه تتهني منها واغلبنا معندو لا عرف لا والو سما يجبر روحو بسيف عليه
اذا كنت تعرف انو حقك في الاعفاء باي طريقة روح جري على روحك انا والله منبغي وحد حقو اعفاء ويعقبها لا لا خويا روح جري على كواغطك ولا شوف بروكيرور اذا كانو يزعقو بيك ولا احسن ادعي الله تعالى يفرج عنك
اما عن اخوك رحمه الله فلي ايضا قصة عسكر مع خويا لكن لن لضعها لاني فواحد الوقت كتبتها فاتهموني بالكذب و السيناريو افلام واش كاين واحد يا خاوتي يتمنى المرض لخوه ويكذب في هذبملخصها اخي كان عاصي ورفدوه من الدار روشارش ضرب شهرين فالكزرنة وقاسوه برا كيما راك تقول غي ربي شاف فحالو دك النهار عيطولنا قالونا رواح تديوه ولكن خويا كي قاسوه قاسوه بسيكاتري نعم والله لقد دخل بكامل قواه العقلية وخرج مهبول 100 فالمئة وعندو كارت معوق ذهنيا مئة فالمئة قطعنا اياسو لكن بعد عام من العلاج راه الحمد لله
لذلك اخي هذ مش مبرر انا كنت قادر نخشن راسي كيما قلت نتا ومنمشيش بصح سؤال وحيه من هو الخاسر الاكبر بل الخاسر الوحيد انه انا وليست الدولة
في الاخير تبقى مسالة قناعات و قراءات للواقع لانو كاين الي يشوف النصف المملوء من الكاس وكاين الي يشوف النصف الفارغ لنفس الكاس
وانا قلت مجرد نصيحة حتى واحد مجبتلو طويوطا تع جندارم ورفدتو يفوتها
ربي يسهل على كل واحد
اعيد شكري لكم على الردود الممنهجة مش كيما وحد العام كانت هنا جماعة والله متعرف حتى تتناقش وتستفاد

[karimjsp]

[QUOTE=just do it;3993856412]

المشاركة الأصلية كتبت بواسطة karimjsp

نطلب اعادة النظر في اعفاء 2015 في ما يخص الشروط التعجيزية[/QUOT
والله يا اخي شر البلية ما يضحك
انت تقول راك تخشن فراسك وخلاص حاسب روحك راك عند بريفي ياااااااااو هادي دولة واله مخسرا معاك والو تجمشي تفوتها ولا تعيش مرمرد
ثم خويا انا منيش نشجع باه تفوتها هذي السبة الي كنت خايف تفهموها انا اشجع باه تتهني منها واغلبنا معندو لا عرف لا والو سما يجبر روحو بسيف عليه
اذا كنت تعرف انو حقك في الاعفاء باي طريقة روح جري على روحك انا والله منبغي وحد حقو اعفاء ويعقبها لا لا خويا روح جري على كواغطك ولا شوف بروكيرور اذا كانو يزعقو بيك ولا احسن ادعي الله تعالى يفرج عنك
اما عن اخوك رحمه الله فلي ايضا قصة عسكر مع خويا لكن لن لضعها لاني فواحد الوقت كتبتها فاتهموني بالكذب و السيناريو افلام واش كاين واحد يا خاوتي يتمنى المرض لخوه ويكذب في هذبملخصها اخي كان عاصي ورفدوه من الدار روشارش ضرب شهرين فالكزرنة وقاسوه برا كيما راك تقول غي ربي شاف فحالو دك النهار عيطولنا قالونا رواح تديوه ولكن خويا كي قاسوه قاسوه بسيكاتري نعم والله لقد دخل بكامل قواه العقلية وخرج مهبول 100 فالمئة وعندو كارت معوق ذهنيا مئة فالمئة قطعنا اياسو لكن بعد عام من العلاج راه الحمد لله
لذلك اخي هذ مش مبرر انا كنت قادر نخشن راسي كيما قلت نتا ومنمشيش بصح سؤال وحيه من هو الخاسر الاكبر بل الخاسر الوحيد انه انا وليست الدولة
في الاخير تبقى مسالة قناعات و قراءات للواقع لانو كاين الي يشوف النصف المملوء من الكاس وكاين الي يشوف النصف الفارغ لنفس الكاس
وانا قلت مجرد نصيحة حتى واحد مجبتلو طويوطا تع جندارم ورفدتو يفوتها
ربي يسهل على كل واحد
اعيد شكري لكم على الردود الممنهجة مش كيما وحد العام كانت هنا جماعة والله متعرف حتى تتناقش وتستفاد

