طبخ الأعراس

[kenza ramma]

حقا التقاليد تختلف من منطقة لأخرى

[la fleur algérienne]

السلام عليكم ورحمة الله وبركاته وشكرا على هاد الموضوع المميز اختي روح مراد وكل اﻻخوات على اﻻفادة وبالنسبة لنا حنا في اﻻغواط كونا نديرو الطعام (الكسكس) واللحم والبيض واﻻن رانا نديرو الحريرة فريك او التشيشة باللحم غنمي دي مرصو صغار ونديرو المثوم مع الشنبينيو وبوناريين والحميص و طاجين الحلو والسﻻطة والبوراك والقازوز او الجي مع لي صالي ولي يحب يدير المصور مع السفة مع العسل والدهان والشربة فريك والسﻻطة وكل واحد ومقدورو وراني حابة نعرف خاصة من طريقة التقديم الجديدة كامل والدكور الجديد المتداول في مختلف لي صال دي فيت وخاصة اريد الجديد وارجوكم اريد المقادير المضبوطة لكل طبق للكميات الكبيرة وخاصة أريد عبر تاع بونارين في الكيكوت ومدة طيابو الي يدروه في لعراس ومادابيكم لوكان تمدوهلنا مع الصور والله محتارة و محتاجة كمية تاع 200 شخص وحابة لوكان تقولونا على كل المقادير والجديد وطريقة التقديم و وش رايكم لوكان نقدمو لي مورصو تاع لحم في الألمنيوم ولكل واحد مورصو تاعو او فكرة جديدة ساعدوني في اقرب وقت ارجوكم قبل عشر ايام عندي عرس وراني حاصة في العبر واجركم على الله

[روح مراد]

صباح النور أخواتي هذه الأيام كان عندي مشكل في الأنترنت على هاذيك اللي ما قدرتش ندخل و من قبل كنت في عطلة قصيرة
أختي اللي من الأغواط أولا هذا بونارين أنا ما نعرفوش واش هو
ثانيا طريق تقديمكم و تقديمنا مختلفة تماما حتى الأطباق مختلفة
ثالثا قاعة الحفلات هي المستكلفة بالترتيب و التقديم
أحنا أعراسنا نديرو فيها الشربة فريك و كسكس باللحم و سلاطة و المشروبات و الفاكية و التقديم يكون بسيط سوبيار فيها شربة و أخرى فيها مرقة الكسكس و أمام كل كرسي صحن للكسكس و داخلو بول نتاع الشربة و شوكة و ملعقة و الكسكس نقدموه في صحن كبير و سلاطة في صحون صغيرة و الفاكية كل واحد يحطولو قدامو مع اللحم
الأخت اللي طلبت عدد الليترات في القزان نهار تكوني قاعدة كيلي بالعقل و أحسبي
اللحم كاين اللي يقدمو عادي و كاين بزاف اللي يقدموه في أكياس ورقية

[la fleur algérienne]

شكرا ليك اختي روح مراد
حبيت نسقسيك سؤال وحدوخر
على طاجين حلو شحال من كيلو برقوق وزبيب وسكر نديروه لكمية 200 شخص راه عندي عرس قريب وراني محتارة جاوبيني ختي وشرايك في قوليلي على طرق التقديم الجديدة ندير لبابا ولا لبسبوسة ف لمول تاع سيليكون
وتاني البوراك شحال نحتاج لحم مرحي تاني 200 شخص
وربي يحفظك ختي ويجعلها في ميزان حسناتك

[كيل را ام]

بارك الله فيك

[الجلفاوية بشرى]

ارجوكم الرد على المداخلات يحراير الجزاير وافادتنا الموضوع جد مهم وين راك يااخت روح مراد

[omyouness]

chokran 3la wasfa

[ام محمدالحسن]

شكرا على هدا الموضوعععععععععععععععععععععععععععععععععععععععععععع عععع

[روح مراد]

أخواتي العزيزات مارانيش طباخة محترفة و لكن فقط لحبي للطبخ نحب نعرف كل شيء و نحوس دسما على الطريقة البسيطة و المضمونة
و سبق و ديت لكم طريقتي في العبر و نزيد نعاود نشرحها
للأخت اللي سقسات على البوراك تشري مثلا 200غ لحم مرحي و شوفي شحال من حبة بوراك تخرجلك و تضاعفي الكمية حسب المطلوب
نقولو مثال 200غ لحم مرحي يخرج 10 حبات بوراك (مثال فقط) 200 حبة بورك لازم لها 4كلغ لحم مرحي المهم قبل العرس جربي كمية قليلة و شوفي نفس الشي بالنسبة للحلو تشري كميات صغيرة و طيبيها و عمري طباسة و شوفي المطلوب
و نفس القياس بالنسبة للكسكس و الشربة لازم قبل العرس نجربو كل شيء و نكيلو كل شيء باش نعرفو

[sarah_97]

ممكن مقادير شطيطحة دجاج لوليمة 200-250 شخص

[روح مراد]

أختي سارة رانا نقولو لازم التجربة دجاجة شحال من عبد يقدر ياكل منها الأجزاء الملاح 7 أو 8 اشخاص و ديري حسابك من بعد و نفس الشيء مع الحمص مثلا مع دجاجة شحال من كاس حمص و شحال من طماطم و الثوم و طلعي الحساب في الأخير الأمر يتعب شوية بالصح النتيجة مضمونة

[ام رضوان]

بارك الله فيك على المعلومات.

[روح مراد]

و فيكن بركة أخواتي العزيزات
كل وحدة فيكم تقدر فيدنا و لو بأقل شيء و كل وحدة عندها أفكار و عندها طرق للطبخ تقدر تشاركنا معاها و مهما كانت الفكرة رايحة تزيد رصيد لمعلوماتنا

[nadjibazed]

جزاكن الله خيرا هذه مدة كبيرة و انا نحوس علئ المعلومات هذه

[nadjibazed]

اسال الله ان يرزقك من حيث لا تتحسبي و يرضئ عنك