رغيفات مغربية معسلين

[ام سراج وملاك]

البسملة1



كنت شفت هذي الوصفةا في فايس بوك هيا وصفة مغربية وبطلب من الغالية ام وابنة اني لما نطبقها نحطهالها موضوع واخيرا طبقتها وكانت النتيجة رائعة نقلها اختي اسفة اختي على التأخير واتمنى ان تكون الخطوات واضحة و مفهومة واتمنى ان تعجب الجميع

المقادير : انا استعملت نصف الكمية فقط يعني المقادير هذي لي حطيتها لي تحب كمية كبيرة تضاعف المقادير برك 500 غ فرينة + 150غ زبدة + 2 مغارف كبار خل + قرصة ملح + تقريبا نصف لتر حليب دافىء ماشي سخون + للرش نشاء
طريقة التحضير
نحط الفرينة وفوقها الزبدة ونخدمها بيدي مليح نضيف قرصة ملح وخل ونبدا نلم بالحلب الدافئ ماشي نعجن نلم برك للحصول على عجين طري نخليها تريح حوالي ربع ساعة ومبعد نشكلعا دوائر ونحلها بالحلال نرش الفرينة ونحلها رقيقة بزاف ونرش لداخل بنشاء ونرولي بدون منخلي فراغات باش ميدخلش لهواء يعني كي نرولي نزير بيدي ونرولي مبعد نقطعها بالسكين مربعات ونقلب كل مربع ونضغط عليه بالحلال يكون صغير باش نخرج لجوانب نتاعو مبعد كي نكمل الكمية كامل نقليهم في زيت سخون وعلى نار هادئة ونبقى نصب عليهم الزيت بالمغرف و عند التقديم نعسلهم ونذري عليهم كاوكاو مرحي او لوز مرحي او جيلاجلانية التزين حسب الرغبة ونخليكم الان مع الصور هيا لي توضح اكثر واي سؤال انا في الخدمة





هنا خدمت الزبدة بيدي مع الفرينة وضفت الخل ولملح













وهاذي هنا راهم واجدين تفضلو كامل سميو بسم الله