يا اخي ما هذه السياسة الانهزامية التي تفكر بها ، نعطيك مثال المغرب في 2006 الغى الخدمة العسكرية و الشعب عايش لا احتلوهم لا والو واحنا ما طلبناش المحال ، يخي هوما دارو اعفاء في 2009 وًمشرطوش فيه oaor

[khalil16]

السلام عليكم
أخي الكريم للأسف أنا معارض لما تقوله في موضوعك ....
و مع ذلك أعجبني أنك لم تقم بإدخال جمل لطالما كرهتها الخاصة بهذا الموضوع بالذات ..."يجب عليك لقيام بها...انها تفيد الشباب... تعلم الشباب الكثير....تساعاد في ايجاد وظيفة..." على كل حال
في موضوعك هذا ذكرت الكثير من النقاط المهمة سوف أفعل ما في وسعي شرحها بدون اطالة

في الجزء الأول ذكرت مشكلة الشباب في الجزائر عامة و الخدعة الوطنية خاصة..."المعريفة + تضيع وقت المواطن والدولة في موضوع تافه لا ينفع به أحد + من يقول أن طبقية في بلادنا لا يوجد فل يرى من يعفى ومن يستدعى لتأديتها....بدون التكلم عن الذي يعفى تلقائيا لأنه ابن....
حتى هنا فانني معك
%100

لكن ... بمجرد أن قرأت الجزء ثاني من موضوعك حتى أيقنت أنك للأسف سريع الاستسلام
صحيح أنك حر فيما فعلت....ومنطقيا صحيح... لكن على شخص أن يكون له مبادئ
أعرف أنني ربما قسوت عليك ببعض الكلمات....لكن موضوعك أجبرني على رد عليه
هناك نقطة مهمة أشارت اليها وهي أن شباب لديه خيارين اما تأديتها أو عيش في في قلق مستمر لمدة طويلة وانتظار الاعفاء من رئيسنا المقعد.....
أنا أقول لما لا نقوم نحن الشباب بخلق خيار ثالث وهو القيام بمظاهرة سلمية لتنديد بها "بما أنه لا يوجد احد في الجزائر حسب علمي يريد من كل قلبو تأديتها "....على أقل يبقى اقتراح نظريا منطقي

في أخير أن أحترم قرارك ...كما أنه يجب عليك احترام قرارات الأخرين عندما أقول لك أنني لن أؤديها حتى لو كان جيش كله يبحث علي ... ويبقى مجرد رأي

[manchester 27]

السلام عليكم خويا
انا من مواليد 88 وأنهيت الدراسة في 2010
وراني نادم على لي مارحتش فوتها وراني روشارشي
والله عندك الحق وننصح لي راهم جدد يروحو يفوتوها ويتهنو منها
عندي استفسار خويا ادا كان ممكن تفيدني
قررت هادو اليامات نروح للناحيةو العسكرية باش يمدولي رسالة باش نروح للمحكمة العسكرية علما أني سجلت ماستر سنة 2013
بما تنصحني أخي ؟؟
قررت نروح ونخليها على ربي كيما جات جات
بارك الله فيك

[just do it]

المشاركة الأصلية كتبت بواسطة manchester 27

السلام عليكم خويا
انا من مواليد 88 وأنهيت الدراسة في 2010
وراني نادم على لي مارحتش فوتها وراني روشارشي
والله عندك الحق وننصح لي راهم جدد يروحو يفوتوها ويتهنو منها
عندي استفسار خويا ادا كان ممكن تفيدني
قررت هادو اليامات نروح للناحيةو العسكرية باش يمدولي رسالة باش نروح للمحكمة العسكرية علما أني سجلت ماستر سنة 2013
بما تنصحني أخي ؟؟
قررت نروح ونخليها على ربي كيما جات جات
بارك الله فيك

