اريد حلا قبل 3 جوان

مشكلتي · 2012-01-28, 18:18

السلام عليكم اخوتي
انا فتاة ادرس ثالثة ثانوي علوم تجريبية
راني مدمرة بزاف من الفيزياء استاذتنا ما تفعهم والو لما نقولها استادة ما فهمتش تقولي احفظي الفيزياء حفظ
كرهتلي حياتي العام اللي فات كنتد نجيب 18 و17 في الفيزياء كنت نقرا عند استاد فور وهدا العام راي غير في 11 ندور
انا دائما الاولى في الثانوية السنة راني متخوفة بزاف من الفيزياء
كي نقعد في الدار نبغي تركز ونحل تمارين نلقى روحي ما فاهمة والوو كرهت حياتي راني باغية نحسن من هدا الوضع انا اعاني جدا
ايها القارىء تخيل نفسك تلميد مجتهد تحب مادة الفيزياء وتدرسك استاذة 0000000 ومند دخولك للمدرسة وانت متميز بمعدلاتك الممتازة واهلك ياملون ان تحقق حلمهم ببمعدل ممتاز في الال لكنك تعاني مع الفيزياء

s english · 2012-01-28, 21:09

اقراي الدروس الخصوصية انا تاني كنت كيما انتي العام اللي فات فادوني بزاف حتى وليت انا نقري صحاباتي و اعلى علامة ديتها فالباك كانت في الفيزياء كنت نعاني من استاذ الفيزياء ربي يهديه واذا الظروف ماتسمحلكش دبري الكراريس من عند وحدة تدير لي كور و اكثري من حل التمارين الكتاب المدرسي و اجمعي الاسئلة تاع الباك لي فاتو وحليهم ماعليش اقعدي فالتمرين الواحد يومين المهم تفهميه ونزيدلك كاين مرجع الشامل روعة بصح اتولهي فيه شوي اخطاء حسابية برك

نجمة ساطعة · 2012-01-28, 21:17

مشكل فعلا ... عزيزتي ما عليك الا ان تتركي امر هذه الاستاذة و تبدئي رحلة
الدراسة لوحدك سجلي دروس خصوصية في مدارس خاصة او شوفي استاذة
جيدة و اطلبي منها ديرلك دروس خصوصية
ابحثي في النت عن مواضيع مشروحة او اشتري مراجع ستساعدك كثيرا
قومي بانشاء موضوع هنا في المنتدى و اطلبي من الاستاذة ان يشرحوا
لك الدروس لن يقصروا تأكدي
و ربي ينجحك
لازم تطبقي الحلول في اقرب وقت لان مادة الفيزياء مهمة جدا للمستقبل
خاصة انك متفوقة يعني الشعب التي تطمحين اليها تقام على الفيزياء
خاصة الصيدلة

طالبة مساعدة · 2012-01-28, 21:24

ربي يكون معاك لكن لابد من الدروس الخصوصية ربي يوفقك

جسور المحبة · 2012-01-28, 21:41

استعيني بالمراجع والدروس الخصوصية راح تفيدك

عميروش الحر · 2012-01-28, 22:15

استعيني بالانترنت....
انا كنت مثلك ولكن في الرياضيات وبفضل الانترنت حسنت مستواي توجد الكثير من الدروس سواء بالعربية او الفرنسية على شكل مواضيع او فيديو واستفدت كثيرا منهم
وانصحك بالدروس الخصوصية

الدكتور سام · 2012-01-28, 22:34

اشري كتابات و فهمي وحدك.انا شخصيا جامي فهمت من استاد سواء كان رياضيات او فيزياء و قريت كل شئ وحدي و جبت 18 في الفيزياء و 16 في الرياضيات في البكالوريا.و احيطك علما كدلك انى في خلقي ما درتش كور(دروس خصوصية)و الحمد لله.ادن الاعتماد على النفس وسيلة جد مفيدة.و فقك الله و كل المقبلين عل شهادة البكالوريا

fifiarch · 2012-01-28, 23:26

اختي ماقدرتش نمر و مانخليلكش رد
والله هذه صح مشكلة
لكن ماتخافيش بالزاف
انت اذا كنت في كل المواد قاوية
خصصي وقت اكبر للفيزياء
راجعي الدروس مع الزملاء
استخدمي المراجع و الحوليات
و من الافضل اخذ دروس خصوصية
انا كنت مثلك في البكالوريا نتاعي
مبصح للاسف حتى الدروس الخصوصية ماجابتش نتيجة
لانهم كانو يحبو الدراهم و مايقروناش
اتمنى تلقي شكون يفهمك
شوفي زميلة ليك او واحد من اقرباءك يفهم في هذه المادة
ممكن يدرسك

احلام وردية2 · 2012-01-29, 08:36

لازمك دروس خصوصية هداك استاد وما تقدرى ديرى معاه والوا لازمك دبرى عللى روحك نظمى وقتك وديرى دروس خصوصية وحاولى تانى فالبيت باش تفهمى روحك

يا حبيبتى انا كون جيت نعرف الفيزياء كون رانى فى نفس القسم لى راكى فيه يعنى 3 ثانوى شعبىة علوم تجربية مش رانى قاعدة ف بلاصتى ف 2 ثانوى شعبة علوم تجربية

