الأخت yarasmin. 26 ترد على تساؤلاتكم هنا - الصفحة 113

yarasmin26 · 2013-03-09, 12:30

اقتباس:

المشاركة الأصلية كتبت بواسطة جميلةالغرب

الرد من فضلكم

الاخت ادراري او الصوامعية حطت الوصفة تاع السفنج وهي ناجحة

yarasmin26 · 2013-03-09, 12:41

اقتباس:

المشاركة الأصلية كتبت بواسطة ام وائل فخر الدين

بليزززززززززززززززززززززززززز بليز يا اختي اعطيني مقادير العجينة المورقة بليزززززززززززززززز ما

تخذلينيش

بليززززززززززززززززززززززززززززززز

الاخت ام وائل وصفة عجينة المورقة بالشرح المفصل راهي متواجدة في وصفاتي في الجزء الاول من يراسمين 26

yarasmin26 · 2013-03-09, 12:52

اقتباس:

المشاركة الأصلية كتبت بواسطة wala

السلام علكم يالحنونة والله غير رانى ندعيلك بدعاوى الخير عندى كراس سبيسيال نتاعك المهم جربت لى صابلى روعة لانى مانيش فور فى القاطو من فضلك المشوك لعجينتو الفرينة والجلجلان مرحى وحلوة الترك قالولى هده مكوناتها بصح بخلونى بالمقادير الله يهديها ربى يخليلك صحتك امين

وصفة المشوك المخدوع:125 غ زبدة مخدومة يعنى طرية اخدميها مع 1/2 كاس سكر قلاصي ثم اضيفي 3 صفار بيض+لفاني +شوية خمارة+ جلجلان مرحي+ حلوة الترك مرحية والباقي فرينة حتى تنتلم العجينة وتولي طرية شكليهم كرات اغطسيهم في بياض البيضة مضربة شوية ثم رمديهم في الجلجلان وحطيهم في ليكسات ثم طيبيهم في الفرن

yarasmin26 · 2013-03-09, 13:15

اقتباس:

المشاركة الأصلية كتبت بواسطة فايزة سراج الدين

اختي ممكن وصفة تشاراك عريان باللوز ايفيلي راني محتاجاها ليوم

التشاراك العريان : 3 عبار فرينة+ 4 م ك سكر +1 عبر زبدة ذايبة +1 بيض+ قرصة خمارة الحلوى + قرصة ملح+ ولميها بماء الزهر مع الماء وتروكيها ترتاح
الحشو: 3 كيلات لوز مرحي+ كيلة سكر +رشة قرفة +ماء الزهر
التزين " صفار البيض لطلاء + رقائق اللوز

تحياتي

yarasmin26 · 2013-03-09, 13:47

اقتباس:

المشاركة الأصلية كتبت بواسطة linda yasmin

قوليلي اسهل طريقة لعمل قريوش
ميجيش معرك معناها ايجي فارغ من الدخل

نعطيك هذه الوصفة ساهلة وغير مكلفة وهي من اختراعي ومجربة عدة مرات وهي ناجحة بشهادة من جربها ختى العضوات
3 عبار فرينة +1 زبدة ذايبة تاع التوريق+ملخ+ لفاني +1/4 كيس خمارة الحلوى ولميها بماء الزهر مع الماء ثم اتروكيها ترتاح مدة حتى ترتاح جيدا حليها بالمايزينة في الرقم 1 ثم 3 وفي الاخير رقم 5 ثم قطعيهم على شكل المرغوب ثم اقليهم
بصحتك مسبقا

yarasmin26 · 2013-03-09, 13:55

الى العضوات الجدد
بما انني عاملة وربة اسرة الي توضع سؤالها متحددتش وينتا ارد اعليها.......
ارد في الوقت الي انحدو انا
2- قبل وضع السؤال ارجو منكن النظر في الاسئلة من قبل منقدرش ارد اعلى السؤال 10000 مرة ومعظم الاسئلة مكررة شوفو وصفاتي والاجوبة على كل سؤال يخطر في البال قبل طرح السؤال وكل سؤال مكرر لاارد عليه
نتمنى تتتقبلو رائي بطيب خاطر
لانه التعب في البيت وخارج البيت راه عندي مشكل معاه ختى اولادي اشتاقو لي من كثرة العمل

Heaven Cherry · 2013-03-09, 18:57

ربي يعينك و يقويك على فعل الخير ان شاء الله و يحفظك لأهلك و لوليداتك تسلمي حبيبتــــِي

سامية حكيم · 2013-03-10, 11:07

اولا شكر جزيلا لكم كل شيئ تقدموه لينا رانا نستفادو منو بزاف خاصة المبتدئات كيفي انا مانعرفش حوايج بزاف على الحلويات بالصح راني نحاول نتعلم حبيت نسال ماهو الفرق بين كريمة الخفق وكريم فراش

mumuh · 2013-03-10, 14:15

merci beaucoup sœur yarasmin pour les efforts fournis
j'ai appris beaucoup de chose avec ton expérience
mille merci

فايزة سراج الدين · 2013-03-10, 17:14

اختي حبيت نعرف وصفة نتاع الغربية راني قريت وصفة نتاعك 2 واحدا فيها كاس زيت و2 مافيهاش......ممكن تقوليلي كاس نتاع شاي ولا كبير وربي يجازيك كل خير على مساعدة

أم عائشة 10 · 2013-03-11, 09:52

اقتباس:

المشاركة الأصلية كتبت بواسطة yarasmin26

الصورة الي توضع على الجينواز غير متوفرة في جميع المحلات لانه مش كامل الناس تعرفها وهي معروفة باسم اخر وكل واحد واش ايسميها وهي باهضة الثمن نوعا ما

شكرا على الإجابة أختي الله يفرج عليك ويسرلك كل أمورك
جربت الكثير من وصفات كلها رائعة فجزاك الله كل خير

بريق الامل& · 2013-03-11, 12:35

yarasmin26

wala · 2013-03-11, 15:31

السلام عليكم شكرا لك يالستادة لى جاوبتينو على المشوك المخدوع نشربوه بالعسيلة ولا لا وعندى سوال جربت البنيون نتاعك وجانى حلو بزاف هل استطيع لم العجينة بمعجون وماء الزهر اسمحيلى وربى ينصرك

اميرة ياسمين · 2013-03-12, 08:52

من فضلك اعطينا وصفة المشقوق الخاصة بيك

yarasmin26 · 2013-03-12, 09:34

اقتباس:

المشاركة الأصلية كتبت بواسطة wala

السلام عليكم شكرا لك يالستادة لى جاوبتينو على المشوك المخدوع نشربوه بالعسيلة ولا لا وعندى سوال جربت البنيون نتاعك وجانى حلو بزاف هل استطيع لم العجينة بمعجون وماء الزهر اسمحيلى وربى ينصرك

صباح الخير : تقدري تعسليه انسيت مقتلكش 1/2 حبة كرز {les fruit connfi}
اما بخصوص البنيون جاك حلو انت قويتي العسل اما انتاعي مقويتلوش وجا مشاء الله
لالالالالالا مينتلمش بمعجون وماء الزهر فقط ديري العسل خفيف مخلط مع الزبدة وكثري الزبدة هي الي تلم العجينة