موضوع مميز الطفولة والاطفال واسئلة الامهات - الصفحة 17

lyna2007 · 2012-02-28, 20:51

اقتباس:

المشاركة الأصلية كتبت بواسطة vava033

شكرا حبيبتي على ردك ظننت انك نسيتني ساعمل بنصيحتك

اختي لم انساك
واعلمي انني دائما اتسال عن احوال كل الاطفال الذين طرحت امهاتهم اسئلة في موضوعي ونتمنى نسمع بانهم بخير

دمتي وفية اختي الكريمة

ام امجد14 · 2012-02-28, 21:10

السلام عليم اختى الغلية لينة وان شاء الله تكون بخير
والحمد لله رانى متابعتك دائما والله دائما نستفيد
حبيت نسالك بنتى الصغيرة و عمرها 12 مارس تكمل 5 شهور وانا نرضهها كما تعلمين الرضاعة المختلطة يعنى نعاون فيها لانى حليبى قليل
فجاة امتنعت عن اخذ الببرو وتطلب فقط حليب منى وانا نحس انها ما تشبع لانها تكاد طول اليوم ترضع وقل نومها بعدما كانت كثيرة النوم وغيرتلها انواع الحليب بدون فائدة
لكن عندما درتلها لحطة من نوع نسبراى رضعتها
فماذا افعل ومشكووووووورة

lyna2007 · 2012-02-28, 21:27

اقتباس:

المشاركة الأصلية كتبت بواسطة ام امجد14

السلام عليم اختى الغلية لينة وان شاء الله تكون بخير
والحمد لله رانى متابعتك دائما والله دائما نستفيد
حبيت نسالك بنتى الصغيرة و عمرها 12 مارس تكمل 5 شهور وانا نرضهها كما تعلمين الرضاعة المختلطة يعنى نعاون فيها لانى حليبى قليل
فجاة امتنعت عن اخذ الببرو وتطلب فقط حليب منى وانا نحس انها ما تشبع لانها تكاد طول اليوم ترضع وقل نومها بعدما كانت كثيرة النوم وغيرتلها انواع الحليب بدون فائدة
لكن عندما درتلها لحطة من نوع نسبراى رضعتها
فماذا افعل ومشكووووووورة

سبحان الله انا كتبت لك باش نعرف احوالك في موضوعك وفي نفس الوقت راكي كتبتي سؤالك

ههه القلوب على بعضيها كيما يقولو المصرين
اختي بالنسبة للحليب لا يمكن تعويضه بحليب نيسلي فهو ليس له نفس تركيبة حليب الرضع هو موجه للكبار
اما الصغار فيحتاجون الى حليب خاص بهم لانه هو مصدر اكلهم الوحيد وبالتالي تراعى فيه عدة مقاييس عالمية لتضمن للطفل تغذية صحية كاملة وقريبة نوعا ما من حليب الام .

وبالتالي حليب الكبار ناقص كثير في تلركيبته بمقارنته مع حليب الرضع.

في بعض الفترات يمتنع الاطفال عن البيبرون عند الالم مثل المرض او الم الاسنان لانهم يستعملون الثدي كاداة لانقاص الام ويحسون باكثر حنان و امان مع امهم رغم انهم لا يشبعون .
لازم تعاودي تحاولي تمديلها الحليب ديالها الاول حاولي وكرري المحاولة وان شاء الله تقبل ترضعوا

ام امجد14 · 2012-02-28, 21:37

شكرا أختي فعلا لاحظت بروز الاسنان عليها شكرا الف مرة دمتي لنا أخت وفية وجعل نصائحك في ميزان حسناتك.

