الى الاخت ضوء الايمان

[ratil talin]

السلام عليكم اختي اود دخول فرع طب الاسنان لكني لا املك اي فكرة عنها هل لك ام تطلعيني عن كل التفاصيل يعني المواد الامتحانات هذا عندك ملفات تخض السنة الاولى زوديني بيهم ان شاء الله يجزيك الله خيرا

[ضوء الايمان]

السلام عليكم الاخت
طب الاسنان تقراي 6 سنوات
السنة الاولى تقرا
chimie biochimie physique biophysique medcine social francais englais genitique histo embrio ana tomie السنة الاولى سهلة جدا مثل الليسي و لكن لازم يوميا تقراي انا كنت ما نقراش خلاااص حصلت مع الاخر يعني لازم كل يوم قراية و تروحي للكور و td و بربي ان شاء الله اطلعي العام بلعبة على خاطر المواد سهلة جدا فيها تاع الفهامة مثل chimie , ,و فيها حفاظة كيما anatomie لكان عندك مشكل في اللغة الفرنسية ما تخمميش خلاص على خاطر نصوص علمية يعني حتى و لوكان واحد مليح فالفرونسي الكلمات العلمية ماراحش يعرفهم حتى يقراهم
من السنة الثانية تدخلوا ضح في الاختصاص و تبداو التطبيقي و مبعد تعود القراية حلوة يعني تقرى و تمارس المهنة و ابتداء بلاك من الخامية يعود عندك مرضى مخصصين ليك
كي تخلصي 6 سنين تروحي تخدمي عامين عند الدولة و مبعد عندك الاختيار تبقاي عند الدولة تروحي للعيادات الخاصة او تفتحي عيادتك و مبعد تحبي تقراي و تعقبي ريزيدانا و تديري تخصص كاين خمسة في الجزائر كاين امكالنية تقراي في الخارج بدراهمك و قادرة تكملي و تعودي تقري فالجامعة
بعد ال6 سنين تخرجي بشهادة دكتور في طب الاسنان
هادي لمحة خفيفة اذا كان عندك اسئلة تفضلي
فيما يخص الملفات انا عندي بوليكوب عادي ليعطيوهولنا الاساتدة ننصحك مكالاه تخلطي روحك بالانترنت و تحوسي بزاف كي تدخلي اقراي واش يعطيوك انا كي دخلت كنت نقرى على الجامعات تاع الخارج و نحوس و نبخث لقيت روحي نضيع في وقتي بالعكس كي نقرى على الكور تاع الشيخ نخرج خير
اما مسالة البحث هاديك خاصة بيك اذا حبيتي تطوري معارفك
بالتوفيق