الجزء163من كوزينة واش طيبتي اليوم ؟؟.؟؟؟.؟؟ - الصفحة 101

oum islem · 2016-05-04, 14:27

اقتباس:

المشاركة الأصلية كتبت بواسطة abora

سلام البنات
محتاجة مساعدة تعييشو ومستجعلة ادا متردونييش خايبة
رح ندير رولي لحم ودجاج مرحي
في طرييقة طيابو اسكو نطيبو في الماء ومن بعد نقليه نحمرو ( مع العلم خايفة يتفتتلي )
ولا نطيبو في الفرن طول
ويناه طريقة صحيحة ؟؟؟؟؟؟؟؟؟؟؟؟
بليز ردو عليا
حطولي وحدة جربتو وصلحلها
بليز للضياف عيشكم ردووووووووووووو

راكي فحلة ويخرجلك يهبل كوني متأكدة بلا ما تخافي
استعملي بلاستيك غذائي حلي فوقو الدجاج وبلاستيك اخر فوقه اللحم
واقلبيهم على بعض بمساعدة الكيس وروليه ودائما بالبلاستيك اغلقي عليه
وحطيه يفور نحي البلاستيك وتبليه من برا وزيدي شوية زبدة ودخليه للفرن يتحمر غطيه بالالمنيوم بعد ما يتحمر باه يبقى طري وقدميه كما تحبي مع زيتون ولا مع صلصة الفطر ولا كرام فراش ... كما تحبي

ام هدول · 2016-05-04, 14:28

اقتباس:

المشاركة الأصلية كتبت بواسطة abora

سلام البنات
محتاجة مساعدة تعييشو ومستجعلة ادا متردونييش خايبة
رح ندير رولي لحم ودجاج مرحي
في طرييقة طيابو اسكو نطيبو في الماء ومن بعد نقليه نحمرو ( مع العلم خايفة يتفتتلي )
ولا نطيبو في الفرن طول
ويناه طريقة صحيحة ؟؟؟؟؟؟؟؟؟؟؟؟
بليز ردو عليا
حطولي وحدة جربتو وصلحلها
بليز للضياف عيشكم ردووووووووووووو

اختي الرولي دارتو ام ابراهيم جا روعة ..
درك نحوسلك على المشاركو تاعها ونحطهولك

ام هدول · 2016-05-04, 14:33

ام اسلام سبقتي وشرحتلك بارك الله فيها عندها يدين يتلفو في الحرير ماشاء الله عليها
ام سلام كوزرنتك كانت رووووعة ..روعة مليئة بالخيرات واستفدنا منها بزاف
نشكرك على حسن الضيافة ...قمتي بالواجب وزيادة ...ربي يدوم نعمتو عليك ويفرحك بوليدات

اريج 07 · 2016-05-04, 14:41

وااااااااي ام اسلام راح تخلاص كوزينتك نونونونو زعفت ام اسلام حبيبتي كوزينتك تهبل تهبل مي راني زعفانة منك وصيتي كي كنتي خارجة تجبيلي باطة شيكولا مجبتليش🙇
طاطاتي ليزاتي وينو غداكم

رزيقة16 · 2016-05-04, 14:51

شكرا حبيبتي ام اسلام باراك الله فيك علي الرد

ام محمدْ ومريمْ · 2016-05-04, 14:54

سلام لبنات
ام اسلام كوزينتك كانت روووووعة وفاتت فيساع والبنات حلاوها بمشاركتهم وطايباتهم روعة مشاء الله عليكم لبنات

اريج 07 · 2016-05-04, 14:54

اهليييين رزيقة
حبايبي حابة نجرب وصفة تاع فرماج منزلي لي عندها وصفة مجربة تفيدني بيها
اهلا وداد مجبتيلي والو معاك

روعة الصحراء · 2016-05-04, 15:11

[/B][/SIZE][/CENTER][/QUOTE]

امممممممممممممم ربي يجازيك خير الوصفة من فضلك يعطيكم الصحة

أم محمد تاج · 2016-05-04, 15:15

صح غداكم بطاتي سميناتي الحلواااااات
دوخوني اكلاتكم والله ماشاء الله عليكم بركوكس العسل ولوبيا طاطاتي الحلوة مع جازيا وطبعا حتى انا درت لوبيا ورولي جازية يهبل وقاعدة ناكتواليزي عييت نلقاها بالعربية في الباجة باش يخرجولي صور البطاطا كي قصيتيها والظاهر ما حطيتيش مالا تخيلتها وخسارة ياريتك قصيتيها
وطياب الغالية ام رحاب ممممم والله نسيت اسمحولي حبيباتي الحلوااات
ام جوجوو ماحطتش طيابها اليووم ولا فيشطا هههههه
حقة يعطيك الربح ام اسلام على زيدولي 10 باجات ههههههههه ياريت يزيدولك كوزينتك رووووعة والله
راني نلبز وفقست في روحي وااااااع ضرك نكمل ونحطلكم تلبازي

أم محمد تاج · 2016-05-04, 15:17

رزيقة 16 حنوونة تقدري تزيدي السكر في العجينة تجي روووعة خير ماتجيك صامطة والله
رنيم راهي قامت ام اسلام بالواجب اسمحيلي وكيما قاتلك ام اسلام روحي تراجعي تدي الباك وناكلو الفال

cilia · 2016-05-04, 15:21

السلام عليكم
حوست على فيديو نتاع ام وليد بطاطا اكسبرس في اليوتيب و ملقيتوش معليش تعطوني الاسم نيشان بلاك انا معرفتش نحوس

أم محمد تاج · 2016-05-04, 15:23

عبوورة حنوونة اخدمي الرولي تاعك في البابيي فيلم ومن جيهة حضري صوص بيضا عادي وحطي فيها الرولي يطيب وطبعا مغلف بالبابيي فيلم باش تخرج النكهة تاعوو في الصوووص وكي يطيب نحيه وحمريه في شوي زبدة في المقلة احسن من الفور يطول والصوص لي خرجتلك صفيها وخثريها بالكرام فراش ولا بالفروماج وقدميها مع الرولي مقصووووص ومشبح بالزيتون ولي شومبينيو والقارص والمعدنوووس
بالتوفيق حنوونة ورديلنا لخبر مع الصور طبعا هههه :d

حياة نور الدين · 2016-05-04, 15:35

اهلاااا البنات بارك الله فيءكن على الخيراات اممممم

ام اسلام حبيت نشكرك على حسن الاستضافة وعلى اللمة الزينة اللي جمعتنا وربي يفضلكك واولتدك ويعمر دارك بالارزاق ويخليبلك صحتك تاج فوق راسك

أم لجين هيثم · 2016-05-04, 15:36

السلام عليكم
جيت قبل متخلاص كوزينة ام اسلام راني جبتلكم الوصفات لي وعدتكم بيها
ام ابراهيم راني حطيت الوصفات واى استفسار راني هنا

أم لجين هيثم · 2016-05-04, 15:38

محاجب درتهم البارح سخفتني بيهم ام محمد تاج الشكل ماشي شباب بصح البنة روعة