حب ربي*ملأ قلبي · 2012-03-02, 12:00

السﻻم عليكم خيتي لينا
بنتي الآن عندها 7 أشهر وزنها بدا ينقص مع بروز السن الأول
راني نوكل فيها ﻻبﻻمين و خضرة حتى وبدات تكرهها هاذ النهارات مانديرلها فيها حتى حاجة
ساعات نوكلها روز و نعطيها بوتي سويس و فاكهة أحيانا واش رايك واش نزيدها ؟مع العلم راني مش منتظمة فيهم وتاكل كميات قليلة
*شفت صديقاتي يعطوا لوﻻدهم قاطو واش رايك نعطيهولها وﻻ ﻻ ؟
كاين بيمو كاسكروت و كاين بيمو تاع الــأشكال خاص باﻷطفال واش رايك
و إذا عندك نوع مليح قوليلي

lyna2007 · 2012-03-03, 09:08

اقتباس:

المشاركة الأصلية كتبت بواسطة حب ربي*ملأ قلبي

السﻻم عليكم خيتي لينا
بنتي الآن عندها 7 أشهر وزنها بدا ينقص مع بروز السن الأول
راني نوكل فيها ﻻبﻻمين و خضرة حتى وبدات تكرهها هاذ النهارات مانديرلها فيها حتى حاجة
ساعات نوكلها روز و نعطيها بوتي سويس و فاكهة أحيانا واش رايك واش نزيدها ؟مع العلم راني مش منتظمة فيهم وتاكل كميات قليلة
*شفت صديقاتي يعطوا لوﻻدهم قاطو واش رايك نعطيهولها وﻻ ﻻ ؟
كاين بيمو كاسكروت و كاين بيمو تاع الــأشكال خاص باﻷطفال واش رايك
و إذا عندك نوع مليح قوليلي

السلام عليكم اختي الكريمة

هناك اطفال تبدى بروز الاسنان عندهم في وقت مبكر في 4 اشهر واخرون في 5 او 6 اشهر وهناك من لا تبرز لديهم الاسنان الى غاية 12 شهر .
وبالتالي من الاحسن الطعام يكون يتناسب مع بروز الاسنان
يعني قد تكون بنت صديقتك بدات تسنن مبكرا وبالتالي لما تعطيه البسكوي تقدر تقطعوا على الاقل باسنانها وما تبلعوش مباشرة وهذا يشكل خطر على الرضيع .

كل طفل وطريقة نموه تختلف حتى بين الاخوة .
بالنسبة لبنتك راني تحدثت على هذه المرحلة في الصفحة 6 من هذا الموضوع .
بالنسبة للبيسكوي
هناك بيسكوي على شكل اصابع خاص بالاطفال اظن هو من بليدينا وثمنه 250 دج على ما أضن وهو خاص بالاطفال لانه احرش قليلا يعني الاطفال يساعدهم في حك اللثة وفي نفس الوقت يذوب في الفم يعني بمجرد تشمخ بلعابها سيذوب ولا يحتاج للمضغ هكذا تضمني انها ما يحصلش عند الابتلاع .

لما تعطيلها اعطيها في البداية نصف حبة فقط وراقبيها واعطيها الماء .

من المفضل تعطيها ايضا البيسكوي من نوع كاسكروت في
الحليب وهذا لانه قليل السكر اما بيمو حلو كثيرا وكما تعلمين يجب الابتعاد عن كل ما هو حلو قبل سن 1سنة .

ايضا يمكنك اعطاءها قطعة خبز مع البقاء معها لانه قد تبتلع كمية كبيرة
وبالتالي راقبيها اذا كانت القطعة كبيرة بمجرد ان تبللها بلعابها انزعيها من فمها حتى لا تبلعها .
اما اذا كانت القطعة صغيرة جدا فاتركيها تاكلها عادي
بالنسبة لاكل من الاحسن تكوني منتظمة في وقت واحد هكذا بنتك ينتظم وقتها وتنام في الوقت .
العصيدة يمكن تغيري فيها يعني تارة ديري الخضر كامل تارة البطاطا وحدها تارة الجزر وحدوا وهكذا بنتك ما تكرهش

حب ربي*ملأ قلبي · 2012-03-03, 09:42

وعليكم السلام خيتي
راني رجعت للصفحة 6
و حفظت المعلومات حبيت نسقسيك على البسكويت معليش نعطيهولها كل يوم كوجبة بالحليب ولا تمصو برك ؟
ربي يخليلك بنيتك و ما يحرمناش نصايحك القيمة

lyna2007 · 2012-03-03, 13:21

البيسكوي او قطعة الخبز الفائدة منه هو تحك اللثة بيه وبذلك تساعد الاسنان عند البروز وليس بالضرورة ان ياكلها ليشبع .

