نورمال نديرلو الفاكسا و هو عندو اسهال؟

[oprah]

السلام عليكم أخياتي
أبني عندو الفاكسا نتاع 4 اشهر و ديجا راهو روطار مي راهي شداتو لادياري معلاباليش منين مالغري يرضع صدري
نورمال نديلو الفاكسا؟
لادياري مابين الخضوريو و الصفوريه يعني هادي هي لادياري؟
راني نشربلو في هادوك الساشيات نتاع اعادة التمييه خفت ينشف و طاحتلي بالويكاند
كان وحد السيرو مركاتولي طبيبه من قبل اسمو amoxiline قلت نعاود نشريهلو و نشربولو بويك وليت كي نديه للبيدياتر تقولي غير لادياري مفيها والو
واش ندير أخواتي؟
قاتلي ماما بالاك كاش ماكليتي غير من حليبك
أنا كنت جربتلو nursie confort بصح غير زوج قطرات فاتو لفمو بسيف و محبش
يعني بالاك من هاد الحليب؟ و واش ندير؟
كثرت عليكم كيفاش نتصرف؟

[*أم جابر*]

وعليكم السلام ورحمة الله و بركاته
بخصوص لادياري حاشاك الامر عادي الاطفال اللي يرضعوا من الصدر ديما هكذا و بالاك راح يسنن علابيها جاتة ما تخلطيلو حتى دوا مازال صغير
اما عن الفاكسان امر عادي ما ياثرش
والله اعلم ربي يحفظهلك و يجعله من الصالحين

[kikimnarim2]

نصيحتي اعطيه smecta كي كرشو تحكم شوي حابسيها اعطيه ساشي في النهار منين يعطش والى ما عندوش السخانة ديري الvaccin عادي

[OUM DANIA]

انا شخصيا لما سالت الطبيبة قالتلي اذا كان اسهال عادي بسبب حليب الام ممكن تعملي الفاكسان واذا كان اسهال حاد حتى تعملي اعادة تمييه فان الغاكسان لن تكون نافعة لانها ترروح مع الافرازات حاشاك ومن الاصح استشارة الطبيب

[*وردة الشرق*]

ربي يعيشهولك اختي انا نعرف انو ما يديروش فاكسا عندما يكون محموم او عندو زكام والله اعلم