الطبعة العاشرة لدورة الرقي بمدبرة منزل مثالية - الصفحة 12

~ حراير ~ · 2012-11-21, 15:51

السلام عليكم و رحمة الله تعالى و بركاته
هاد مش الفرحة كي عرفناها هادو للرحة بناس سيدي بلعباس

والله يا فطومة و يا مينة كي ما قدرتلهاش و ما قدرتش انطيحها امبارح و أنا انخمم قلت كل يوم نكتبلها بلاد من الغرب أيا و أنا نشوف في الأنترنت على مدن الغرب لقيت صور تهبل تاع بلعباس و لقيت ثانيتك صور عين تيموشنت قلت اليوم انقولها عليهم l]
راهي واحد الوحيدة مينة حتى راجلها قتلها نقلك وش يخدم راحت رجعت على راجلي هيهيهيه كون مقاري جاباتو راني راح انموت بالضحك كي قالتلي ميقري هيهيهييه قوليلي يا مينة وش قريتي تعيشي باين عليك قريتي في المدرسة العليا للإدارة راكي تعرفي كيفاش تهربي من الأسئلة

راني امبعد نكتب تطبيقاتي راني خارجة مع أريج درك نديرلها نواظر راهي ناقصة في الشوفة
حق سعاد راني طيبت حوت امبعد نحكيلك
بنت اخليل والله غير توحشت كلامك طولتي علينا بزاف ربي يحفظك حبوبتي
فطومة هادي ليك

حق يا مينة وعلاش ما رحتيش لهمزة وصل راني وضعت الرابط انتاعها و هناك تسألي المعلمين أنا والله ما شفتو سؤالك لكن لما انجي راني نضرب طلة و نجاوبك يا البلعباسية

نافلة · 2012-11-21, 16:37

نكمل :الغداء نتاع اليوم طيبتو البارح في الليل الي هو اللوبيا البيضاء و طريقتي في الطبخ راها مثل طريقة العباسية وطريقة طياب الغداء في الليل راه مخرجتني .
بنتي كان عندها البارح فرض في اللغة و اليوم في الرياضيات راني نستناها تروح شوية و نبدا معاها .

اختي اريج المسك شكرا لكي على البوكي نتاع الورد مع قبلاتي و ربي يشافي لك الصغيرة اريج .
اختي بنت خليل راني حطيت واح الغوسات نتاع البشرة طبقيها الا ما نفعتش ما تضرش و ربي يشافيك.
يتبع....

نبض الفؤاد · 2012-11-21, 16:44

السلام عليكم ورحمة الله وبركاته
راني رجعت ليكم وتوحشتكم ، انا اللي ماسقسيتوش عليا صحيتو وانا نخمم عليكم يا حباباتي .....وشراااااااااااااااكم ؟
قريب طرطقلي عرق الله يبعد عليكم النت كانت مقطوعة وانا نخدم شغلي وليت كالمودرة ، ضحكوا اولادي وقالوا اهاه وليتي مدمنة يا ماما...
صحيت يا فطووم حليتينا اللغز ..ويا ليليتا اضحك الله سنك ويحفظلك الوليدات .........يا ودي واش صرا فيا البارح بعد انتهائي من الشغل تكيت شوية ماكانش نصف ساعة والله ما قدرت ننوض من ظهري تحل على زوج وليت نعيط ونقول واش درتي فينا يا سندس الله يحفظها

نافلة · 2012-11-21, 16:56

اختي وفاء سعاد يعطيك الصحة على التحدي نتاع الرجيم و الطرق اللي راكي دري فيهم .انا تاني راني حبة نقص من وزني راني نتبع في الحديث الي يقول :
(نحن قوم لا ناكل حتى نجوع و اذا اكلنا فلا نشبع )
صدق رسول الله صلى الله عليه و سلم
اختي اتزمي ربي يقبل منك الصيام و يثبتلك الاجر
عقبالي انا ثاني نصوم و نكمل .