اما اذا كنت تتحدثي عن البيسكوي الي نشمخوه بالحليب ونمدوه كوجبة في الصباح او في المساء le gouter
فهذا حسب حاجة بنتك يعني اذا كانت تستيقض في الصباح ترضع مبكرا مثلا علىالساعة 7.30 او 8 سا هنا ستجوع على الساعة 9ا.30 او 10 سا .
وبالتالي يمكنك ان تعطيها البيسكوي بالحليب او خبز بالحليب بكميات صغيرة لانها مازالت صغيرة وتزيدي في الكمية حسب حاجاتها.
كذلك بالنسبة ل المساء يمكن ان تعوض لابلامين بالبيسكوي في الحليب .
ملاحظة لا تستعملي حليب البقر اللي نشربوه بل يجب ان تحضريه بحليب الاطفال .
ويجب ان تنوعي الوجبات ان تحضري لها عصير الفواكه خاصة البرتقال مع اضافة الماء ودون اضافة السكر او تطهي لها التفاح كومبوت وكذلك petit suisse على اقل 2 يوميا في المساء .
لكن كل هذا لازم يكون بالتدريج وبانتظام حتى تتعود على نظام غذائي كامل .

وعندي سؤال اذا راكي تحضري لها الخضر وهل تاكلها ؟
واذا كان ممكن اعطيني نظام اللي راكي تعتمديه الان يعني منذ استيقاضها في الصباح .
وماذا تقصدين انها ناقصة في الوزن هل وزنتيها وكم وزنها الان ؟

سمية .ب · 2012-03-03, 15:10

السلام عليكم و رحمة الله
الله يعطيك العافية اختي على المجهود الذي تبذلينه
جزاك الله كل خير

حب ربي*ملأ قلبي · 2012-03-03, 18:49

اقتباس:

المشاركة الأصلية كتبت بواسطة lyna2007

البيسكوي او قطعة الخبز الفائدة منه هو تحك اللثة بيه وبذلك تساعد الاسنان عند البروز وليس بالضرورة ان ياكلها ليشبع .

اما اذا كنت تتحدثي عن البيسكوي الي نشمخوه بالحليب ونمدوه كوجبة في الصباح او في المساء le gouter
فهذا حسب حاجة بنتك يعني اذا كانت تستيقض في الصباح ترضع مبكرا مثلا علىالساعة 7.30 او 8 سا هنا ستجوع على الساعة 9ا.30 او 10 سا .
وبالتالي يمكنك ان تعطيها البيسكوي بالحليب او خبز بالحليب بكميات صغيرة لانها مازالت صغيرة وتزيدي في الكمية حسب حاجاتها.
كذلك بالنسبة ل المساء يمكن ان تعوض لابلامين بالبيسكوي في الحليب .
ملاحظة لا تستعملي حليب البقر اللي نشربوه بل يجب ان تحضريه بحليب الاطفال .
ويجب ان تنوعي الوجبات ان تحضري لها عصير الفواكه خاصة البرتقال مع اضافة الماء ودون اضافة السكر او تطهي لها التفاح كومبوت وكذلك petit suisse على اقل 2 يوميا في المساء .
لكن كل هذا لازم يكون بالتدريج وبانتظام حتى تتعود على نظام غذائي كامل .

