مالك يا نجمة ليوم ما طليتي************ولفنا شوفتك ضيك و بهاك
علينا ليوم رحتي وغيبتي ************واش غيبك علينا و داك
غيبتك ذا الخطرة طولتي************طال صبري وانا نستناك
في بالي وانت تخميمتي************ومن حالتي ما لقيت سلاك
زدتي في بلايا و غبينتي***********ما صبت نجمة مثلك محلاك
عليك نحوس وسط النجوم**********عله نصيبك معاهم نلقاك
يا درا غيبتك شحال الدوم**********والفت شوفتك ما نقدر ننساك
و من غيابك راني مهموم*********عيان الى انت صبت دواك
ماني عوام ما نعرف نعوم********مالي جنحان نطير و نسعاك
ا
لحال على حالو ما يدوم********يجي انهار و اتولي لسماك
يفرح قلبي بيك ويتهنى********وخاطري ما يريح غير معاك
هذاك من ربي ما نتمنى********وانا وقلبي و روحي فداك
نشوفك هذاك راني نستنى*******طلي ساعة ساعة من ذاك
بقلمي وافكاري وكلماتي المتواضعة************مراد********