طلب مساعدة من الصيادلة

kamel1087 · 2013-04-25, 17:54

ارجو من العاملين بالصيدليات كبائعين او صيدليين امدادي بمعلومات عن الاجر الذي يتقاضاه مساعد الصيدلي او بائع الادوية مع العلم اني تلقيت الوعد بالتوظيف بعد العمل لمدة تجريبية كما ارجو من الاخوة اعطائي بعض النصائح للنجاح في هذه المدة التجريبية

djihanegirl · 2013-04-25, 20:30

الخدمة عند الصيدلي واعرة بزاف ممكن تقول ما هي شهادتك يعني واش قريت صيدلة ولا ليسانس عادي باش نقدر نجاوبك

kamel1087 · 2013-04-25, 20:45

يا اخي انا عندي ليسانس علوم التسيير مي كاين خدامين في لافارماسي هذي عندهم نيفو ثالثة ثانوي لكن باش تتعلم الخدمة تاع لاغارماسي لازملك وقت علئ الاقل عام هذا لي قالتولي مولات لا فارماسي

حميد.ص · 2013-04-25, 20:49

كما قال الي قبلي صح الخدمة صعيبة شوية.......ولو انو تختلف الاوضاع من صيدلية لاخرى......انا اعرف ان العمل يتم بتوزيع الدوام على مجموعات ........المهم الارادة....اتكل على الله و ربي يوفقك

kamel1087 · 2013-04-25, 21:06

من فضلكم اكثرتفاصيل عن الاجر الذي يتقاضاه مساعد الصيدلي وبعض النصائح لكي تمر الفترة التجريبية بنجاح

kamel1087 · 2013-04-26, 15:31

اين انتم ايها الصيلدلة الاعزاء

AMINA.Z · 2013-04-26, 17:00

شوف يا اخي ما يخلعوكش بالدراهم اللي يديوهم
باش تبيع الدواء ما هيش ساهلة
انا نقرا صيدلة و نقولك مالقري نعرف على الدواء بزاف مي نخاف نبيعو كون ما نكونش قادرة على شقايا
الدواء راهو سم تغلط فيه حياة عبد تبقى في رقبتك

الشيء الثاني في القانون اللي مسموحلو يبيع هو الصيدلي اللي عارف كل دواء و مفعولو و واش يقدر دير
ماش بطاطا و بصل
و الناس اللي قرات بيولوجي تخصص صيدلة
الباقي ممنوع يقربو للدواء و اذا فاقو بالصيدلي يخدم اللي جا
ينحيولو الرخصة و اذا تسبب هاذاك الشخص في موت اي مريض
الصيدلي هو اللي يتحاسب ينحيولو الديبلوم و يزيد يدخل للحبس

على حساب علمي اللي ما قراوش صيدلة يسلكوهم من مليون ل 3 ملاين بالصح الصيدلي يسلك من 4 ملاين و طلع

اخطيك يا خويا اخدم على قد قرايتك و ما تحصلش روحك في اللي خاطيك

الناس دايا نظرة على الصيدلي يبيع برك كون تعرفو الصيدلة صح تقنعو بلي حياة الناس ما هيش لعبة صح

kamel1087 · 2013-04-26, 22:44

شكرا جزيلا علئ هذه النصائح القيمة

djihanegirl · 2013-04-27, 09:36

اخي انا من الدومان و أنا لي كنت سقسيتك من اامشاركة الاولى وفهمت بلي انت ماش صيدلي المهم الاجر يكون على حساب المعرفة و الاقدمية يعني واحد غير كيما كمل الستاج نتاعو يبداولو من 15 ألف و القديم يدي حتى 3 و 3.5 ملاين و كيما نقول الاقدمية يعني تتحسب بالخمس سنوات و السبع سنوات و انت والصيدلي لي تخدم عندو كاين البخيل وكاين الكريم لي يكون ممتن لتعبك وكاين ألي يدخل أرباح كثيرة وكاين لي قليل مسكين هذا كلو داخل في المعايير
و باش تفرض روحك يلزم تكون ذو خبرة لانو الصايدلة تجيهم صعيبة واحد قرى صيدلة و واحد ربما مستوى ثالثة ثانوي و يجو في نفس المستوى
ووا ش لازم تتعلم المرة الاولى قبل كل شيء
المرحله الاولى مهمتك تقتصر غير على هذا الشيء
ميديكامو دو كونساي يعني ايجيك واحد عندو زكام واش لازملو و.......و.....الخ
المرحلة الثانية
تبدا في أصناف الدواء والصيدليين راهم مرتبينهم بلي زيطاجار مثلا تبدا بالمضادات الحيوية antibiotiquesوثم antalgique وثم gastro وثم ............
المرحلة الثالثة déchifrage des ordonnance
واذا حبيت اتصل بالادارة يعطولك حسابي فالفايس بوك أو امايل الخاص بي ورايحة نعاونك بزاف

kamel1087 · 2013-04-27, 12:37

بارك الله فيك رايح نتصل بيك لاحقا عن طريق الفايسبوك

djihanegirl · 2013-04-27, 15:21

اقتباس:

المشاركة الأصلية كتبت بواسطة kamel1087

بارك الله فيك رايح نتصل بيك لاحقا عن طريق الفايسبوك

أخي اطلب من الادارة و ما تنساش اختيار أحسن إجابة

AMINA.Z · 2013-04-27, 16:26

اقتباس:

المشاركة الأصلية كتبت بواسطة djihanegirl

اخي انا من الدومان و أنا لي كنت سقسيتك من اامشاركة الاولى وفهمت بلي انت ماش صيدلي المهم الاجر يكون على حساب المعرفة و الاقدمية يعني واحد غير كيما كمل الستاج نتاعو يبداولو من 15 ألف و القديم يدي حتى 3 و 3.5 ملاين و كيما نقول الاقدمية يعني تتحسب بالخمس سنوات و السبع سنوات و انت والصيدلي لي تخدم عندو كاين البخيل وكاين الكريم لي يكون ممتن لتعبك وكاين ألي يدخل أرباح كثيرة وكاين لي قليل مسكين هذا كلو داخل في المعايير
و باش تفرض روحك يلزم تكون ذو خبرة لانو الصايدلة تجيهم صعيبة واحد قرى صيدلة و واحد ربما مستوى ثالثة ثانوي و يجو في نفس المستوى
ووا ش لازم تتعلم المرة الاولى قبل كل شيء
المرحله الاولى مهمتك تقتصر غير على هذا الشيء
ميديكامو دو كونساي يعني ايجيك واحد عندو زكام واش لازملو و.......و.....الخ
المرحلة الثانية
تبدا في أصناف الدواء والصيدليين راهم مرتبينهم بلي زيطاجار مثلا تبدا بالمضادات الحيوية antibiotiquesوثم antalgique وثم gastro وثم ............
المرحلة الثالثة déchifrage des ordonnance
واذا حبيت اتصل بالادارة يعطولك حسابي فالفايس بوك أو امايل الخاص بي ورايحة نعاونك بزاف

يا اختي حياة الناس ماهيش لعبة باه نرجعو نحكيو على المستوى
و زيدي الفرق في المستوى واضح ما يحتاجش نحكيو فيه
كون جا الدواء ساهل في خدمتو و لا حتى في البيع
كون ماداروش تخصص صيدلة و ديبلوم تديه بعد تعب ست سنوات

الصيدلة راهي علم و مسؤولية ماهيش تجارة