والله هذي الحالة الي مبيغيكمش توصلولها وبعض الاعضاء هداهم الله اتهموني بلي رني مبريزي وباغي قع الناس تفوتها هه شر البلية مايضحك ايا رواحو نتوما يلي تهمتوني عطيوو الاعفاء لمثل هؤلاء وينراكم درك ولا ,,,,
اخي اولا اعلم ان كلشي بالمكتوب الي راه مكتبهالك ربي تلحق مينحهالكش حتى بوتفليقة
ثم نت رك قريب تلحق 30 انا منقدرش ندخل فيك درك لانك لوكن راك عاد 22 وهو السن الي كملت فيه لقراية نقولك درك رفد كابتك
مي هكذا اذا رك عرف روحك تلخق 30 بلا مشاكل دبر راسك
واذا رك شاد فيد ربي ادعيه بكرة وعشيا وروح نحي الروشارش واللي جات تجي
ومتنساش قوله تعالى وعسى ان تكرهو شيئا وهو خير لكم
ربي يفرج عليك

[بسمة صيف]

الله هو المعين سبحانه

[just do it]

السلام عليكم
والله فرحتوني يعطيكم الصحة هكذا هو النقاش الي نيغيه انا اعتزلت هذا القسم فقط على بعض الاعضاء وما اكثرهم يعرف غي يسب ويطيح تقول ’,,,, ربي كرمو بالعقل والكلام وهو غي ينعق بلا ما يفهم
اما عن اخر ردين
والله اخوتي لم افهم لماذا اتهمتوني بالانهزامية الاني ذهبت الى فم السبع كما يقال , انا اخوتي لدي طموحات منذ الصغر اعمل على تحقيقها والحمد لله حققت اولها وهي سيارة بقيمة 90 م وجهة نظري ان خ ع تمثل عائقا لي عن تحقيقها هذي السبة الي خلاتني نمشي
اما عن اقتراحاتكم بمسيرة سلمية واالله لو تفعلونها ساكون الاول معكم رغم اني مؤد لها بصح نوقف مع الحق لاني كما قلت منتمناها حتى لواحد ولكن فلنكن واقعيين نحن لسنا لا في المغرب ولا في فرنسا ولالا شعب اكثره جاهل حتى بحقوقه كثير الكلام دون فائدة وش تستناو منو
انا هنا خطرات تقولهم نشكيو على الماء تقول حكمت قع يقولك واه ويزعف ووو غدوة الصباح تجبر 10 من اصل 40 تبداو طالعين للمير 5 فالطريق ينسحبو زعما عيطلهوم تلفون كي توصل للمير تجبر روحك نتوما زوج برك
اذا كان هذا ياخويا الشكوى على الماء الي ضروري ويومي و قع الناس مضرورة نتا تقولي مسيرة على خ ع انا لا اقول مستحيل ولكن صعب باه تلم الشباب على هذ الشي

[karimjsp]

المشاركة الأصلية كتبت بواسطة just do it

السلام عليكم
والله فرحتوني يعطيكم الصحة هكذا هو النقاش الي نيغيه انا اعتزلت هذا القسم فقط على بعض الاعضاء وما اكثرهم يعرف غي يسب ويطيح تقول ’,,,, ربي كرمو بالعقل والكلام وهو غي ينعق بلا ما يفهم
اما عن اخر ردين
والله اخوتي لم افهم لماذا اتهمتوني بالانهزامية الاني ذهبت الى فم السبع كما يقال , انا اخوتي لدي طموحات منذ الصغر اعمل على تحقيقها والحمد لله حققت اولها وهي سيارة بقيمة 90 م وجهة نظري ان خ ع تمثل عائقا لي عن تحقيقها هذي السبة الي خلاتني نمشي
اما عن اقتراحاتكم بمسيرة سلمية واالله لو تفعلونها ساكون الاول معكم رغم اني مؤد لها بصح نوقف مع الحق لاني كما قلت منتمناها حتى لواحد ولكن فلنكن واقعيين نحن لسنا لا في المغرب ولا في فرنسا ولالا شعب اكثره جاهل حتى بحقوقه كثير الكلام دون فائدة وش تستناو منو
انا هنا خطرات تقولهم نشكيو على الماء تقول حكمت قع يقولك واه ويزعف ووو غدوة الصباح تجبر 10 من اصل 40 تبداو طالعين للمير 5 فالطريق ينسحبو زعما عيطلهوم تلفون كي توصل للمير تجبر روحك نتوما زوج برك
اذا كان هذا ياخويا الشكوى على الماء الي ضروري ويومي و قع الناس مضرورة نتا تقولي مسيرة على خ ع انا لا اقول مستحيل ولكن صعب باه تلم الشباب على هذ الشي

