لوكان جيتو في بلاصتي وش ديروا راني حايـرة ؟؟

staifia · 2012-10-23, 16:40

الســــــلام علــــيكم يا جمـــاعة الخـــير والخمـــير

مشكلتي تتمثل في ولد عمي ....
عندي 15 يوم ملي جا خطبنـــي ... خدام لاباس بيــه ... دارهم ناس ملاح , يعني ولد عمــي نعرف عليه كلشي ....
انا في الاول ما كنتش دايرتها في بالي ولا عمري حطيت عيني عليــه ,,, يعني اولاد عمومي كامل كي خاوتـي ...
وكنت رافضة زواج الاقاربـ ... المهم لما جا خطبني في الاول جاتني صدمـة وبعدين تأقلمت مع الوضع ,.
مشكل العائلة نحيـــتو .... المشاكل مع العايلة تاني نحيتهم خاطر حنا الحمد لله متفاهمين مع العائلة كامل ....
انا رفضتـ ,,,,علاه ...؟
- اولا يسكنـ في الدوار لكن عندهم التاويل يعني بسيارتهم ودارهم ..ما يخصو والو ,,, انا منيش نشوف للمادة خاطر الحمد لله متخلعنيش .... يعني محبيتش الدوار وهو قالي اصبري معايا شوي وندير دار في جهة اخرى ...
- كاين واحد نعرفو بصح ما نحكي معاه في التليفون ما نتلاقى بيه ما والو يعني جا هدر معايا وقالي اصبريني لعام الجاي حتى نحكم خدمة ويعدل امورو و يجي هو مش من سطيف ....
- ولي نشاورو يقلي اقبليـ بابن عمكـ، مكاش واحد لي قالي متقبليشـ ... حتى امي وابي عاجبينو وقالي واحد تعرفي اصلو احسن من واحد متعرفيهش ....
ضرك انا رانــي حايرة .,,, كيفاش ندير صليت صلاة الاستخارة بصح ما بانلي والو ....
استخرت وشاورتـ ومزالني حايرة .... وهو ماهوش طالقني خلاص قالي وراك وراك والزمن طويل
المهم جيت طرحتلكم مشكلتـي ونشوف رأيكم و نصيحتكم علابالي هادي حياتي وانا لي نقررها لكن حبيت نعرف ارائكم
نتمنى كل واحد منكم يحط روحو في بلاصتي ويقرر ....
بارك الله فيكم وشكـــرا ...

sarah1424 · 2012-10-23, 17:51

انا يا اختي مفهمتش قصتك مليح اذا كاين شخص اخر في حياتك وواعدك بالزواج تخليه وتروحي لولد عمك؟؟ والله معرف قصتك مفهمتهاش مليح مدى ارتباطك بالشخص الثاني؟؟؟ المهم نصيحتي ليك اقبلي بولد عمك لانو خطبك على سنة الله والرسول واقطعي علاقتك بالشخص الثاني واعتذريلو (لخاطر يقول ك جاها خير مني باعتني ) ربي يسهلك في حياتك كامل

staifia · 2012-10-23, 18:14

اقتباس:

المشاركة الأصلية كتبت بواسطة sarah1424

انا يا اختي مفهمتش قصتك مليح اذا كاين شخص اخر في حياتك وواعدك بالزواج تخليه وتروحي لولد عمك؟؟ والله معرف قصتك مفهمتهاش مليح مدى ارتباطك بالشخص الثاني؟؟؟ المهم نصيحتي ليك اقبلي بولد عمك لانو خطبك على سنة الله والرسول واقطعي علاقتك بالشخص الثاني واعتذريلو (لخاطر يقول ك جاها خير مني باعتني ) ربي يسهلك في حياتك كامل

بارك الله فيك اختي ع النصيحة ..
وش مفهمتيش قصتي راهي واضحة
الشخص الاخر يعني منحبوش اعجــاب بركـ ... لكن مش واجــد ....
شكرا لك وربي يحفظكـ

موج و صخر · 2012-10-23, 18:54

اختي ابن عمك تقدم لك و الحمد لله
و عائلته نا س ملاح و راكم متفاهمين معاهم و كل شيء لاباس و الحمد لله
إذا اتكلي على الله و اقبلي و ما يكون غير الخير ان شاء اللله

staifia · 2012-10-23, 21:15

اقتباس:

