الجزء 85 من واش طيبتي اليوم يامولات الكوزينة

[Simassim]

المشاركة الأصلية كتبت بواسطة lyzzabel

سمسووووومة واااااع الظاهر راكي منعزلة علينا تاع الصح ،، زمان كنا قااااع نطيبوه فالطاجين ديجا انا مين تعلمته فالأول كنت نطيبه على الطاجين مي عصر السرعة و الهروب من نار الريشو و حرق الأصابع تطلب باش نولو نطيبوه فالفرن

على حساب الشوفة راكم قاع مقيليييين خخخخخخ و انا قيلت فالكوشة ههههههه ،، أيا نوضو العصر راه يأذن ،،، سلااااااام

اللهم ما أمسى بي من نعمة او بأحد من خلقك فمنك وحدك لا شريك لك فلك الحمد و لك الشكر

ههههههه ليزا ميمة الله يرحمها كانت تقول من نهار حاكم هاد التطور راحت البنة من كلشي
تعرفي في دارنا نتسحرو بالرفيس نطيبوه نهار بنهار
نهار مطلوع ونهار نديرو الرفيس معاناتها لا مفر من الطاجين كل يوم كاين في الحوش تكون ضربت فيه السمس قاع النهار

[ادرارية]

ليزا امممممممممممممممممممم بحتك القاطو والتقلية في الكوشة

انا درت نص تقلية في الكوشة راني درت قاطو اسبانيول وبسبوسة بالنوادكوكو ودرت عجينة مورقة عندي ضياف غدوا للقهوة وعيييييييييت ىوراني كارهة

[om kamilia]

السلام عليكم ورحمة الله وبركاته توحشتكم بزاف لبناب واشراكم

[شاوية حرة 05]

اهلا ام كاميليا توووووووووووووووووووووووووووووووووووحشتك على سلامتك واش راكي حنونتي كنتي في بالي وسقسيت عليك مووووووواح

[شاوية حرة 05]

ليزا ادرارية سماسم وووووووووووووو صحا قهويتكم

[شاوية حرة 05]

ليزا قاطو 44444444444 راني نستنى فيك تبعثلي حبات ماشي حبة ههههههههههههه مي مع كاس عصير بااااااااااااااااااارد هههههههههههههههه

[Simassim]

ام كاميليا مرحباً نور تي الكوزينة واش راكي ان شاء ارتاحتي وهاد الغيبة ان شاء الله خير

ليزا كيما يقولوا أهل الجلفة حلل وناقش القاطو وبصحتكم

[om kamilia]

شاوية حرة يعطيك الصحة راني الحمد لله ,درت نواظر بصح مازال الدوخة

[Simassim]

ربي يكون معاك ادرارية ويعطيك الصحة والقوة كل مرة عندك الضياف تبارك الله عليك

[rahma2014]

سلام يا بنات من الصباح وانا نحاول نسجل باسم اخر ما عرفتش المهم راكم تعرفوني ان رانس نعرفكم كامل ومجربة كل الوصفات راجلس هبلني على البطاطا تاع الهام ونتاع دائمة الحمد ربي يجازيكم

[ام سراج وملاك]

المشاركة الأصلية كتبت بواسطة lyzzabel

مسااااء النووووور ،، راني جبتلكم بااااش تتقهوووووو قاتو يذووووب فالفم على قول ناس الجلفة ههههه







سبحان الله و بحمده سبحان الله العظيم

ليزا حنونة يعطيك الصحة ممكن تحطيلي الوصفة نتاع القاطو راني هاذي ليامت عندي مناسبة فاتحة نتاع خويا وحابة نديرلو انواع ملاح لفامي نتاعنا وهاذا القاطو شكل نتاعو يهبل

[أم ملك]

ليزا ما شاء الله يسلمو إيديك القاطو هايل كنت رايحة نطلب الوصفة حشمت بصح لا مفر راهم طلبوها اﻷخوات
أم هنيدة الرفيس أحنا تاني نطيبوه في الطاجين بصح يليق نديرولو التمر معجن ما نديروش العسل غير التمر و الدهان
أدرارية الله يكون في العون حبيبتي
شاوية حرة إن شاء الله راكي لاباس
و البقية كامل صح قهوتكم
رانا نخمو في العشاء دوك هيا أدخلو أعطونا أفكار

[ادرارية]

سماسم شاوية حرة ام ملك ام سراج صح قهوتكم ان شاء الله تكونو لاباس

اليوم ان شاء الله راني رايحة نتعشى في البلاد عند هم الزيارة اي الوعدة باي باي

[lyzzabel]

سلاااام مرة اخرى بناااات ،، و ربي يخليكم ،، عيووووونكم الحلويييييين
سمسومة و ام سراج القاتو ساهل ماهل و ما يديش الوقت و راه اقتصااااادي بمعنى الكلمة سمعتيني ام ياسو هههههههه
درت 250 غ مارغرين طرية و نص كاس زيت و ضربتهم مليييح حتى تجانسو تماماً ،، و زدت ثلثي 2/3 كاس سكر رطب و م ص فاني و ضربت و ضفت حبة بيض و ضربت مليح و منبعد لميت بالفرينة و م ص خميرة الحلويات حتى تحصلت على عجينة طرية ،، خليتها ارتاحت فالثلاجة ربع ساعة و بديت نشكل كويرات متوسطة كبيرة شوية على حبة الجوز و بسطتها غير شوية بكف يدي و درت حفرة بصبعي فالوسط و حطيتهم في صينية مرشوشة بالفرينة و طيبتهم على 180 درجة حتى نشوفها حمارت شوية من تحت نخرجها و نعاود نضغط بصبعي فالحفر لي درتهم فالوسط ،، طبعا نغطي صباعي بطرشونة باش ما ننحرقش ،، و مين يبرد القاتو ندير فالوسط معجون ولا نوتيلا و نزين كيما نبغي ،، انا زينت النص بالمعجون و كاوكاو محمص و مرحي و حبات برك زدتلهم اللوز ايفيلي عييت هههههه ،، و النص لاخر زينته بالنوتيلا و الجوز فالوسط ،، راه خفييييف و هشوش و كيما قلتلكم يذوب فالفم

[أم ملك]

بصحتك أدرارية العشا برا نبغي الوعدات مي جامي حضرت فيهم
شكرا ليزا على الوصفة الفرينة هايلة لي خدمتي بيها أنا عمبالي راكي دايرتلو قلاصاج من الفوق
قوليلي إسمها من فضلك حنونة