يا اخي انت في وقتك كانت هناك مطالب انت كنت تراها مستحيلة مثل تخفيض فترة الخدمة ، وقد خفضت ، انا في راي ان الجيل القديم كان منهزما و راضخا لما يقرره النظام ، حتى انه لا يناقش يطبق فقط ، و التطور يفرض تغيير القوانين العقيمة منذ 1962 و لم تتغير

[just do it]

المشاركة الأصلية كتبت بواسطة karimjsp

يا اخي انت في وقتك كانت هناك مطالب انت كنت تراها مستحيلة مثل تخفيض فترة الخدمة ، وقد خفضت ، انا في راي ان الجيل القديم كان منهزما و راضخا لما يقرره النظام ، حتى انه لا يناقش يطبق فقط ، و التطور يفرض تغيير القوانين العقيمة منذ 1962 و لم تتغير

ههه
وش من مطالب كثيرة طاينا غي المدة وحتى المدة منقصوهاش على جالك لانو الشباب كثر بزاف على وقت العامين يعني فئة الشباب بزاف على الي كانو هذا اضافة الى كثرة المتعاقدين وكل كزرنة عندها عدد معين لا يمكنها تجاوزه سما كي تقعد عامين ونتا تجي لازم يردوك فائض لذلك قلصو المدة باه الاكثرية يفوتها
يعني الدولة كي دارت هك مشي في مصلحتك اخي راها مصلحتها بالدرحة الاولى
المناقشة علاه نتا صراحة راك تناقش قراراتهم نهدرو الواقع نتا يحكمك غي بوليسي ولا جدارمي يديرلك روتري على سبا قع مكنش تقولي ناقش

[karimjsp]

المشاركة الأصلية كتبت بواسطة just do it

ههه
وش من مطالب كثيرة طاينا غي المدة وحتى المدة منقصوهاش على جالك لانو الشباب كثر بزاف على وقت العامين يعني فئة الشباب بزاف على الي كانو هذا اضافة الى كثرة المتعاقدين وكل كزرنة عندها عدد معين لا يمكنها تجاوزه سما كي تقعد عامين ونتا تجي لازم يردوك فائض لذلك قلصو المدة باه الاكثرية يفوتها
يعني الدولة كي دارت هك مشي في مصلحتك اخي راها مصلحتها بالدرحة الاولى
المناقشة علاه نتا صراحة راك تناقش قراراتهم نهدرو الواقع نتا يحكمك غي بوليسي ولا جدارمي يديرلك روتري على سبا قع مكنش تقولي ناقش

المدة نقصوها لان في هذاك الوقت جاء مترشح للرئاسيات و التقى الشباب و قالولو على افكارهم و مطالبهم ، فالدولة خافت من هذا المترشح و راحت سبقتو للتخفيض و ليس الاكتظاظ ، من بكري و الكازيرات قلال ؛ التخفيض جاء لدواعي سياسية وليست مالية كما قلت
سياستك الانهزامية لا يمكنك ان تصدرها لهاذا الجيل

[just do it]

المشاركة الأصلية كتبت بواسطة karimjsp

المدة نقصوها لان في هذاك الوقت جاء مترشح للرئاسيات و التقى الشباب و قالولو على افكارهم و مطالبهم ، فالدولة خافت من هذا المترشح و راحت سبقتو للتخفيض و ليس الاكتظاظ ، من بكري و الكازيرات قلال ؛ التخفيض جاء لدواعي سياسية وليست مالية كما قلت
سياستك الانهزامية لا يمكنك ان تصدرها لهاذا الجيل