المشاركة الأصلية كتبت بواسطة موج و صخر

اختي ابن عمك تقدم لك و الحمد لله
و عائلته نا س ملاح و راكم متفاهمين معاهم و كل شيء لاباس و الحمد لله
إذا اتكلي على الله و اقبلي و ما يكون غير الخير ان شاء اللله

ربي يحفظك اختي على النصح ...
ونقولو ربي يجيبـ الخـــير ... نزيد نخمم ونشوف
شكـــرا

sarah1424 · 2012-10-23, 19:23

اقتباس:

المشاركة الأصلية كتبت بواسطة staifia

بارك الله فيك اختي ع النصيحة ..
وش مفهمتيش قصتي راهي واضحة
الشخص الاخر يعني منحبوش اعجــاب بركـ ... لكن مش واجــد ....
شكرا لك وربي يحفظكـ

أختي قصتك واضحة بالنسبة ليك لاني انا منعرفش مدى علاقتك بشخص وعدك بالزواج يعني اكيد اتكلمتي معاه وبعد اعجابك قلك اصبري عليا ونزيدك يا اختي نعرف انسان قربي ليومنا هذا متزوجش لانو اعجب بوحدة وطلب منها الانتضار وهي وافقتك لكن ك جاها واحد خير منو راحت وخلاتو هو جاتو صدمة وكره النساء كامل وعاد يقول لا ثقة في النساء يحبو الواجد ويحبو المادة نتمنى تراعي مشاعر هذا الانسان اذا كان صادق وانت ادرى بنفسك وبحالتك انا نتمنالك كل خير ربي يسهلك

staifia · 2012-10-24, 19:09

اقتباس:

المشاركة الأصلية كتبت بواسطة sarah1424

أختي قصتك واضحة بالنسبة ليك لاني انا منعرفش مدى علاقتك بشخص وعدك بالزواج يعني اكيد اتكلمتي معاه وبعد اعجابك قلك اصبري عليا ونزيدك يا اختي نعرف انسان قربي ليومنا هذا متزوجش لانو اعجب بوحدة وطلب منها الانتضار وهي وافقتك لكن ك جاها واحد خير منو راحت وخلاتو هو جاتو صدمة وكره النساء كامل وعاد يقول لا ثقة في النساء يحبو الواجد ويحبو المادة نتمنى تراعي مشاعر هذا الانسان اذا كان صادق وانت ادرى بنفسك وبحالتك انا نتمنالك كل خير ربي يسهلك

معاك الصح ,,,, راني زدت وضحتلك القصة تاعي اختي العزيزة .....
لازم الواحد يختار الصحـ وانا اكيد منقدرش نخدع حتى واحد ... لوكان منكونش مقتنعة منقدرش نكمل ...
بارك الله فيك
تحيتي

السي محمد · 2012-10-23, 18:55

لا يمكنني ابداء لراي في هذا الموضوع

ولكن اتمنى لك السعادة و الهناء

ربي يهنيك يوفقك للخيار الصحيح

اكثر من الصلاة و الدعاء

staifia · 2012-10-23, 21:21

اقتباس:

المشاركة الأصلية كتبت بواسطة السي محمد

لا يمكنني ابداء لراي في هذا الموضوع

ولكن اتمنى لك السعادة و الهناء

ربي يهنيك يوفقك للخيار الصحيح

اكثر من الصلاة و الدعاء

اسعدنــي مروركـ خيو ,,, و ربي يخليكـ و يهنيك انت تاني ويجيبلك بنت الحلااااااااااااااال
هانا ندعيو و نصليو وربي يجيب الخير
دمت بخير
سلام

amirateljazayer · 2012-10-23, 21:22

ياحبيبتي كما يقول المثل "احكمي فالخيط الصحيح واخطيك من الخيط الراشي "
ابن عمك خطبك من اهلك وهكذا يفعل كريم بن كريم من دون مقدمات الى درجة انك انصدمت لأنه لم يظهر لك قط بأنه مهتم بك
اما الآخر فقد وعدك بالزواج فقط
+
ابن عمك له عمل يستطيع به فتح بيت اما الىخر فهو ينتظر العمل الذي لا أحد يدري ان كان سيحصل عليه ام لا
انا لا اقارن بين الاثنين الاّ من ناحية موضوعية وواقعية
وعليه أرجو ان تكثري من الاستخارة لان الله سبحانه وتعالى سيرشدك وما يختاره لك فارضي به
ادعو لك بالتوفيق كله عزيزتي
يسّر الله امورك
ودعك من التشاؤم من فكرة "الدوار" لانه لا يعني ان الفتيات المتزوجات في الدواوير تعيسات
صحيح ان جل الناس يفضلون المدينة لتوافرها على معظم وسائل الراحة
ولكن الراحة الزوجية تضع كل تلك الامور على الهامش ..

