مساعدة من الاخت ياسمين و الا ام كوثر والا ام اماني و اي اخت عندها خبر

mouslim45 · 2013-10-10, 13:35

السلام عليكم و رحمة الله و بركاته
حياكن الله اخواتي بتحية الاسلام
اخواتي حابة ندير بقلاوة بعجينة الفيلو
لكن حسب مافهمت انو الفكرة نتاعها انك تقنطي طبقات العجينة في ستة مع بعض و ديري في وسطهم النشا
و الحشوة نبلها ياسر بماء الورد حتى تولي جارية و الا غير شوي
و المعطر القارص خير و الا اللوز و الجوز
ان شاء الله ما نكونش ثقلت عليكم
وجزاكن الله خير

~~lili2~~ · 2013-10-10, 14:08

انا مدرتهاش بصح ختي ديما ديرها وتخرجها هايلة خفيفة مش كيما بقلاوة عادية نتعان هكي طريقة لي دير بيها واني وضعتك صورتها في مرفقات راهي مع حلويات تانين خدمتهم
المقادير 4 كيلات فرينة كيلة سمن شوية ملح و نعجنها بالماء و الماء الزهر نعجنونها مليح حتى تصبح عجينة لينة سهلة الاستعمال،نقطعوها قرصات صغار و نخلوها ترتاح
كي تريح لعجينة نحكم قرصة نحلها بالحلال بالميازينة حوالي نصف سنتيم ونحطها بجنب و نغطيها بالمايزينة و نحل القرصة الثانية و نحطها فوق االاولى و نغطيها بالميزينة نكرر العملية 15 او 16 وحدة باه تجي مورقة مليح و منبعد نحكم كل القرصات و نحلهم مع بعض نحاول نرققهم قدر المستطاع ونحطها في سنيوة نتاع البقلاوة مدهون بالسمن ونحط من فوقها العقدة ونكرر نفس الطريقة في الطبقة للفوق ثم نقطعها حسب الذوق ونشربها بالسمن كيما البقلاوة العادية ونذخلها الفرن و كي طيب نعسلها

mouslim45 · 2013-10-10, 16:22

بارك اﻷه فيك اختي ليلي
93 مشاهدة و اجابة وحدة

silent scarf · 2013-10-10, 16:26

راهي خادمة الاخت ام انس تقريبا كيفها شوفيها هي نفس الطريقة
و ربي يوفقك راهي الاخت ليلي ما خلاتش و المعطر نظن نتي و وش تحبي و كل واحد و ذوقو و انا شخصيا نفضل البيستاش