هههه
علاه راكم تغلطو فالشعب
المدة تنقصت ف 2014 وياخويا وش من رئاسيات الي راك تحكي عليها فهاذ الوقت كن منطقي شوية
غادي تقولي القرار صودق عليه قبلا وانا نقولك بلي مراكش مخابرات والسياسة تع الجزائر متقدلها لا نت لا انا
اما عن قولك سياسة انهزامية فلا ادري ماذا تقصد بهذا المصطلح الذي تتهمني به
اما انا فساقول لك من هو الا نهزامي
هو ذلك الشخص الي يريح في دارهم كليوم هامل فالنت يحوس على العفاء ويصنت لراديو طريطوار ويمضي من سن 22 سنة الى 30 سنة عايش ف قلق وخوف في حين كان يمك له ان يضحي بعام ويتهنا
النهزامي هو الي راه قاعد بطال في حين انو لوكان مشا يفوتها يتهنا منها و يزيد يخلص خير من لانام
الانهزامي هم اكثر الشباب الي راه عاد يامن بالتوظيف وخاصة خدعة الادماج ويجري مع الملفات
انا كنت نقرا وكنت ماجور د برومو بصح رغم هذا جامي تكلت على الدولة كي وصلت ثالثة جامعي بديت نسطر اهدافي الخاصة واقصد نسطر لانو كلشي ورقة وستيلو جربوها المهم جامي نتكل على الدولة عندي مشاريع والخدمة العسكرية عائق كبير لذلك نحيه ومتصنتش لغيري فهذا الباب لانو يبلوكنيني وكيما راني مسمي روحي just do it اي افعلها وحسب مراك نت الاول مراك نت التالي
السياية الانهزامية الي راك تحكي عليها افدتنا نت بسياستك العبقرية لاني انا
اولا جامعي
ثانيا منحي الخدمة العسكرية من طريق وفي سن صغير نسبيا مش كيما الي كانو معايا كبار علي ب 5 سنوات
ثالثا محقق مشروعي الخاص وعندي سيارة والحمد لله وقريب نشري ارض نشالله رغم اني في بلدة تقريبا نائية لوكن راني فالمدينة حاجة اخرى
ثالثا ولله الحمد نجحت فمسابقة توظيف الاساتذة واكثركم بالاك قع مشاركش لانو ميملكش العسكر وحتى لشارك وربح راه حاصل درك كيش يدير
رابعا مروهمش يلعبو بيا فلي ريجيون كل يوم طالع هاود
كي نشوف لي جندارم نورمال مش نتبكش ومتقوليش راك حر لانو كي يجيهم امر بالبحث عن روشارش يهدرو انا قبل منفوتها مكنتش رافد سورسي نصف ساعة وهما حاكميني

هذي بعض الايجابيات وبدون فخر فان كان هذا هو المعنى تع السياسة الانهزامية عندك فشكرا على الاطراء
وفي الاخير . قل لن يصيبنا الا ما كتب الله لنا , وانت وقع الي راهم يشجعو باه تكون عاصي والله العظيم لوكان ربي راه مكتبهالك غي تفوتها ونت تضحك وال ربي مكتبهالكش لوكان تكون الف عاصي متفوتهاش هذي عقيدتنا فان لم تؤمن بها فذلط امر اخر

[just do it]

يبدو ان قصتي لم تقرا بموضوعية لاني كي قلت راي رايي لا يلزم غيري من كان عندو راي افضل ونتيجة مضمونة فليتفضل مشي نبقاو غي نكذبو على روحنا كيما تفضل الاخ وقال مسيرة من اجل الغاء خ ع وان كان مطلب بعيد المنال لكنه ممكن نسبيا
ارجو ان تفهمو امرا واحد هو اني لا اشجع على ادائها انا اشجع على تسوية الوضعية وخاصة خاصة بالنسبة لصغيري السن
هه هاهو حتى الزواج وردوه بالاعفاء
ربي يوفق الجميع

[جمعي البشاري]

لي ضد الفكرة يعطينا حلول واقعية -((((- عايشين في حكم عسكري + 70 % شعب جاهل )))
ولازم نحوا من راسنا المقارنة بالغير ..يعني كل واحد يضع هدفه على حسب قدرته
++++++
العمر قصير والوقت لايرحم وما أجمل القلوب الطيبة
‫#‏تصبحون‬ علی خير

[khalil16]

المشاركة الأصلية كتبت بواسطة جمعي البشاري

لي ضد الفكرة يعطينا حلول واقعية -((((- عايشين في حكم عسكري + 70 % شعب جاهل )))
ولازم نحوا من راسنا المقارنة بالغير ..يعني كل واحد يضع هدفه على حسب قدرته
++++++
العمر قصير والوقت لايرحم وما أجمل القلوب الطيبة
#‏تصبحون علی خير

أخي الكريم لا أظن أن هناك جزائري بكل قواه العقلية يريد تأديتها ....
فما يخص الحلول للأسف نحن ننتظر حلول من الذين خلقو لنا هذا المشكل "الدولة"...لكن يجب علينا نحن ايجاد حلول لتفعيلها

ربما يجب علينا أن:
نقوم تحضير الشباب عبر الانترنت لقيام بمظاهرة عبر كل تراب الوطني على الاقل خطوة اولى...ثم بعد ذلك توعية الشباب على هجر مراكز التسجيل
لاصال صوتنا ...ثم القليل من هذا وقليل من ذلك ربما ياتي الفرج