وعندي سؤال اذا راكي تحضري لها الخضر وهل تاكلها ؟
واذا كان ممكن اعطيني نظام اللي راكي تعتمديه الان يعني منذ استيقاضها في الصباح .
وماذا تقصدين انها ناقصة في الوزن هل وزنتيها وكم وزنها الان ؟

هي ترضع فالليل حتى للصباح ترقد و تنوض ترضع عادة تنوض على 10 نعطيها 2 petit suisseأ كومبوت تفاح
مع 12 نعطيها الخضر كانت تحبها و ضرك شوية تاكل شوي برك ونرضعها ترقد ساعة أو نص ساعة و ماتخلينيش نرقد
لعشية إما petit suisse أو كومبوت أو بنانة مرحية و على 8 لابلامين وساعات نديرلها الخضرة فالليل و لابلامين فالنهار و كي تعود رايحة ترقد عادة على 11 نعطيه 90 ملل حليب باش نعاون روحي ولا تيزانة
و تنوضلي فالليل 4 مرات أو أكثر لا وزنها كان منتظم من اللي زادت خاطر كنت نوزنها عند الطبيب و ضرك ما وزنتهاش بصح اللي يشوفها يقولي راها نقصت بصح كيما قتلك من يوم اللي بدات تخرج فيه السنة
هذا أغلب حاجة ندير فيها مع بعض التغييرات مرات واش رايك ؟

أم ياسين الزهراء · 2012-03-07, 15:24

اختي بنتي ملي زادت وهي تقلز ( 3 نقط على القاف ) وصدقيني كرهت ومليت ونضل نبدللها في القش اذا كاين حل قوليلي

وعمرها 4 اشهر ونصف وبديت نديرلها الفرينة في البيبرو قلت تثقال المعدة انتاعها بصح راني نشوف كلش كيما كانت

lyna2007 · 2012-03-07, 19:30

اقتباس:

المشاركة الأصلية كتبت بواسطة أم ياسين الزهراء

اختي بنتي ملي زادت وهي تقلز ( 3 نقط على القاف ) وصدقيني كرهت ومليت ونضل نبدللها في القش اذا كاين حل قوليلي

وعمرها 4 اشهر ونصف وبديت نديرلها الفرينة في البيبرو قلت تثقال المعدة انتاعها بصح راني نشوف كلش كيما كانت

اختي ام ياسين

ماذا تقصدين تقلز هل تقصدين ان لها اسهال دائم ام ماذا

lyna2007 · 2012-03-07, 23:15

اقتباس:

المشاركة الأصلية كتبت بواسطة حب ربي*ملأ قلبي

هي ترضع فالليل حتى للصباح ترقد و تنوض ترضع عادة تنوض على 10 نعطيها 2 petit suisseأ كومبوت تفاح
مع 12 نعطيها الخضر كانت تحبها و ضرك شوية تاكل شوي برك ونرضعها ترقد ساعة أو نص ساعة و ماتخلينيش نرقد
لعشية إما petit suisse أو كومبوت أو بنانة مرحية و على 8 لابلامين وساعات نديرلها الخضرة فالليل و لابلامين فالنهار و كي تعود رايحة ترقد عادة على 11 نعطيه 90 ملل حليب باش نعاون روحي ولا تيزانة
و تنوضلي فالليل 4 مرات أو أكثر لا وزنها كان منتظم من اللي زادت خاطر كنت نوزنها عند الطبيب و ضرك ما وزنتهاش بصح اللي يشوفها يقولي راها نقصت بصح كيما قتلك من يوم اللي بدات تخرج فيه السنة
هذا أغلب حاجة ندير فيها مع بعض التغييرات مرات واش رايك ؟

السلام عليكم اختي الكريمة

بالنسبة للخصر معليش ما تاكولش كميات كبيرة المهم حاولي تحضريها لها يوميا بطرق مختلفة مثلما قلت لك سابقا يعني غيري الخضر او ديري كل خضرة وحدها باش ما تكرهش منها
ويكفيها بعض الملاعق فقط.
افضل ان تعطيها الخضر دائما في اوقات الغذاء والعشاء
وتعطيها لابلامين في المساء فقط .
ابتداءا من الشهر التاسع ابدئ باعطائها الشعيرات (الفيرميسال). انظري ص 6 .
اما مسالو عدم النوم راجعة لامرين الجوع والاسنان .
بالتالي راقبي اذا كان عندك الكميات الكافية لارضاعها من الثدي والا لازم تزيديلها الرضاعة البيبرون ضروري لان الرضيع في هذا العمر من المفرو ض ينام اكثر من هذا .

