الغيرة بين زوجات الاخوة

[غير هام]

السلام عليكم

اللمة لي جيب المشاكل والغيرة وتكسار وغضب الله مكالاه المهم الواحد يكون مع خوه وقت الشدة وصلة الارحام من وقت لاخر علاش يسكنو مع بعض حتى يتقاتلو

[dounia el amani]

زعمة كاين الشيء هدا ??? انا ما نقدرش نتصور روحي ندير هكدا كل وحدة و واش عطاها ربي

[loji]

السلام عليكم أختي موضوعك غاية في الاهمية لانوا هادي مشكلة تعاني منها العائلة الجزائرية وآنا شخصيا حدثت معي تزوجت منذ حوالي العامين في أول عام رزقني ربي وحملت مع العلم نسكن مع عجوزتي في دار العايلة ونساء سلافي معايا بصح كل وحدة قاسمة وحدها حنا في أربعة وحدة خارجة علينا كي دخلت عروس لما نحكيوا على سيرة الحمل يقولولي خلاص لي عندنا بزاف حملت بشهرين حملوا في اثنين واختوا ثلاثة ربي يبارك ههههههههه واذا رحت لدارنا هداك النهار يفوتوه سلافي اكحل مساكن نسائهم من خارج الولاية وانا قريبة لدارنا واذا شريت حاجة جديدة ربي يفوتها على خير لحقت وين جائني سلفي قالي اخطوني من سوق النساء ومتزيديش تحكي على واش شرالك ربي يسترك بصح هكاك ونحسهم يحبوني يعني غيرة سطحية فقط بصح تخلق مشاكل كبيرة بزاف

[anoossam]

كاين منها هذي الغيرة بين السلافات رغم انها كل وحدة وراجلها وكل وحدة وامكانياتها

[حبيبة زوجها]

الغيرة تكون تكون بصح الانسان العاقل يعرف كيفاه يتحكم بنفسه
نسا سلافي ربي يسمحلهم بيناتنا الاحترام والقدرومندخلوش في خصوصيات البعض وحتى لو قالتلي كلام معجبنيش وعنده دلالات وهذا لي يستعملوه نسا اخرين ههه
بصح ندير روحي مفهمتش ونفوتها عادي عندي عام معاهم جامي صرا بينا شي وباذن الله ميكونش

[ManouraHilwa]

التركيز في اخلاق اولادهم احسن بكثير من المراقبة لبعضهم

[OUMZIAD]

هذا كله من عدم الرضا و القناعة بما رزقنا الله فكل وحدة تشوف واش في يد الاخرى و تنسى واش عندها , انا مرت سلفي عندها الغيره الهدامة اذا شافتني مليحة مع عجوزتي دير المستحيل حتى دور عليا لحقت حتى لجارتي قاتلها اي كلام تقولوو علينا عوديهولي كي سكنت في دارها العشا بالمعريفة و انا وزوجي مدعاتناش مع العلم اني استضفتها على احسن اكل وقدمت احسن الهدايا و ربي يهديها