الله غالب الفيزياء حطمتنا

يلا حبيبتى مين تربحى الباك فرحينا وخبرينا بالمعدل

دعاء شيماء · 2012-01-29, 08:49

صح كيما قالولك اقراي الدروس الخصوصية فيزياء عند احسن الاساتذة وهكذا تضمني انك راكي ممتازة في الفيزياء
ولازم تكوني رزينة ومتقلقيش روحك لانك اذا تقلقتي التفكير راح ينهار وخطة الفوز تضيع

مريم الصابرة · 2012-01-29, 09:39

السلام عليكم اختي عذا المستقبل نتاعك والاستاذة ما علابالهاش بيك قريتي وإلا ما قريايش هذا حال اغلبية الاساتذة تجي تقري تقول 2 حروف وتخرج والشهرية تديها إنت أقراي دروس خصوصية وزيدي بالإنترنت كنتي تقراي مليح هذي المادة عاودي تبعي وحدك الدرس اللي تقرايه عندها عاوديلو بالدروس الخصوصية والإنترنت وربي يعينك اختي وينجحك

ام حذيفة · 2012-01-29, 15:54

حبيبتي لا نستطيع ان نقول ان هذا الاستاذ او ذاك مايفهم والو

بل ممكن تكون طريقته غير مفهمومة عندك او عند زملاك هذا اولا

ثانيا عليك بمضاعفة جهدك لاعادة فهم الدروس التي لم افهميها

بحل التمارين او الاستعانة بمراجع ونصحتي لا تكثري منها فقط اعتمدي واحد او اثنين

وحسب معلوماتي المتواضعة ان من بين احسن المراجع الزاد في الفزياء ودليل الطالب في الفزياء والكمياء

حبيبتي حاولي الاستعانة باساتذة اخرين يشرحون لك مالم تفهمي فقط لا تجعلي هذه المشكلة الطفيفة تشكل

عائقا كبيرا نحو تفوقك بالعزيمة والارادة والعمل ستتجاوزين ما صعب عليك

توكلي على الله وانطلقي ولا تقلقي

فتح الله عليك حبيبتي

رحيق الايمان · 2012-01-29, 17:30

اختي ربي يوفقك و مشكلتك عانيت منها قبلك انا تاني قريت عند استاذ في الفيزياء الى ما يفهمش و زيد كرهني في النهار الي دخلت فيه للمدرسة و كرهني في المادة لاني كنت نحب نفهم و هو فسرها اني نتمسخر بيه لانه يعجز على الحل و يهرب انت على الاقل تدي فيها 11 انا من ثانية ثانوي ماعطانيش اكثر من7 قريت عنده عامين لكن عام الباك دخلت دروس خصوصية بالصح ما لقيتش روحي عولت على نفسي بما انني مليحة في الرياضيات الفيزياء حولتها الى رياضيات شافية عليها حوليات الباكالوريا من 1990الى 2003 حليتهم جميع الاختصاصات و زدت عاودتهم صح في الامتحانات علاماتي كامل فوق 15 و انا الاولى على القسم بالصح الفيزياء لا علاقة و المفاجئة كانت نهار الباكالوريا حليت و الخوف من العلامة كان فيها حاول يهزمني و نخلط الاجابة و نخرج بالصح صممت ما نضيعش تعبي و جاوبت و نهار النتيجة نجحت كيما تكوني انت و علامتي في الفيزياء كانت 14.5/20 هو في حد ذاته تلفتله كي شافها و قالي شفتي دروسي فادوك كنت راح نقولو انت تحوس شكون يقريك ماش تقري
نصيحتي ليك من وحدة عقبت واش راكي فيه نضمي وقتك ما عندو ما بقى على الباك عاودي دروسك درس بدرس و فهمي روحك كانك استاذة و حلي التمارينات و لا عيب انك تروحي لكانش استاذ متمكن من المادة يقريك الدروس ربي يوفقك و ينجحك

nibou · 2012-01-29, 21:23

يا ولدي متبقايش تبعي فيها و هاذ النقاط لي تدي فيها أي مش تاع الباك لذلك أنا أوافق الإخوة ركزي على الدروس الخصوصية و قراءة الكتب و حل التمارين منها.
يجب أن تجلسي مع نفسك و تحدثيها و تقنعيها أيضا بأن النجاح لا يعتمد على الأستاذة 100/100 بل هوالتوفيق من الله عز و جل و لكن يا عزيزتي كل العمل تقومين به وحدك فحتى أستاذ الدروس الخصوصية لن يساوي شيئا إذا لم تبذلي مجهودك فالبكالوريا تعتمد بنسبة 80/100 عليك فتوكلي على الله عز و جل و لا تضعي اللوم على الآخرين لاخاطر لاكان تبعنا الشيوخا فالباك.........إيييييييييييييييييييييييييييييه!!!! !!!!!!!!!!!!!!!!!!!!!!

faty05 · 2012-01-29, 21:35

راني حاسة بيك .... كان عندي نفس المشكل في الرياضيات كنت ممتازة ..... لكن في الثانوية تولدت عندي عقدة من هذه المادة .... كانو الاستاذ لما يشرح يتكلم صينيه ...... خذي دروس خصوصية و حاولي ايضا تخدمي مليح في المواد الاخرى به تعوضي النقص في المادة ............ الفيزياء تحفظ يا سلام على اساتذه اخر الزمان .......... ربي يوفقك ان شاء الله