مرحبا بيكم قاع عدنا 12جوان ....................ان شاء الله يعجبكم - الصفحة 2

أم ريمة* · 2014-06-10, 13:35

مساء الخير حلويات روعة يعطيك الصحة ممكن اختى قاطو لبراليين لاننى نحبو والقاطو انتاعو يجى روعة و شكرا مسبقا

lilouchaf · 2014-06-10, 14:26

مبروك عليكم العرس والقاطوات روعة

أم إناس · 2014-06-10, 14:33

ماشاء الله. حلويات امممممممممممممممم
يعطيك الصحه

tamimkougi · 2014-06-10, 15:06

الملتزمة بإذن الله,,أظم صوتي لأختي أم ريمة من فضلك نطلبو وصفة البراليين,,و رب يجازيك عنا خيرالجزاء

narifati · 2014-06-10, 15:52

اقتباس:

المشاركة الأصلية كتبت بواسطة tamimkougi

الملتزمة بإذن الله,,أظم صوتي لأختي أم ريمة من فضلك نطلبو وصفة البراليين,,و رب يجازيك عنا خيرالجزاء

ليلة الماضية كتبتوا بصح انقطعت الانترنت راحت الوصفة حنا صنعناها على شكل قلوب وكرات بصح باش تقطع بزاف لزم ديرها كرات واما قلوب لزم تعمرغي الحشو بلا تغمره فالشكولا تاخد مول سيليكون قلوب وتطليه بالبانسو بالشكولا وتدخله لمجمد تبرد شكولا وتعاود تخرجو تعمرو وتفرغ شكولا فوقه وتدخله المجمد وتقدمه
الوصفة
الاساس:200غ سكر+100غ بندق محمص +100لوز محمص تحطسكر في كسرونة على نار متوسطة حتى يتحول كرامال تضيف المكسرات وتحضر ورق الخبزpapier cuisson وتفرغ هذاك كرامل بيه بلمكسرات فوق ورق الخبز وتخليه حتى يبس احكمه اطحنه حتى تتحصل على مزيج كريمي+نضيف 160غ بندق مرحي خشن +160غ لوز مرحي خشن +120غ شكولا حليب دائبة +20غ زبدة ذائبة ونجمع الخليط ونشكلوا كرات وادخليها المجمد 10دقائق حتى تتماسك وخرجيها اغسها فالشكولا عادية كطبقة اولى و رشها بالوز ودخلها المجمد ل10 دقائق حتى تتماسك واسقيها بشكولا نوار وتدخل المجمد حتى تتماسك وتصبح جاهزة لتقديم اذا متحبوش شكولا نوار كرر غطسها في شكولا عادي

مريم الاميرة · 2014-06-10, 16:06

يعطيك الصحة

tamimkougi · 2014-06-10, 16:28

الملتزمة بإذن الله,,بارك الله فيك ختي على الوصفة واسمحيلي تعبتك,,رايحة نصلي العصر وندعي لخيتي أصدق دعوة,,,,,لعقوبة توّلي english teacher كيفي و أحسن,,

narifati · 2014-06-10, 16:46

اقتباس:

المشاركة الأصلية كتبت بواسطة tamimkougi

الملتزمة بإذن الله,,بارك الله فيك ختي على الوصفة واسمحيلي تعبتك,,رايحة نصلي العصر وندعي لخيتي أصدق دعوة,,,,,لعقوبة توّلي english teacher كيفي و أحسن,,

شكرا ومفيهاش تعب راني فالخدمة اي حاجة تحتاجها راني هنا ........ربي يكثر من انثاللك كل ماتتفكر دعيلي باش ربي يفوقني عام جاي ان شاء الله وندي باك تاعي بمعدل متفوق امين وتجربوها بالصحة شكرا يا استاذ............الله يتقبل منا ومنكم