الي ما شافتهاش راحت عليها كريمة/صوص/قلاصاج شوكولا صنع منزلي سهل جدا

[شمس بريكة]

السلام عليكم


اليوم جبتلكم وصفة او طريقة صوص شوكولا 3 في1

01* صوص شوكولا لتزيين المثلجات او اللي موس

02* كريمة لتزيين الحلويات و التورتات

03* قلاصاج

وتصلح حتى شكولة للفور تشبه النوتيلا

وهذا كامل صنع منزلي وسهل جدا وبسيطة في 05 دقايق
انا هزيتها من النت وزدت فيها اضافات بلمستى الخاصة

نبداو على بركة الله

المقادير:
انا استعملت الغرفية تاع الحليب خرجتلي بلارة قد الكيلو تاع الطماطم
مركز تحميل الصور
حضرو

فنجال حليب
فنجال سكر
فنجال زيت
فنجال كاكاو تحبي القهوي ولا الاسود
مغرف زبدة
مغرف معجون


خلطي كلش الا الزيت خليه بجيه في الباتار ولا الميكسور ولا الروبو
انا استعملت الروبو عندي واحد صغير نرحي بيه حوايج صغار


خلطي كلش
كي تشوفي الخليط تجانس صبي الفنجال تاع الزيت على دفعات 04 دفعات بالشوي و خلطي حتى
تخثار لاصوص وتعود كما المايوناز

وحطيها في الفرجدار تبرد

تحبي تستعمليها في الحين راح تكون شوية خفيفة
او تخليها لغدوة او بعد ساعات راح تجمد وتحكم روحها وتعود كما النوتيلا

شوفو هنا كي جمدت كيفاش ولات
مركز تحميل الصور
والي تحب تعطيها طعم النوتيلا باش تفطر بيها
زيديلها منكه اللوز ولا البندق
اذا ما عندكش ارحي حفنة كوكاو رقييييييق بودر وخلطيها راح تعطيك طعم هايييييييييييييل

مركز تحميل الصور
انا اي حاجة نخدمها نحب نضوقها لراجلي فأر التجارب تاعي ههههه
وخدمتها في ليل بعد العشا
المرة اللولة خاف قالي واش هاذي الحية الكحلة تحوسي ترهجيني ليل ليل ههههههه
وكي ضاقها قالي زيديني شوي هههههه
ومن بعد فاق مع روحو قالي هاذي منين جبتيها ولا خرجتي من ورايا وشريتيها هههههه

المهم والله هايلة صح وتصلح حوايج بزاف و تنقذ في المواقف الحرجة
تقدري تخدمي كمية طوبل وتخبيها لوقت الحاجة ولا ذيري كما انا
كان عندي قاطو مشري من برا ساااااامط ونكرهو
لصقت زوج حبات مع بعض و زينتو من فوق ورشيتلو كوكاو
خرج هاااااااااايل

هاذا هوا كفاه خرج
مركز تحميل الصور



مركز تحميل الصور




مركز تحميل الصور

انا استعملت الكاكاو الاسود عليها جات غامقة
نتمنى تجربوها وردولي بالخبر

مركز تحميل الصور

مركز