صوص مرافقة لبطاطا مقلية او المعقودة او شوفلور مقلي .... على طريقة رٌخْرٌفَةٌ

[zokhrofa]

السلام خواتاتي اليوم جبتلكم صوص بنينة بزاف و سهلة

ترافقي بيها البطاطا المقلية او المعقودة او الشوفلور المقلي او لي راكي حابة





الطريقة :

تقلي البصل في الزيت حتى يذبال مليييييييح و يولي لونو ذهبي

+ 2 ملاعق كبيرة طماطم مصبرة تخليها تتقلى شوية

+ ملح

+ قرصة سكر صغييييرة باش ما تبقاش الحموضية

+ كركم

+ فلفل اسود

+ ملعقة صغيرة زعيترة

+ ورقة صغييييييييرة رند

تخليهم يتقلاو شوية

من بعد تمرقي بالماء بحيث ما ترجعيهاش شربة شورورو

لازم تبقى ثقيلة كيما باين في الصورة

تخليها تعقد مليح لمدة 15د على الكانون الصغير و يكون في درجة متوسطة

من بعد طفيها و خليها ترتاح 15د الى 30د

بصحتكم ان شاء الله تعجبكم