حابة ننزع الحفاضات نهائيا

[rayhana malak]

السلام عليكم ورحمة الله تعالى وبركاته اخواتي حبيت نسقسيكم بنتي في عمرها سنتين وشهر واحد قلت مادامو الصيف ومدامني عطلة ننزعلها الحفاضات ونوالفها على المرحاض مباشرة اكرمكم الله .بديتها البارح هي قبلت تدخل وتقعد فيه بصح كي تعملها وتخلص تقلي نروح للمرحاض .المهم حبيت نعرف لكان هدا العمر مناسب.وكم تستغرق المدة حتى توالف.وماهي الحتياطات اللازمة انا في انتظار نصائحكم وتجاربكم شكرا مسبقا

[ام ملاك و عبدو]

يا اختي حتى انا راني في نفس المشكل عندي 2 اولاد بنتي الاولى الله يبارك في عمر عام و نصف نحيتلها لي كوش حتى في الليل بصح هذا الثاني في عمرو عام و 8 اشهر جربتلو نهار واحد واش نقولك يا اختي هازا النشافة و ندور نتمنى اللي عندها كاش حل تقوللنا عليه

[rayhana malak]

ههههههههههههههههههه حتى انا راني هكداك نحيت الزرابى كامل ونعس

[عطر الجوري]

رانا كيف كيفف لازم كل نص ساعة ديريه في المرحاض

[أم مبين]

والله رانا كامل في نفس الاشكال
يا ليت الي عندها خبرة تفيدنا

[oum radja]

كيما قالت الاخت لازم تتفكروهم كل نصف ساعة
واصبرو معاهم شوية ماشي حاجة ساهلة واكيد راح يتعودو
على خاطر اذا ما نحيتوهمش في الصيف رايحين تقعدو حتى للعام الجاي

[nonous]

شوفي يا اختي الاطفال انت اللي تتحكمي فبهم ماشي هوما صح يقلقو لكن النتيجة انت اللي تتحكمي فيها
نقولك كيفاش وانت جربي
ولدك فكريه بالحمام مثلا اشرب الماء كي يكمل احسبي 10 دقائق قوليلو نروحو الحمام وشجعيه دير دير ونقلك 100% مايديرش ولا يقولك ماجاتش ولا بح و غير يوصل لباب الحمام يطلقها هنا انت زعقي عليه و ديري روحك زعفانة و احرميه من حاجة يحبها مثلا يحب يبوسك قلو لالا هو تمتم يسقسيك وعلاش جاوبيه درت pipi فالارض ولا وين دارها
مثلا ديما تمديلو حاجة حلوة شكلاطة ماتمديش نفس السؤال وعلاش جاوبيه نهار تدير pipiفالحمام نمدلك
اما الاب لازم يساعدك هو تاني مثالا كل الاطفال كي يدخل باباهم يروحو يجريو عندو و هو كردة فعل يعنق و يبوس ويرفد الولد صح و لا لالا ايهامال قولي لراجلك مايرفدوش هديك اللحظة و يدير روحو زعفان وبصوت شويا عالي يقولو لالا انا ما نرفدش الي ييديروpipi فالارض ولا الحوايج..........
وانت امشى وقوليلو وليدي وين نديروpipiهو surيقول الكوش ولا الارض انت فكريه قولو الشاطرين في الحمام ديما رديهالو عدة مرات وراح تشوفي ردة الفعل نتاعو
جربيها 3 ايام اسبوع و ردي الخبر
ويلا حبيتي جيبي الاخ ولا ابن الجيران اكبر منو بشوية يستعمل الحمام يلعب معاه و كي يخرج من الحمام انتاعك مديلو الحلوة مثلا 4حبات او علبة شكلاطة المهم وليدك يشوف قولي للاخ خاطرش درت........ فالحمام bravoو صدي لوليدك مديلو حبة وحدة الجواب معروف................

.والله تمتم يروح يجري باش يتحصل على كمية اكبر
نتمنى تجربي و والله واش قلتلك عن تجربة مني و ان شاء الله تنجحي في مدة اسبوع ايلا كثرتي
ر مضان كريم