اذن على الساعة 10 صباحا لما تفطن اعطيها البيسكوي بالحليب او الخبز المبلل بالحليب ايضا مليح .

على 12 اعطيها شوي خصر + 2 petit suisses + ديسير او عصير هكذا تشبع شوي وما تفطنش تم تم .

ثم عادي رضعيها واذا شفتي انها لا تريد النوم يعني تمص وتزيد في صدرك يعني ماعندكش حليب كافي لازم تزدي لها البيبرون .

واذا اعطيتيلها كما سبق ورغم ذلك تفطن بسرعة يعني الالم تع الاسنان هو السبب وعليه لازم ديريلها شمعة تع دوليبران قبل ماتنام في الضهيرة
وفي الليل ديريلها ايضا واحدة وهذا في الفترة اللي تشوفي اللثة ديالها حمراء ومنتفخة وتشوفي بنتك تتالم منذلك لازم تمديلها الشميعات لتخفيف الالم .

كذلك ما يؤكد فرضية نقص الحليب عندك وعدم اشباع بنتك هو نهوضها في الليل 4 مرات لانها تجوع لازم تزيدي لها البيبرون اضافة للرضاعة الطبيعية وايضا ديريلها الشميعات المناسبة لوزنها في الفترة التي فهمتك عليها .
ما تتخلايش على الرضاعة الطبيعية فقط ضفي لها البيبرون حتى تشبع خاصة في اللليل .

لان الرضيع اللي ينهض 4 مرات في الليل في هذا السن مش عادي اكيد ما يشبعش ضف الى ذلك الالام تع الاسنان لكن الجوع هو السبب الغالب .

هذا بصفة عامة
اذا عندك اسئلة اخرى يمكنك طرحها .

وانا اود ان توضحي لي طريقة تحضيرك لي لابلامين .
وهل نظام تع نومها يساعدك يعني ترقد على 11 وتنهض على 10 هل هذا مساعدك .
لانني اظن انه من المفروض تنام قبل هذا الوقت احسن .

حب ربي*ملأ قلبي · 2012-03-08, 10:25

وعليكم السلام اختي
لا أختي مشكل بنتي نعرفو ممكن من فقدان الشهية أو أنها ماتتحملش كميات كبيرة من الأكل يعني باش نديرلها
على 12 اعطيها شوي خصر + 2 petit suisses + ديسير او عصير هكذا تشبع شوي وما تفطنش تم تم .
متأكدة متاكلهمش كامل و الرضاعة دايرتلها الإصطناعي نشربها بيبرون فالليل قبل ما ترقد غالبا 90 ملل و ما تكملهاش و ترقد
أما على حليبي أنا فهي بمجرد ماتمسك الثدي إذا كثرت ترضع 5 د إلى 10 دقايق و تتركني و ترقد تقدري تقولي تعودت تمسك الثدي فقط فالليل
مانكذبش عليك راني بديت نطبق في نصايحك عدت نحطها في فراشها على 10 و ترقد بكري و عادت تنوض على 9
لكن مش دايما بحكم راني ساكنة في بيت عجوزتي... بناتها كي يجونا يطولوا ما يروحوا و هاك يخلطولي البرنامج تاعها يستمى يوم بعد يوم
أما لابلامين راني نديرلها ضرك في بليدينا نديرهالها فالليل نعطيها نصف الكمية المفروضة و بسيف تكملهالي

أم ياسين الزهراء · 2012-03-08, 13:38

اقتباس:

المشاركة الأصلية كتبت بواسطة lyna2007

اختي ام ياسين

ماذا تقصدين تقلز هل تقصدين ان لها اسهال دائم ام ماذا

لا لا اختي معناها ترد الحليب وماشي القيء