حريرة وهرانية
صراحة انا نموت عليها وفي دارنا كامل شهار رمضان نديروها
ا
لمقادير
ندير في قدرة حبة بصلة تنقلى مع طرف لحم او دجاج كي يتقلو مليح وهادا هو سر مرقة يتقلو مليح على نار ناقصة
نزيد مغرف كبيرة طماطم مصبر ة نقلي نزيد زوج حباة طماطم نقلي ندير ملحو حرور و مغرف راس حانوت و فلف احمر
نزيد حفنة حمص ونص حفنة فول يابس اذا وجد اختياري و 3 حبات جزر مقطعين وحبة لفت مقطعة وحبة بطاطا صغيرة مقطعة و ربطة
قصبر و كرافس ووحدة فلفل حار اختياري نمرق ونخليها طيب على نار هادئة
ندير نصف غرفية او كمشة تيشة في ماء و بعد مرور 30 دقيقة نصفيها ونديرها في قدرة تزيد طيب 30 دقيقة
نطحن كلش برحاية ماعاد فلفل ولحم
نرجعها مرة تانية للنار ندير نصف مغرف كبيرة راس حانوت ونزيد شوية قصبر و نكونو موجدين 2 مغارف فرينة في شوية ماء وربع مغرف خميرة
اختيارية خطرات ندير غير فرينة نديرها في مرقة ونحرك مليح ممكن نزيد حفنة صغيرة من شوربة فارميسال نزيد نخليها 15 دقيقة تعقد ونطفي
و االصحة و الهنا ورمضااان كريم الله يتقبل منا و منكم انشاء الله
( تقرير عن مشاركة سيئة )، و الموجودة أسفل كل مشاركة .
2016-06-08, 13:47
حريرة وهرانية راااائعة
العرض الشجري