assia81 · 2012-10-23, 21:55

السلام عليكم ورحمة الله وبركاته
اختي استفت قلبك ولمن يميل مهما كانت النتيجة فمستحيل ان تتزوجي واحدا منهم وقلبك معلق بالاخر
وباينتلي بلي تميلي لي قالك انتظريني

staifia · 2012-10-24, 19:28

اقتباس:

المشاركة الأصلية كتبت بواسطة assia81

السلام عليكم ورحمة الله وبركاته
اختي استفت قلبك ولمن يميل مهما كانت النتيجة فمستحيل ان تتزوجي واحدا منهم وقلبك معلق بالاخر
وباينتلي بلي تميلي لي قالك انتظريني

وعليكم السلام حبيبتي ...
في الاول والاخير نرجع لقلبي يعني وين يرتاح هداك هو
انا في الاول جاتني شوي وممبعد رتاحلو قلــبي ,,,
نقلك الصح انا مش من عادتي نصدق حاجة مش صحيحة يعني منميلش ليه بزاف
لكن كي نخمم مليح ,, نفكر فيما يرضي الله ... هدا رجائنا
شكرا لمروركـ الراقي
سلامـ

assia81 · 2012-10-26, 09:19

اقتباس:

المشاركة الأصلية كتبت بواسطة staifia

وعليكم السلام حبيبتي ...
في الاول والاخير نرجع لقلبي يعني وين يرتاح هداك هو
انا في الاول جاتني شوي وممبعد رتاحلو قلــبي ,,,
نقلك الصح انا مش من عادتي نصدق حاجة مش صحيحة يعني منميلش ليه بزاف
لكن كي نخمم مليح ,, نفكر فيما يرضي الله ... هدا رجائنا
شكرا لمروركـ الراقي
سلامـ

اختي انا تحدثت من خلال تجربتي
لانك ان لم تفعلي هذا فستخسريهم الاثنين

staifia · 2012-10-24, 19:07

اقتباس:

المشاركة الأصلية كتبت بواسطة amirateljazayer

ياحبيبتي كما يقول المثل "احكمي فالخيط الصحيح واخطيك من الخيط الراشي "
ابن عمك خطبك من اهلك وهكذا يفعل كريم بن كريم من دون مقدمات الى درجة انك انصدمت لأنه لم يظهر لك قط بأنه مهتم بك
اما الآخر فقد وعدك بالزواج فقط
+
ابن عمك له عمل يستطيع به فتح بيت اما الىخر فهو ينتظر العمل الذي لا أحد يدري ان كان سيحصل عليه ام لا
انا لا اقارن بين الاثنين الاّ من ناحية موضوعية وواقعية
وعليه أرجو ان تكثري من الاستخارة لان الله سبحانه وتعالى سيرشدك وما يختاره لك فارضي به
ادعو لك بالتوفيق كله عزيزتي
يسّر الله امورك
ودعك من التشاؤم من فكرة "الدوار" لانه لا يعني ان الفتيات المتزوجات في الدواوير تعيسات
صحيح ان جل الناس يفضلون المدينة لتوافرها على معظم وسائل الراحة
ولكن الراحة الزوجية تضع كل تلك الامور على الهامش ..

عندكـ الحق يا ختــي حتى انا منـحكمش في الخيطـ الراشــي وما ني مزروبــة عالزواجـ .. لكــن انا في الاول قلت لالا
وهو مخلانيـش يعنـي قالي انا حاط عيني عليك من قبــل وعلابالي بلي راح نعيش معاه حياة سعيدة وهانيـة
صح كي نولي نخمم مليح ومن الجانبـين هدا تقدملي للدار والاخر مكان حتى حاجة تربطني بيــه ...
ربي يجيب الخــير
بارك الله فيك ع المرور العطر

مسلم سني · 2012-10-23, 22:21

السلام عليكم
كان الله في عونك أختي
الله يسهلك
احترماتي