نافلة · 2012-11-21, 17:45

اختي ام مريم الجزائرية راكي في القلب عزيزتي و الحمد لله علي سلامة الاولاد.
اختي سمراء النيل راكي شاعرة و حنا لا خبر يارت ترجعيلنا موضوع واش طيبتي اليومفي اقرب وقت.
اخواتي ام امجد . نبض الفؤاد .شريلتي . ام ملاك .
ليلي غوز كيراكم دايرين حباباتي.
اختي سندس وين راكي هاذي غيبة ان شاء الله يكون المانع خير راكي حيرتيني عليك بزاف.

نافلة · 2012-11-21, 18:03

دركا نروح لمينة ما ادراك ما مينة راني خليتك في الاخير باش نعاقبك على ما درتيه فينا و ما زال ما نقولك كيفاه حكمتك حتى نعذبك شوية

نبض الفؤاد · 2012-11-21, 19:25

تطبيقي ليوم الاثنين:

الجانب الديني :الحمد لله الصلاة في وقتها ،الاذكار، الصيام وقراءة الورد اليومي وصلت لسورة المائدة الاية 81.
الجانب التربوي :راجعت لولدي الصغير السنة الثالثةرياضيات وفرنسية والبنات يقدرو يعتمدو على رواحهم وعندهم دروس خصوصية في المواد الاساسية (رياضيات وفيزياء) ومن طبيعتي نخليهم يعتمدو رواحهم منذالسنة التاسعة اساسي ولا الرابعة متوسط. ربي يحفظ اولادنا اجمعين
وصفت الاخت المنتدى باللي ثقيل" لولا اريج المسك وشطحاتها عفوا لااقصد بهذا الرقص ولكن اعني عفويتها وحيويتها الله يحفظها " واش نقولك هذا ما حلبت بقرتنا.....
الجانب الجمالي عادي فرش الاسنان وترطيب للايدىوالارجل وتوربيون نتاع بكري.
الجانب التنظيفي: تكملة التخمال غرفة النوم الرئيسية كيما خبرتكم الحوايج هما اللي يخلعوني خملت حوايج الصيف في علب كبيرة واديتها لمكان مخصص فوق البلاكار في بيت القعاد ومسحت الغبرة ومسحت القاعة اه وغيرت التلاقي للخزانة موديل جديدوشباب خدمتو اختي كي نقدر نصورهم لكم . مع الصيام الدعوة جاتني صعيبة بنتي الكبيرة طمعت فيها دارتلي الفطور بويون ولحم الحلو وكسكس بالكابويا

نافلة · 2012-11-21, 19:50

كيراكي اختي نبض الفؤاد صح فطورك و الله يقبل ان شاء الله و ربي يخليلك بنيتك لبنات ملاح تلقايهم وقت الشدة كيما تقول امي الله يذكرها بخير ان شاء الله دوك تكملي الصيام و تسترجعي نشاطك اكثر.

sondse1 · 2012-11-21, 19:50

اسعد الله مسائكن حبيباتي
توحشتكم بزااااااااااااف
ربي يخليكم على السؤال عليا
اسمحولي كنت مريضة في حالة
غير ليوم اللي بديت شوي نتحسن و كي قدرت نوض من الفراش وليت قلت نضرب عليكم طلة
ماشاء الله عليكم راكم قايمين
انا من يوم الاحد ما مسيت والو لاني دخلت للسبيطار يومين و خرجت ليوم برك و ملي جيت وانا في الفراش
وراهي ضايقة روحي بزاف لو كان مانيش نقرا في القران و الاذكار كان كشما صرا بيا
ومام لاتيليفيزيون ماعندي حاجة فيه و مانتبع والو فيه يعني مالقيت ما ندير والطبيب قالي راحة تااااااااااااااااامة يعني ماني ندير في والو
المهم ربي يشفيني في اقرب وقت باه نرجع لحياتي العادية و لمتكم لحلوة لاني مالويتش هذا الجو اللي راني فيه

تحياتي للجميع
مع حبي

نافلة · 2012-11-21, 20:36

على سلامتك و طهور ان شاء الله يا سندس يا حبيبتي ولله توحشناك و خليتي بلاصتك نقولك حاجة اكيد هذاك التعب راه ولا عليك راكي اجهدتي نفسك الاونة الاخيرة بزاف حافظي على روحك وخدمي غير بالشوية ان شاء الله تتحسني و تولينا ناشطة كي عوايدك و نزيد نقولك هاذيك الضيقة من العين المؤمن مصاب الحمد لله لي راكي شادة في مولانا .

