شاركنا ببضع لحظات من الطفولة

[قابضة على الجمر]

1

/ حادث مرعب ... كنت 3 سنين ..و ماما حطت في الكوزينا فلفل حار رايحة تدير بيه الهريسة و انا شفتو احمر عجبني ..و هجمت علييه ناكل ..ياللهول بقيت اسبوع و انا غير نبكييي
2/ كنت نروح لدار خالي و كان عندهم قط كبير و ديما يقعد في الدروج و انا نخاف منو .... نقول لزوجة خالي اقعدي فوق القط باه نطلع ههههه و هي مسكينة تقعد فوقو
3/ كان ولد خالي بيبي ( 3 اشهر ) و انا نجبدو من رجليه حتى للباب و نقولهم اجروا تشوفوا راو يمشييييي هههههههه
4/ كنت نحسب 5 دج الكبيرة اكثر من اي قطعة نقود اخرى ههههههه
5/ نروح انا و اختي للحانوت نديو 1 دج و نقولوا لصاحب الحانوت صرفلنا ...زعما هو ما يعرفش ههههه
و مازااااااال بزاف مالقيتش واش نكتب و واش نخلي

شكلرا ذكرتينا بايام الطفولة و البراءة

[Haffoussa]

المشاركة الأصلية كتبت بواسطة ترانيم الجنة

السلام عليكم ورحمة الله تعالى وبركاته
مره لمّا كانت عندي 5 سنين سمعت لي يبيع الحوت في الدرب وكنت حابه دراهم باه نروح للحانوت نشري الحلوى انا لقيتها سبه وبديت نطلب في ماما نشريلك الحوت وطبعا من اجل لي يبقى من الصرف نروح نشري بيه حلوى. وماما كانت صامطه هذاك نهار خاصة ايام الصيف وسخانه كيفاش في رايكم يكون هذا الحوت المهم قاتلي ما نشريش حتى نشوفه اذا جديد. انا غير سمعت رحت نجري عند لي يبيع الحوت قتله قاتلك ماما اعطيني حبه نشوفها اذا جديد. وصاحبنا ضحك عليا وعطاني حبه حوت في طريق لقيت جيرانا يلعبو واحد فيهم قالي اعطيني هذيك الحوته نطيبهالك نسيت الحلوى وماما وقعدت معاهم شعلنا النار وجبنا عيدان وشويناها وكليناها وما كفاتنا حبه ما شبعناش ههههه المهم اصبحت عاده كل ما نسمعو واحد يبيع الحوت يروح واحد يجيب حبه والباقي يوجدو النار حتى فاق بينا جارنا كبير و قالنا الحوت راهو مسموم ويمرضكم كنا نيه وامناه وما زدناش عاودناها

ياختي كنت شيطانة
بصح هايلة نستعرف بيكم

[Haffoussa]

أنا كي كنت صغيرة كنت نحب نحس روحي كبيرة
مرة جا واحد يبيع البعويدة (اللنجاص) ديت كامل الدراهم لي كانو فوق البيرو ورحت هبطت عندو اعطيتلو شوية وديت الصاشي وجيت فرحانة للدار
خاوتي ماتو بالضحك عليا