نتائج مسابقة مفتش رئيسي للضرائب

نجوى لحلوة · 2014-01-21, 11:10

السلام عليكم نتمنى تكونو كااااااااااااااااااااااااااااااااااااااااااااااااا اااااااااااااامل لاباس
وقتاه تخرج نتائج مسابقة مفتش رئيسي للضرائب بقسنطينة

نجوى لحلوة · 2014-01-23, 09:04

وينننننننننننننننننننننننننككككككككككككككككككككممم مممممممممممممم

آسياآسيا · 2014-01-23, 10:55

السلام عليكم، اهلا اختي واش راكي ان شاء الله تكوني بالف خير،انا الحمد لله راني بخير.
النتائج مازال شوية على حسب خبرتي في المسابقات راهم يطولوا شوية باش يظهروا.
يقدروا حتى يطولوا شهر. المهم انا ان شاء الله اذا رحت لبلاد نسألهم ونردلك الخبر باذن الله.
ربي يوفقك ويقدملك الي فيه الخير.وكل المؤمنين.

نجوى لحلوة · 2014-01-23, 11:06

وعليكم السلام اختي اسيا واش احوالك غيبتيها المهم شكرا ليك

آسياآسيا · 2014-01-23, 11:21

السلام عليكم، اختي وصلتني رسالتك، الله يشفي عمتك وما تشوف شر. والله يعينك ويبارك فيك كيما راكي واقفا عليها. والله يا اختي ما نوعدكش نلقالك وحدا ولكن باذن الله نحاول ونزيد نوصي خاوتي كاش من يعرفوا. وان شاء الله خير.

آسياآسيا · 2014-01-24, 18:35

السلام عليكم، اهلا اختي نجوى ان شاء الله راكي بخير وكل العائلة وخاصة عمتك. قرأت رسالتك على الخاص والله تمني بربي يا ختي راني لا علاقة بال فايسبوك .اصلا خويا مسيطر على ال pc و لانترنت.ما نصدق يخرج باش نخطف روحي ونطل على هذا المنتدى ونشوف كاش مسابقات توظيف جدد و+ تعرفي شغل الدار.
المهم عندي رقمك وغدا ان شاء الله نفليكسي ونعيطلك ok?

آسياآسيا · 2014-01-24, 23:21

السلام عليكم. ان شاء الله تكوني قريتي ردي

نجوى لحلوة · 2014-01-25, 10:07

قريت ردك اختي العزيزة وشكرا ليك وكاشما تسمعي باي مسابقة قوليلي وتذركي تخصصيي علوم قانونية وادارية

آسياآسيا · 2014-01-25, 10:52

السلام عليكم. ان شاء الله كاش جديد نخبروا بعض وان شاء الله خير

Mahboub_222 · 2014-01-25, 17:52

ان شاء الله انتما الاثنان تكونان بخير..

نجوى لحلوة · 2014-01-26, 08:27

اقتباس:

المشاركة الأصلية كتبت بواسطة mahboub_222

ان شاء الله انتما الاثنان تكونان بخير..

الف شكر لك اخي

آسياآسيا · 2014-01-26, 11:20

اقتباس:

المشاركة الأصلية كتبت بواسطة Mahboub_222

ان شاء الله انتما الاثنان تكونان بخير..

السلام عليكم، الحمد لله رانا بخير شكرا لك اخونا mahboob222 وان شاء الله تكون بخير وكل المؤمنين

ha91 · 2014-01-26, 16:31

السلام عليكم أخي
ماهي الأسئلة التي طرحت

آسياآسيا · 2014-01-26, 19:31

السلام عليكم. اخونا ha9 المقابلة كانت بالقصاصات. يعني ورق فيهم اسئلة مطبقين وانت تهز واحدة. اذا طاحلك سؤال في الاختصاص نتاعك تجاوب.
واذا مش في اختصاصك تعاود تهز وإلا يعطيولك هوما سؤال في الاختصاص. المهم كيما اختنا نجوى لحلوة طاحلها سؤال على الميزانية والضريبة والتنمية.

آسياآسيا · 2014-01-26, 19:39

السلام عليكم. اختي نجوى ان شاء الله تكوني بخير. وان شاء الله عمتك راهي بخير ربي يعينكم ويشفيها وترجع لدارها بالسلامة والعافية والصحة.