نافلة · 2012-11-21, 20:39

على سلامتك و طهور ان شاء الله يا سندس يا حبيبتي ولله توحشناك و خليتي بلاصتك نقولك حاجة اكيد هذاك التعب راه ولا عليك راكي اجهدتي نفسك الاونة الاخيرة بزاف حافظي على روحك وخدمي غير بالشوية ان شاء الله تتحسني و تولينا ناشطة كي عوايدك و نزيد نقولك هاذيك الضيقة من العين المؤمن مصاب الحمد لله لي راكي شادة في مولانا .

نبض الفؤاد · 2012-11-21, 21:30

حبيبتي سندس الله يشفيك ،باينة شداتك حاجة واعرة اسال الله العظيم رب العرش العظيم ان يشفيك . التعب اكيد يدور على الواحد خاصة راكي وحدك في وجه المدفع...اجهدت نفسك physiquement et moralement اكثري من شرب vit c
اختي فاطمة شكرا على التشجيع

نبض الفؤاد · 2012-11-21, 21:51

تطبيق يوم الثلاثاء:
الجانب الديني:الصلاة في وقتها ،الاذكار بحمد الله،الورد راني وصلت للاية 31من سورة الاعراف يخي هكذا.
الجانب التربوي : محاولة توفير الجو لان الجميع في فترة فروض ، ومراجعة الفرنسية لعبده .
الجانب الجمالي: ترطيب واعتناء بالجنود على راي الاخت مساج بزيت الكافور جنابى ظروني .....مع ذلك تمشيط الشعر وفرش الاسنان
تحدي اليس كذلك؟
الجانب التنظيفي:تنظيف شامل لبيت القعادغسل الجدران والنافذة والباب وخرجت الزربية ونفظت الكنبة والاريكة والمخاد بعد ما راحو يقراو وباه نسيق قلتلكم لازم نخرج من الحمام وذيك الجهة يعني غسلت المغسلة وستار الدوش بعد ما رنخته وكنت درت بين الاثناء المقرون بالبيشاميل يطيب بعد الغدادرت الطابونة تترنخ في الماوالصابون ونقيت الكوشة والفريجيدار والسلام خليت البقية لغد منذاك

~ حراير ~ · 2012-11-21, 23:00

السلام عليكم و رحمة الله تعالى و بركاته
مريومة حبوبتي على سلامتك والله خفت عليك بزاف ياك راكي درك لاباس حبوبة
طهور إن شاء الله و ربي يرزقك الشفاء و الصحة و الراحة
اتهلاي في روحك حبوبتي و خوذي راي الطبيب و دبراسها الدنيا و الشغل الفايدة في صحتك حبوبة و ما تنسايش وش يقولو "وسخ عام ينحيه انهار" مالا رتحي رويحتك امليح باش تنوضي أونفورم
و كيما قاتلك فطومة هاد ما تكون غير عين صاباتك استعيذي بالله من الشيطان الرجيم و ارقي نفسك و اشربي ماء زمزم و ادعي و إن شاء الله ربي يهز ضرك حبوبتي
اللهم رب الناس اشف هذا الباس اشفي أنت الشافي اشفي أختي مريم شفاءا عاجلا لا يغادر سقما اللهم آمين

فراشات العمر · 2012-11-22, 06:48

السلام عليكم ورحمة الله وبركاته
سندس العزيزة طهور ان شاء الله (ان الله اذا احب قوم ابتلاهم) الحمد لله على كل حال انما المرض تزكة للنفس وفي المرض يتقرب العبد من ربه فكوني من الشاكرين والصابرين مثل سيدنا داوود عليه السلام
حاولي في هذه الفترة ان ترجعي الى نفسك الى اين انت ذاهبة
اعمل لدنياك كانك تعيش ابدا واعمل لاخرتك كانك تموت غدا
ان الله يحب العبد الشكور العبد المعظم لجلالته
سبحان الله وبحمده عدد حلقه ورضى نفسه وزنة عرشه ومداد كلملته

سبحان الله وبحمده عدد حلقه ورضى نفسه وزنة عرشه ومداد كلملته
سبحان الله وبحمده عدد حلقه ورضى نفسه وزنة عرشه ومداد كلملته